Ónirlik kommunikasiyalar qyzmeti Jetisu audanynyng әkimi Lәzzat Jylqybaevamen birlesip baspasóz turyn úiymdastyrdy. Onda jurnalisterge biyl audanda jýzege asyp jatqan negizgi abattandyru jobalaryn tanystyryp, qoghamdyq kenistikti damytu men qalalyq ortany jaqsartugha biznesting qalay ýles qosyp jatqanyn bayandap berdi.

Songhy jyldary Jetisu audany aitarlyqtay janardy. Múnda jana alanqaylar boy kóterip, aulalar janaryp, seruendeu men demalysqa arnalghan jana qoghamdyq kenistik ashylyp jatyr. Audandy abattandyrumen qatar qauipsizdikti qamtamasyz etuge, kógaldandyru men túrghyndardy sheshim qabyldau ýderisine tartugha erekshe kónil bólinipti.

Jurnalisterding birinshi bolyp ayaldaghan jeri Jangeldin kóshesindegi alanqay boldy. Lәzzat Jylqybaevanyng aituynsha, túrghyndardyng aumaghy 2,2 gektar bolatyn búl aumaqty janartudy súraghanyna birneshe jylday bolypty. Sonyng endi reti kelgen eken.

«Qala әkimining tapsyrmasyna sәikes, biylghy jyldyng mausym aiynda sayabaqty qayta janghyrtudy bastadyq. Tamyz aiynyng sonyna deyin barlyq júmys ayaqtalyp, janartylghan qoghamdyq kenistik elding iygiligine beriledi», – dep týsindirdi jurnalisterge audan әkimi.

Qayta janghyrtu kezinde múnda jinaqtaushy rezervuarlar arqyly júmys isteytin avtomatty suaru jýiesi tolyq qalpyna keltirildi. Balalardyng oiyn alany janartylyp, jaryqtandyru jýiesi edәuir kýsheytildi. Búryn 40 sham bolsa, endi onyng sany 200-ge jetip jyghylghan. Qauipsizdikti qamtamasyz etu ýshin 20-dan astam beynebaqylau kamerasy ornatylyp, olardy audan әkimdigi men Polisiya departamenti tәulik boyy baqylap otyratyn boldy.

Alanqayda sәndik jaryq elementteri, pikselidi aqparattyq ekran, jana oryndyq pen qoqys jәshikteri ornatylady. Bar aghashty saqtau men kógaldandyru mәselesine nazardan tys qalmay, olardyng jay-kýiin ekologiya jәne qorshaghan orta basqarmasynyng mamandary baqylap otyr.

Kelesi nysan – «Halyq qatysatyn budjet» baghdarlamasy ayasynda abattandyrylghan Ratushnyy kóshesindegi aulalar boldy. Lәzzat Jylqybaevanyng aituynsha, Jetisu audanynyng túrghyndary búl baghdarlamagha jyl sayyn joghary belsendilik tanytyp keledi.

«Ótken jyly audan túrghyndarynan 1319 ótinish týsti. Sonyng ishinde eng ýlken 25 joba iriktelip, qazir iske asyp jatyr. Sonyng biri – Ratushnyy kóshesindegi osy aulalardy abattandyru jobasy», – deydi audan әkimi.

Joba ayasynda balalar men sport alany janartylyp, jana qorshaular ornatyldy, avtomatty suaru jýiesi jýrgizilip, landshaftyq bezendiru júmysy atqaryldy. Egilgen aghash pen gýlderdi tandaudan bastap demalys pen oiyn aimaqtarynyng ornalasuyna deyingi barlyq sheshim túrghyndarmen birlesip qolgha alyndy.

Túrghyndar atqarylghan júmystyng nәtiyjesin joghary baghalap ýlgerdi. Jaqynda janartylghan aula kenistigining saltanatty ashyluy ótip, ol balalar men eresekterding jana demalys ornyna ainaldy.

Júmystyng barysy turaly jurnalisterge merdiger úiym – «Troya» JShS-ning diyrektory Baqtiyar Atajanov bayandady.

Onyng aituynsha, úzyndyghy shamamen 280 metr bolatyn alanqayda abattandyru júmysy ayaqtalyp qalypty. Qazirding ózinde tolyqtay tas tósenish tóselip, balalar men sport alany, vorkaut aimaqtary jabdyqtaldy, qauipsiz rezenke jabyn tóseldi. Jalpy aumaghy 6 myng sharshy metrge juyq jerdi kógaldandyru júmysy 80 payyzgha bitken.

«Avtomatty suaru jýiesi býkil aumaqta júmys istep túr. Joba boyynsha kelisimshart merzimi qazan aiyna deyin bolghanymen, biz bar júmysty tamyz aiynyng sonyna deyin ayaqtamaq oidamyz», – dedi merdiger úiymnyng ókili.

Jobanyng ereksheligi retinde sәndik alipinariyler jasalyp, ekostili elementteri saqtalady. Búrynnan ornatylghan aghash oryndyqtar qayta qalpyna keltirilip, janartylghan alanqaydyng kelbetine ýilestirildi.

Baspasóz turynyng kelesi nysany – Serikov kóshesi boldy. Múnda biznes pen memleketting tiyimdi әriptestigining ýlgisi jýzege asyrylyp jatyr. Kóshege irgeles aumaqty abattandyru júmystary tolyqtay Karina Paper kompaniyasynyng qarajaty esebinen jýrgizilmek.

Lәzzat Jylqybaevanyng aituynsha, Jetisu audany Almatydaghy eng ýlken ónerkәsiptik audan bolyp qala beredi. Múnda 572 kәsiporyn júmys isteydi, onyng ishinde 51-i iri jәne orta óndiris orny eken.

Karina Paper kompaniyasy bas diyrektorynyng orynbasary Talghat Shәripov Qazaqstan naryghynda 28 jyldan beri júmys istep kele jatqan kәsiporyn óndiristi damytumen qatar, qalalyq ortany jaqsartugha da belsene aralasyp jýrgenin aitady.

Kompaniya jalpy aumaghy 44 myng sharshy metr bolatyn «A» sanatyndaghy qoyma keshenin salu boyynsha iri investisiyalyq jobany jýzege asyryp jatyr. Qúrylys ayaqtalghannan keyin 300-ge deyin jana júmys orny ashylyp, budjetke týsetin jyl sayynghy salyq kólemi 1 milliard tengeden aspaqshy.

Sonymen qatar kәsiporyn óz aqshasyna Serikov kóshesining boyyndaghy aumaqty abattandyryp jatyr. Múnda jana jayau jýrginshiler joly, kógaldandyru júmysy, demalys oryndary men jana jabyn salynady.

«Búl audan men qalanyng damuyna qosqan ýlesimiz. Biz biznesti damytyp qana qoymay, túrghyndargha jayly jaghday jsaghymyz keledi», – dedi kompaniya ókilderi.

Baspasóz turynyng songhy nysany Ýlken Almaty kanaly (ÝAK) boldy. Qazir múnda auqymdy abattandyru júmysy jýrgizilip jatyr eken.

Jobanyng bas injeneri Aydyn Baybolovtyng aituynsha, qala aumaghyndaghy kanaldyng 90 payyzy, al oghan irgeles sayabaq aimaqtaryndaghy júmystyng 95 payyzy ayaqtalghan. Onyng ishinde «Gýlder» sayabaghy, Baum toghayy men basqa da qoghamdyq kenistik bar.

Qazir negizgi júmys ayaqtalyp, jasyl jelek egilip, tas tósenish tóselgen. Joba tolyq ayaqtalghangha deyin shaghyn sәulet nysandary men jaryqtandyru jýiesin ornatu júmystary jýrgiziledi.

Kanalgha su jiberilgennen keyin búl aumaq Almatydaghy eng iri rekreasiyalyq aimaqtardyng birine ainalady. Múnda medisinalyq jәne polisiya beketteri, beynebaqylau jýieleri men dauys arqyly habarlau jýieleri júmys isteydi. Demalys aimaqtaryndaghy sudyng terendigi shamamen bir jarym metrdi qúraydy, búl kelushilerding qauipsizdigin joghary dengeyde qamtamasyz etuge mýmkindik beredi.h

Baspasóz tury Jetisu audanynyng býginde auqymdy janghyru kezenin bastan ótkerip jatqanyn aiqyn kórsetti. Memlekettik baghdarlamalardyn, túrghyndardyng belsendi qatysuynyng jәne biznesting әleumettik jauapkershiligining arqasynda múnda ómir sýruge, enbek etip, demalugha qolayly zamandyq qalalyq orta qalyptasyp keledi. Jana sayabaqtar, abattandyrylghan aulalar, janartylghan kósheler men qoghamdyq kenistikter býginde jay ghana infraqúrylym nysany emes, myndaghan almatylyqtyng demalyp, kezdesu ótkizetin sýiikti ornyna ainalyp barady.

Abai.kz