Tramptyng senimdi ókilderi Europa men Ukrainany qatystyrmay, Saud Arabiyasynda Putinning adamdarymen kelissóz ótkizgenen keyin, kәri qúrlyqta kýnde sammiyt. "Tól alu" ýshinde jinalys úiymdastyratyn kenes zamanyn eske týsirdi. Kerisinshe Tramptyng sózi myghym, kýnde bas qosatyn Europa basshylary siyaqty emes, bәrin bir ózi sheship alghan betinen qaytpauda.

Aq ýy qojayynynyng songhy jarlyghy, naqtylap aitqanda Ukrainagha әskery kómekti uaqytsha toqtatu sheshimi - Europagha arqa sýiemek bolghan Zelenskiydi de rayynan qaytaryp, tәubesine keltirdi. Jeksenbi kýni Kanadadan syrt, Europanyng 17 elining basshysy Londonda bas qosyp, Trampqa Europa men Ukrainanyng birlesken soghysty toqtatu josparyn úsynugha kelisken edi. Tramp ony kýtip otyrmay, Ukrainagha bara jatqan qaru-jaraqtyng bәrin qantaryp tastady.

Ukraina taraptyng jariyalaghan ashyq dereginshe Ukraina әskerining qolynaghy qarudyng 50 payyzy óz ónimderi bolsa, 25 payyzy Europa qatarly syrt elderdiki, qalghany ishindegi eng joyqyny AQSh bergen qarular. Europa elderi 2023 jyly million dana oq-dәri beruge uәde bergenimen, onyng jartysyn ghana jetkizgen. 2024 jyly da million emes, 600 myng dana jetkizgen. Al aldynghy shepke aiyna 200 myng dana oq dәri kerek eken. Resey taraby aiyna 250 myng dana oq-dәrini ózderi óndirip jatypty. Odan bólek Fransiya 2024 jyldyng basynda 2 milliard euronyng qaru-jaraghyn beruge keliskenimen, Reseyden 2,4 milliard eurogha gaz satyp alypty. Zelenskiydi qorghaydy degen Týrkiya Reseyden 3 milliard eurogha gaz alypty.

Naqty fakt aldynda Zelenskiyding Trampqa qayta qayyryludan basqa shyghar joly qalmapty. Birinshi bolyp Ukrainanyng Joghary Radasy Trampqa, AQSh halqyna qiyn sәttegi kómegi ýshin airyqsha alghysyn jariyalady. Tramp pen Vens Zelenskiydi "bizge rahmeting joq" dep aiyptap, onyng soghysty toqtatu kelisimine qol qonggha әli dayyn emes dep sheshken edi. Ukraina parlamenti halyq atynan AQSh-qa birinshi bolyp alghysyn bildirdi. Artynan Zelenskiy de jazba jariyalap, júma kýngi kelispeushilik ýshin ókinetinin jetkizdi. Tramp qana soghysty toqtata alatynyna keliskendey boldy. Sonymen birge Putinmen soghysty toqtatugha dayyn ekenin, birinshi kezekte әue men teniz shabuyldaryn toqtatyp, ózara tútqyn almasudy bastau kerek ekenin jetkizdi. Trampqa jekede hat joldap siyrek metall qoryn birlesip iygeru kelisimine qol qoiygha kelisetinin de jazghan.

Tramp keshe keshke Kongresste sóilegen sózinde Ukrainagha әskery kómekti toqtatu - Zelenskiydi kelisimge keluge mәjbýrleu sharasy ekenin atap ótken. Resey tarabymen de qatqyl sóileskenin, olardyng da soghysty toqtatugha peyil bildirip otyrghanyn aitqan. Syrtqy sayasatyna toqtalghanda Panama men Grelandiyany iyeligine aludy qaytalap aitqanymen, Gazalyqtardy kóshiru josparyn auyzgha almaghan.

Tramptyng bayandamasy kezinde demokratiya partiya ókilderi qatang qarsylyq bildirdi. Tehas shtatynan saylanghan kongresmen El Grin Tramp sóilep 5 minut ótpey aiqaylap sózin bólip, onyng "tabysy azdargha medisinalyq qosymsha kómekti toqtatu" búiryghyna qatang qarsylyq bildirip, zaldan kýshtep shygharyldy.

Michigan shatynan saylanghan demokrat Elissa Slotkin Tramptyng júma kýngi Zelenskiyge jasaghan mәmilesin synap, ony "kóz aldau, qoyylym" dedi. Ol "Tramptyng syrtqy sayasatynyng qanday ekenin, Putin siyaqty diktatordy kótermelep, Kanada siyaqty dostarymyzben jaulasyp otyrghanynan-aq biluge bolady" dep, Tramptyng syrtqy sayasattaghy qadamdaryn -  "jyljymaytyn mýlik saudasynan basqa týk te emes" dep sipattady.

Zelenskiyding Tramppen kelisim ýsteline qayta oralu әreketine Birinshi bolyp Fransiya preziydenti Makron qoldau bildirdi.

Abai.kz