Astanada qylmystyq ister jónindegi audanaralyq sotta Perizat Qayrat pen onyng anasy Gayny Alashbaevagha qatysty kópshilikting nazaryna ilikken qylmystyq is boyynsha negizgi sot prosesi ótip jatyr.

Eki aiyptalushygha asa iri kólemde alayaqtyq jasady degen aiyp taghylyp otyr. Tergeu núsqasy boyynsha, olar qayyrymdylyq qyzmeti retinde kórsetip, 3,5 mlrd tengeden astam qarjyny zansyz iyemdengen.

Prokuror Orazalina aiyptau aktisin oqyp jatyr.

Sotqa deyingi tergep-tekseru materialdaryna sәikes, Perizat Qayrat pen Gayny Alashbaeva jeke bay maqsatynda, óz әreketterining zansyzdyghy men qoghamgha qauiptiligin týsine otyryp, auyr qylmystardy qasaqana jasaghan. Olar mýlikke qarsy jәne ekonomikalyq qyzmet salasyndaghy qúqyqbúzushylyqtar jasady, - dedi prokuror sotta.

Zangha sәikes, qayyrymdylyq – búl tegin nemese jenildetilgen sharttarmen kórsetiletin, gumanitarlyq múqtajdyqtardy óteuge baghyttalghan qoghamdyq paydaly qyzmet týri.

Tergeu mәlimetteri boyynsha, 2018 jyly iske qosylghan BizBirgemiz.kz platformasy pandemiya kezinde halyqtan jappay qoldau tauyp, keninen tanymal bolghan. Perizat Qayrat búl platformanyng aty men iydeyasyna degen azamattardyng senimin paydalanyp, óz qylmystyq josparyn iske asyra bastaghan.

Tergeu derekteri boyynsha Qayrat Perizattyng әreketteri:

• “Biz Birgemiz” atty tanymal úrandy paydalanghan qoghamdyq úiym qúryp, ony zandy qayyrymdylyq bastamalarymen baylanysy bar etip kórsetken;
• Ózining jәne anasynyng atyna birneshe bank shotyn ashyp, solar arqyly qayyrymdylyq kómek retinde týsken qarjyny jinaqtaghan;
• "Qoghamnyng әleumettik әlsiz toptaryna kómektesemiz" degen jeleumen halyqtan qarajat jinap, týrli aqparattyq nauqandar men auksiondar úiymdastyrghan;
• Is-әreketin zandy etip kórsetu ýshin jinalghan qarjynyng az bóligin naqty kómekke baghyttap otyrghan;
• Al qarjynyng negizgi bóligi jeke maqsattargha, yaghny jyljymaytyn mýlik satyp alugha, zergerlik búiymdar alugha, sheteldik saparlargha júmsalghan;
• Ózin jәne anasyn "sәtti kәsipkerler" retinde kórsetu arqyly zansyz tabysty aqtaugha tyrysqan;
• Sonymen qatar ainalasyndaghy tuystary men senimdi túlghalaryn da qarjyny qolma-qol aqshagha ainaldyru jәne zandastyru әreketterine tartqan.

Osylaysha resmy tergeu derekteri boyynsha, qylmystyq shema múqiyat josparlanyp, әleumettik bastamalargha úqsatyp jasyrylghan úiymdasqan alayaqtyq әreketterining bir bóligi bolghan.

Búghan deyin sot zalynan BAQ ókilderin shettetu turaly sheshim qabyldaghanyn jazdyq.

Tyndau jartylay jabyq rejimde ótip jatyr. Jurnalister arnayy baspasóz ortalyghynan aqparat taratyp jatyr. Zalda otyrugha tek taraptargha ghana rúqsat berildi.

Eske salsaq, qylmystyq is boyynsha kýdikti retinde eki adam, yaghny Perizat Qayrat pen onyng anasy tanylyp otyr. 2025 jyldyng 4 sәuirinde  Perizat Qayrattyng anasy Gayny Alashbaeva ýy qamaqqa alynghan bolatyn.

Tergeu barysynda anyqtalghanday, 2021 jyldan 2024 jylgha deyin Perizat Qayrat týrli qayyrymdylyq aksiyalary arqyly jalpy somasy 3,5 milliard tenge kóleminde qarajat jinap, ony óz paydasyna jaratqan. Múnday qarajattar negizinen balalargha, su tasqynynan zardap shekkenderge jәne Palestina halqyna kómek kórsetu ýshin jinalghan dep kórsetilgen.

Alayda, tergeu barysynda búl qarajattardyng kóp bóligi onyng jeke qajettilikterine, sonyng ishinde sәndi kiyimder, әshekeyler, kólikter men jyljymaytyn mýlik satyp alugha júmsalghany anyqtaldy.

Sonymen qatar, ol osy qarajattardy zandastyru ýshin jalghan kelisimsharttar jasap, jeke kәsipkerlermen kelisimder jasaghan.

Búghan deyin qayyrymdylyq qorynynqúryltayshysy kýdikke ilingenin, Perizat Qayratdegen kim ekeni turaly, onyng taghy bir zansyz әreketianyqtalghanyn jazghan bolatynbyz.

Abai.kz