قاراعاندى وبلىسىنىڭ بالقاش قالاسىنداعى «جاستار» ساياباعىندا ەكولوگيالىق مادەنيەت، سپورت جانە ويىن-ساۋىقتى ناسيحاتتاۋعا باعىتتالعان «Balhash Tour Fest-2026» فەستيۆالى اياسىندا قاراعاندى وبلىسى ەتنومادەني بىرلەستىكتەرىنىڭ شىعارماشىلىق ۇجىمدارى مەن ورىنداۋشىلارىنىڭ قاتىسۋىمەن «دوستىق كەرۋەنى» كونتسەرتتىك باعدارلاماسى ۇيىمداستىرىلدى.

كونتسەرتتىك باعدارلامادا قاراعاندى وبلىسى ەتنومادەني بىرلەستىكتەرىنىڭ ۇزدىك شىعارماشىلىق ۇجىمدارى مەن ونەرپازدارى ونەر كورسەتتى. اتاپ ايتقاندا، «بەرەگينيا»، «رۋساليتسا»، «كازاچيا ۆولنيتسا» حالىق انسامبلدەرى، «حايداك»، «اقنيەت» انسامبلدەرى، سونداي-اق كورەي، تۇرىك جانە وزگە دە ەتنومادەني بىرلەستىكتەردىڭ سوليستەرى كورەرمەنگە كوتەرىڭكى كوڭىل-كۇي سىيلادى. ونەرپازداردىڭ ورىنداۋىندا قازاقشا سونداي-اق ءار ەتنوستىڭ اندەرى شىرقالىپ، ۇلتتىق مادەنيەتتەردىڭ اسەمدىگىن ايشىقتايتىن جارقىن بيلەر ۇسىنىلدى.

ءىس-شارا قوناقتارىنىڭ ەرەكشە قىزىعۋشىلىعىن ساحنا الدىنداعى الاڭدا ۇيىمداستىرىلعان قاراعاندى وبلىسى ەتنومادەني بىرلەستىكتەرىنىڭ «بىرلىكپەن گۇلدەنگەن سارىارقا» كورمەسى تۋدىردى. كورمە ەكسپوزيتسياسى كەلۋشىلەردى وڭىردە تۇراتىن ەتنوستاردىڭ تاريحىمەن، سالت-داستۇرلەرىمەن جانە مادەني مۇراسىمەن تانىستىردى.

كورمەدە ۇلتتىق كيىمدەر، ساندىك-قولدانبالى ونەر بۇيىمدارى، حالىق شەبەرلەرىنىڭ تۋىندىلارى، سونداي-اق ەتنومادەني بىرلەستىكتەردىڭ قوعامدىق كەلىسىمدى نىعايتۋ، ەتنوسارالىق تاتۋلىقتى ساقتاۋ جانە رۋحاني قۇندىلىقتاردى دارىپتەۋ باعىتىنداعى قىزمەتىن تانىستىراتىن ماتەريالدار ۇسىنىلدى.

Abai.kz