"QazMúnayGaz" ÚK AQ Basqarma tóraghasy Ashat Hasenov "Eni SpA" kompaniyasynyng Jahandyq tabighy resurstar bólimining barlau jәne óndiru jónindegi diyrektory Luka Viniyatiymen kezdesti, dep habarlady kompaniyanyng baspasóz qyzmeti.

Taraptar soltýstik Kaspiy jәne Qarashyghanaq jobalaryn iske asyru barysy, qazaqstandyq kadrlardy dayarlau mәseleleri, sonday-aq gibridti elektr stansiyasyn salu jәne geologiyalyq barlau salasyndaghy yntymaqtastyqty keneytu mәseleleri talqylandy.

Kezdesude A.Hasenov Qashaghan ken ornyn odan әri tolyq iygeru baghytyndaghy josparlargha toqtala kele, tiyisti is-sharalardy pysyqtau boyynsha kýsh-jigerdi biriktiru manyzyn atap ótti. Sonday-aq QMG-nyng NCOC jәne KPO-daghy qazaqstandyq mamandar sanyn kóbeytu basymdylyghyn eskere otyryp, 2020-2025 jyldargha arnalghan jergilikti kadrlar ýlesin arttyru baghdarlamasyn 2030 jylgha deyingi kezenge janartu talap etiledi.

Manghystau oblysy Janaózen qalasyndaghy quaty 247 MVt bolatyn gibridti elektr stansiyasy qúrylysynyng barysy da kezdesude sóz boldy. Gibridti elektr stansiya qúrylysyn jýrgizu barysynda 800-ge juyq adam tartylady, obekt paydalanugha berilgennen keyin 70-ke deyin jana júmys orny ashylady. Kýn elektr stansiyasy 2025 jyldyng III toqsanynda, al gaz jәne jel elektr stansiyalary 2026 jyly iske qosylady dep josparlanghan.

Ekijaqty yntymaqtastyqtyng jana baghyttarynyng biri – geologiyalyq barlau. Biyl Eni kompaniyasy QMG-nyng әleueti joghary jana jobalary tanystyrylghan roud-shougha shaqyryldy. Qazirgi uaqytta atalghan uchaskelerdi baghalau jýrgizilip jatyr.

Al, 2025 jylghy 5 aidyng qorytyndysy boyynsha Qashaghanda 7,7 mln tonna múnay óndirildi. 2025 jylgha arnalghan jospar – 18 mln tonna.

Qarashyghanaqta 2025 jyldyng 5 aiynda 4,8 mln tonna múnay óndirildi. Biyl ken ornynda 11,14 mln tonna múnay jәne 25,57 mlrd tekshe metr gaz óndiru josparlanghan.

Abai.kz