Osydan birneshe jyl búryn ghana Reseyding okkupant biyligi Qyrymdy «jýz payyz qorghalghan, eshqanday qauip tóónbeytin, tynysh әri gýldengen kurorttyq aimaq» retinde әlemge jar salyp, maqtanyshpen jarnamalaytyn edi.

Al býgin bәri ózgergen. Jogharydaghy súlu sózderding barlyghy derlik saghymgha ainalghan. Ukraina Qyrymdy myqtap qyspaqqa aluda. Logistikagha kýn sayyn soqqy jasauda. Elektr energiyasy tapshy. Ukrainanyng ot túmsyqty temir qústary Qyrymdaghy elektr stansiyalaryn ayausyz tópeshtep jatyr. Janarmay tapshylyghy órshy týsken. Qyrymgha aparatyn qúrlyq joldary soqqydan kóz ashpay otyr. Tipti, týbekke janarmaydy tankerler arqyly tasu da múngha ainaldy. Ukraina Qara teniz ben Azov aspanynda «anshylyq nauqanyn» bastap, kózge kóringen tankerdi tesip týsude. Búnyng bәri Qyrym halqynyng yghyryn shygharyp, tirshiligin túralatqan.

«The Guardian» osynday beyshara kýidegi Qyrym turaly keremet bir sujet jasapty. Sol maqalada Evpatoriyadaghy shaghyn qonaqýiler men demalys oryndaryn basqaratyn Marina esimdi kәsipker әiel zar jylapty. «Biylghy jaz mausymynyng astan-kesteni shyqty. Qonaq ýiler qanyrap bos qaldy. Turister joq. Tirshilik toqtady», - deydi.

Shyny solay. Qazirding ózinde Qyrymda benzin joq, kәsiporyndar men dýkenderge eng qajetti azyq-týlik ónimderin jetkizuding ózi múngha ainalghan. Jaryqsyz, susyz...

2014 jyly Qyrymdy anneksiyalap alghan Reseyding ornatqan «gýldengen әlemi» osy qazir. Ukraina ainalasy 1 aptanyng ishinde Qyrymdaghy «gýldengen әlemnin» byt-shytyn shyghara bildi.

Janaghy Marina bastaghan Qyrymdaghylardyng ózderi qazir: «Bizge 12 jyl boyy Qyrym 100 payyz qorghalghan dep aityp keldi. Al bir aidyng ishinde bizdi tas dәuirine qayta aparyp tastady: jaryq joq, su joq, janarmay joq», - dep oibaylauda.

Al Kremli taghayyndaghan jergilikti biylik ótken aida resmy týrde tótenshe jaghday jariyalap, әskery tehnika men shúghyl qyzmetterding qoryn saqtau maqsatynda jeke kólikterge benzin satugha uaqytsha shekteu qoigha mәjbýr boldy. Qyrymnyng shamamen 2,5 million túrghynynyng 70 payyzdan astamy jaryqsyz qalghan. «Biz qazir ómir sýrip jatqan joqpyz, biz tek aman qaludyng amalyn jasap jýrmiz», – deydi jergilikti túrghyndar.

Kremli ýshin Qyrym әrqashan strategiyalyq manyzdy geosayasy aumaqtarynyng biri bolyp sanalghan. 2022 jyly Ukrainagha soghys ashqanda dәl osy Qyrymdy әskery plasdarm etken. Al qazir Kremli Qyrymdy qorghay almay, «shaqshaday basy sharaday» bolyp túr.

Al Ukraina Qyrymdy nysanagha alu arqyly bolashaq beybit kelissózderde óz pozisiyasyn aitarlyqtay kýsheytudi kózdeydi. Kiyev әu basta Qyrymdy Reseyden oqshaulaytynyn aitqan. Qazir sony iske asyruda qarqyndy týrde jýrgizude.

Áskery sarapshylardyng pikirinshe, Ukraina aldaghy aptalarda Qyrym kópirine (Kerchi kópirine) qarsy shabuyldaryn kýsheytip, týbektegi tapshylyqty odan әri ushyqtyrugha tyrysuy mýmkin.

Núrgeldi Ábdighaniyúly

Abai.kz