Erqanat (Erqanat Tәukebay) sózinning jany bar. Men anaukýni Jalanashqa toygha baryp qayttym. Sol kezde bir kisimen tanystym. Ózi jattyqtyrushy eken. Dayyndaghan jigitteri halyqaralyq dodalarda san mәrte top jarypty. Aldy Amerikagha deyin baryp, arty myna túrghan Qyrghyzstannan qaytsa kerek. Sol kisi aityp otyr, chempion jigitterding kóteriluine Ermegiyavtardyng yqpaly zor deydi. Jigitterding baryp kelu joly, jatyn orny, anau-mynauy bәri sol otbasynyng moynynda bolypty. London olimpiadasyndaghy jetistikteri Talghattyng maman retinde jasaghandary. Mindeti boldy. Al, men estigenderding barlyghy onyng adamdyq qasiyeti edi. Óz erkimen, jigitter ýshin jasaghan. 
Endi sonday jigitting mynaday jaghdayda qalghany kópshilikti tanqaldyrghany ras. EKSPO degendi sen mayshelpek depsin. Meninshe ol bayaghy kesedegi sýt siyaqty. «Kóbelek kelip, kómp etip, kóbigin iship ol ketti. Japalaq kelip jalp etip, jartysyn iship ol ketti. Qargha kelip qanq etip, qalghanyn iship ol keti. Sauysqan kelip sanq etip, sarqyp iship ol ketti…» degen esinde shyghar. «Sor qúdyqtyng basyna sorgha bola qondy atam» degendey, Talghattay jigitterding sonday jerge barghanyn qolday qoymaymyz negizi. Óitkeni, «men qalay taza bolayyn, ghalamnyng ózi bylghanysh...» degendey onday jerlerden ózindi qansha ústasang da kir júqtyrmay shyghuyng qiyn. Balaghyna kәriqyzy orala ketetin ermendi dala siyaqty ghoy. Nemese jauyndy kýni, balshyq-balshyq aulagha aq tufliymen shyqqanynday jaghday. Onday jerler negizinde «qorghanys qabaty» bar, Ahay aghaylardyng orny ghoy. 
Jә, ol kisini qylmysker deuge eshkimning qaqysy joq. Jәne aqtap alugha da әli erte. Kimning kim ekenin zang anyqtaydy. Eger sol zanymyz әdil bolsa... Ádil bolsyn dep tileyik. Áytpese anau alyp mekemening qyzmetkerlerining ashyq hatyn oqydyng ghoy. Súmdyq. Demek, búnday ýlken ister biz aralasatyn nәrse emes. Bizdiki sol elding bir balasy retinde pikir bildiru ghana. Ras, elding pikiri Talghatty jamanatqa qimaydy. Bayaghyda aty-shuly bir kisi isti bolghanda kýlli el sauap dedi. Nege? Óitkeni el onyng qandyqol ekenin, talaydy qan qaqsatqanyn bilgen. Al, Talghatqa kelgende, kerisinshe «qoy olay emes shyghar, obal bolghan eken» dep otyr. Halyq aitsa qalt aitpaydy degen ras bolsa, sony jaman bolmas.
Men de oilaymyn: Talghat siyaqty baylyghy bir basyna jetetin jigit, bes tiyn úrlasa ózining bes myng somynan aiyrylyp qalatynyn, tipti bostandyghyna qauip tónetinin, qazirgi jaghdaydan habary bar jigit, әy ondaygha bara qoymaydy-au. Meniki de eldiki siyaqty janashyr oy men joba ghana. Búny da zang anyqtaydy. Áriyne әdil bolsa. Demek, Erema er moynynda qyl arqan shirimeydi, el aman bolsyn dep tileyik, qolyng tiyse ýy jaqqa soghyp qayt, shar soghayyq. 
Týk paydasy joq osy pәle tezirek ótip-aq ketse bolar edi.

Beybit Sarybay

facebook-tegi paraqshasynan