«Adam – jegen asyna say» degen halyq danalyghy bar. Búl naqyldyng shyndyq ekenine kәsiby sportshylardyng ómirinen kóz jetkizuge bolady. Álemdik futboldyng jaryq júldyzy Kilian Mbappe dúrys tamaqtanudyng arqasynda sporttaghy biyik jetistikke qol jetkizip otyr.

Mbappe Ronaldu men Messiyding tәjiriybesin ýlgi tútyp, kýnine alty ret tamaqtanudy әdetke ainaldyrghan. Onyng as mәziri salauatty әri týrli dәrumender men miyneraldargha bay taghamdargha negizdelgen. Búl – futbolshygha jattyghu kezinde qajetti energiyany saqtap, búlshyq et qyzmetin qoldaugha jәne tez qalpyna keluge kómektesedi.

PSJ oiynshysy jii pasta jeydi. Kómirsu men dәrumenge bay búl tagham onyng as qorytuyn jaqsartyp, alandaghy qimyl-qozghalysyn jenildetedi. Búdan bólek, ol biday, qantsyz botqa, tútas dәndi daqyldar, kókónis pen jemis arqyly energiya alady. Al aquyzdy búrshaq túqymdastardan, balyqtan, tauyq eti men júmyrtqadan tolyqtyrady. Maydy zәitýn mayynan, avokado men janghaqtan alady. Kýni boyy jetkilikti mólsherde su ishu de – onyng basty qaghidalarynyng biri.

Mbappe shekten tys ziyandy taghamdardan qatang bas tartqan. Et, gazdy susyndar, tazartylghan ún ónimder men qantty tútynbaydy. Onyng ornyna kómirsular men aquyzgha negizdelgen taghamdardy tandaydy.

Álemdik futbol júldyzynyng sýiikti asy – pasta karbonara. Italiyandyq búl taghamdy ol meyramhanalarda jii tapsyrys berip jeydi. Sonymen qatar, spagetty bolonieze men pesto pastasyn da únatady.

Kóptegen futbolshylar ózderine keyde «chiyt-miyl» (rúqsatsyz as mәziri) jasap, tәtti nemese ziyandy tagham tútynady. Mbappe múndaygha da asa qyzyqpaytyn sportshy. Ol ýshin eng bastysy paydaly as mәzirin saqtau.
Bir qaraghanda qarapayym kórinetin búl qaghidalar Mbappening alandaghy erekshe jyldamdyghy men tózimdiligining syry bolsa kerek.

Dýisenәli Álimaqyn

Abai.kz