Almatyda Últtyq dombyra kýnin merekeleu qarsanynda ótken baspasóz mәslihatynda Qúrmanghazy atyndaghy Qazaq últtyq konservatoriyasynyng maytalman pedagogtary men óner iyeleri dombyranyng últtyq mәdeniyetti saqtaudaghy róli men qazirgi jay-kýii turaly oy bólisti. Sarapshylardyng aituynsha, býginde dombyranyng dәuirlegen jana kezeni bastaldy, al aspapqa degen qyzyghushylyq elimizde de, shetelde de jyl sanap artyp keledi.

Qazaqstannyng halyq artiysi Aygýl Ýlkenbaeva qoghamdaghy kózqarastyng týbegeyli ózgergenin atap ótti. Ol búryn dombyrany ózge aspaptardan tómen qoyatyn kezender bolghanyn, biraq býginde jaghday mýlde basqa ekenin aitty. Onyng sózinshe, 2018 jyly Últtyq dombyra kýnining bekitilui, ótkiziletin konsertter men әleumettik jelilerdegi kontent dombyranyng mәrtebesin biyiktete týsti. Qazir últtyq aspapqa sheteldikter de erekshe qyzyghushylyq tanytuda.

Óz kezeginde «Qúrmet» ordenining iyegeri Abdulhamit Raimbergenov babalardan qalghan on mynnan astam kýy men әn – ólmes múra ekenin eske saldy. Ol býginde memlekettik qoldaudyng arqasynda ghylymy izdenister men arhivtik derekterdin, sonyng ishinde Qazanghap kýishige qatysty zertteulerding keninen jariyalanyp jatqanyn atap ótti. A. Raimbergenov jyldar búryn aimaqtarda dombyra ýiretu әdistemesin engizgende balalardyng aspapty ústaudan úyalghanyn, al qazir mektep oqushylarynyng dombyrany maqtanyshpen alyp jýrgenin, búl últtyq ónerding naghyz qayta órleui ekenin jetkizdi.

Konservatoriya professory Kәrima Saharbaeva bolsa, dombyranyng kәsiby dengeyde damuyna Ahmet Júbanovtyng sinirgen enbegi orasan ekenin basa aitty. «Biyl 120 jyldyghy toylanyp jatqan A. Júbanov dombyra ónerining negizin qalap, orkestr qúrdy, konservatoriya ashty. Osynyng arqasynda auyzsha dәstýr ghylymy túrghyda jýielendi», — dedi ol. Kәrima Saharbaeva býginde konservatoriya týlekterining kompozitor, diriyjer retinde jana tuyndylar jazyp, elimizding týkpir-týkpirinde dombyra ýiirmelerining ashyluyna múryndyq bolyp jýrgenin maqtanyshpen tilge tiyek etti.

Búl oidy dosent Erjan Jәmenkeev te quattap, on bes jyl búryn bes myng kýy turaly aitylsa, býginde olardyng sany on mynnan asqanyn algha tartty. Onyng aituynsha, múnday bay dәstýr eshbir kórshi elde joq. Sonymen qatar Erjan Jәmenkeev bolashaqta dombyranyng jiyrmadan astam týr-týrin keninen nasihattau jәne zamanauy dombyrashynyng repertuaryna әlemdik klassikany engizu mәseleleri konservatoriyada talqylanyp jatqanyn sóz etti.

Basqosu sonynda sarapshylar Últtyq dombyra kýnining manyzy jyl sayyn arta beretinine senim bildirip, qazaqstandyqtardy merekemen qúttyqtady. Dombyranyng tek ótkenning emes, jarqyn bolashaqtyng da aspaby bolyp qala beretinin basa aitty.

Abai.kz