Jeksenbi, 20 Qazan 2019
Osı ğoy endi... 5027 0 pikir 23 Tamız, 2014 sağat 10:37

Janarmaydı jandırıp, gazdı arzanğa alıp qımbatqa satadı

Küzgi jiın-terin bastalısımen janar-jağarmaydıñ bağası tağı da köterildi. Qazaqstanda mwnay önimderin öñdeytin üş zauıt bar (Atırauda, Şımkentte, Pavlodarda). Mamandardıñ sözine sensek, osı üş zauıt işki swranıstı tolığımen ötey almaytın körinedi. Söytip, biz janarmaydı soltüstiktegi körşimiz Reseyden tasuğa mäjbür ekenbiz. Al, Reseyden keletin benzin, mısalı joğarı swranıstağı Ai-92-niñ bir litri 125 teñge boladı. Oğan tasımaldau men saqtaudıñ şığının qosqanda, 150 teñgege barıp qalatınğa wqsaydı. Dizel'di otınnıñ da qwnı osılayşa 102 teñgeden 115 teñgege köterilgen. Mamandar Reseydiñ mwnay öñdeu zauıttarına degen mäjbürli swranıstan qwtılmay janarmaydıñ bağası bizde twraqtamaydı, ünemi osılay ösedi de twradı deydi.

Älemde qazir mwnaymen birge kögildir otınğa (tabiği gazğa) degen swranıs ta öte joğarı. Europanı kögildir otınnıñ qwbırına qaratıp qoyıp oynaytın Resey, mäselenki, qolındağı bar mümkindigin sayasi qaruğa da aynaldırıp alğan. Alayda, sol Resey Qazaqstannan kögildir otındı arzanğa alıp, qımbatqa satuda. Qarañız: 2014 jıldıñ qañtar-mausım aylarında 109,9 mln dollarğa Qazaqstan Reseyge 4,2 mlrd.kub. m gaz eksporttağan. Bwl bıltırğı jıldıñ osı kezeñimen salıstırğanda  3,8%  artıq.  Alayda ötken jıldıñ qañtar-mausım ayındağı  paydamen eseptegende kögildir otındı Reseyge eksporttaudan Qazaqstan jağı 2,7%  tömen tabıs tapqan. KazTAG-tıñ jazuına qarağanda, öz kezeginde Reseyden gaz imorttaytın Qazaqstan wtılıp qalıp jatqanğa wqsaydı. «Qazaqstannıñ 1 mıñ kub.m  gazı RF-ğa 25,4 dollarğa satıluda. Al, Reseydiñ 1 mıñ kub. m gazı Qazaqstanğa 54,2 dollar bolıp kelude» dep jazadı KazTAG tilşisi mamandardıñ pikirine süyene otırıp.

Abai.kz   

 

 

 

 

0 pikir