Týrkiya saqshylary 19 nauryz kýni «zansyz aqsha jymqyrdy», «terroristerge kómektesti» degen kýdikpen Ystambúl meri Ekrem Imamoghlu men onyng senimdi serikterin tútqyndady. Barlyghy 100 adam kýdikti retinde ústalghan. Olardyng qatarynda kenesshisi Ertan Yyltyz, BAQ-pen baylanysty kenesshisi Múrat Ongun jәne mediya, kino, jarnama salasyndaghy tanymal túlghalar bar.

Ekremning әielining tәuelsiz arnalargha aituynsha, qúqyqtyq organ qyzmetkerleri elen-alanda 13 jastaghy qyzdarymen birge sәresilerin iship otyrghanda, basa-kóktep kirip, júbayyn ústap әketken. Ile-shala Ekremning partiyalastary men jaqtastary kóshege shyghyp: «Ýkimet, biylikten ket!», «Ekrem, sen jalghyz emessin!» dep úrandatqan.

Osydan keyin el ishinde әleumettik jelilerding júmysy shekteldi. Sonymen qatar, merding ústaluyna baylanysty Ystambúlda 23 nauryzgha deyin demonstrasiyalar men mitingiler ótkizuge tyiym salyndy.

Ekrem Imamoghlu 54 jasta. Erdoghangha basty bәsekeles - Respublikalyq Halyq partiyasynyng ókili. Ol osy aptanyng sonynda partiya atynan 2028 jylghy preziydent saylauyna ýmitker dep jariyalanuy kerek edi. Sol sebepti sayasy sarapshylar onyng ústaluynan sayasy astar izdep otyr. «Preziydent saylauy merziminen búryn ótui mýmkin» dep boljaydy.

Sayasattanushy Berk Essen: «Búl әreketti sayasy qarsylasqa baghyttalghan tónkeris dep baghalaugha bolady. Búl qadam Týrkiyany Resey, Belarusi siyaqty diktatorlyq memleketke ailandyrady», - deydi.

Respublikalyq Halyq partiyasynyng tóraghasy Ózgur Ózel Erdoghandy «saylaudy qoldan úiymdastyrmaqshy» dep aiyptady.

Ystambúldaghy tolqulardan keyin týrik lirasynyng AQSh dollaryna shaqqqandaghy qúny eng tómengi rekordtyq dengeyge deyin qúldyrady. 1 AQSh dollary 11,99%-gha qymbattap, 41,1 lira boldy. Osylaysha, Týrkiya tarihynda amerikalyq valuta baghamy alghash ret 40 liradan asqan.

Borsa Istanbul qorynyng ashylu kezinde bazalyq indeks 6,9%-gha tómendep, sauda-sattyq kilt toqtady. Elding 10 jyldyq tәuelsiz obligasiyalarynyng qúny da qúldyray jóneldi. Ásirese, múndaydy kýtpegen sheteldik investorlar shyndap abdyrap qaldy.

Al Erdoghannyng miting ótkizuge salghan tyiymyna qaramastan býgin Ystambúl kósheleri adamdargha lyq toldy. Qala meri ghimaraty aldynda jinalghandargha respublikalyq halyq partiyasynyng kóshbasshysy Ózgur Ózel: «Myna bolghan jaghday – tónkeris jasaugha әrekettenu» dep mәlimdedi.

Abai.kz