«Zang men sot aldynda júrttyng bәri ten» - deydi Konstitusiyamyz. Mening búghan kýmәnim bar. Zangerlik qyzmetimde adamdardyng atqaratyn lauazymyna, әleumettik jaghdayyna t.b.baylanysty ózara tensizdigine jii kuә bolamyn.

Alysqa barmay aq, keshegi Almaty oqighasyn alayyq. Qaytys bolghan polisiya qyzmetkerlerine 15 000 000-nan ótemaqy, basqa da qarjy bólingeli jatyr eken. Dúrys-aq, men qos qoldap qoldaymyn. Esh qarsylyghym joq. Biraq, «Aqiqat salystyru arqyly anyqtalady» (Istina poznaetsya v sravnenii) degen orys maqalyna salyp qarayyqshy. Janaózende poliyseyler oghynan qaza tapqandargha Ýkimet 500 000 tengeden aqsha audaratyn bolghan, onyng ózin sózbúidagha salyp sozyp jýrip aldy, kýni býgin sol aqsha marqúmdardyng otbasynyng qoldaryna tiygen-tiymegenin bilmeymin. Al, ózim qylmystyq is boyynsha qúqyqtaryn qorghaghan 74 jәbirlenushige kók tiynda búiyrmady! Olardyng kópshiligi ómir boyyna mýgedek bolyp qalghandar. Tәni ghana emes, jandary da jaraly. Óitkeni olar ózgeden emes, ózderin qorghaugha tiyisti polisiya oghynan jaralanghany jәne bir ereksheligi oq atqandardyng ishinde ózge últtan bir adam joq, tek qazaqtar bolghany, sotta olardyng eshqaysysynyng halyqtan keshirim súramaghany t.b. jandaryn jaralamay qaytedi?...

Qosh, sonymen qylmystyq is ayaqtalyp, zandy kýshine endi. Artynan zanmen kózdelgen tәrtipte poliyseylerding júmys orny – ishki ister ministrligine qarsy, azamattyq tәrtipte materialdyq jәne moralidyq zalal óndiru turaly talap aryz berildi sotqa. Búl ispen, qylmystyq is boyynsha menimen birge bastan-ayaq sotqa qatysqan zanger Ásel Núrghaziyeva ainalysty. Óitkeni zang talaby solay, júmysshynyng әreketi ýshin, júmys berushi jauap beredi, qalyptasqan sot tәjiriybesi de solay. Poliyseylerding kinәsi zandy kýshine engen sot Ýkimimen anyqtaldy, tiyisinshe azamattyq jauapker retinde IIM sotqa tartyluy tiyis. Alayda, biz kýtkendey sot bolmady, sot neshe týrli syltaumen talap aryzdy qaraudan bas tartty... Bir emes, birneshe qaytara bas tartty. Aqyr ayaghynda jaralanghandar Ýkimetten sot tәrtibinde eshtene óndire almaghan kýii qala bardy... 
Men múny ne ýshin jazyp otyrmyn? Polisiya – memlekettin, biylikting ókili. Memleket óz adamdaryn ózgelerden (múghalim, dәriger, múnayshy, júmyssyz t.b.) bólektep otyr, alalap otyr. Memlekettik biylik ókili oqqa úshsa, olardyng janúyasy ýshin barlyq jaghdaydy jasaydy, qalghandaryna onday jaghday joq. 

Keybir adamdar «Janaózende alangha shyqqandar býlikshiler edi, al poliyseyler halyqty qorghap óldi» - dep oilauy mýmkin. Almatyda qaza bolghan poliyseyler qanshalyqty halyqty qorghaghandaryn bilmeymin, oghan qazirgi kezde bagha beruge erterek dep oilaymyn, al, Janaózende oqqa úshqan jәbirlenushilerding eshqaysysynyng jappay tәrtipsizdikke, al kópshiligining tipti ereuildep túrghan múnayshylargha da qatysy joghy anyqtaldy sotta. Mysalgha, alannyng qasynan avtokólik ishinde alansyz ketip bara jatyp pistolet oghynan qaza tapqan, kәmeletke tolmaghan Rahat Kósherov, alannyng manayyna da jolamaghan, mektep janyndaghy bankomattan jalaqysyn almaq bolghan kezde avtomat oghynan qaza tapqan múghalim, 4 balanyng anasy, Janar Ábdikәrimova, qala әkimining tapsyrmasy boyynsha oqushylaryn alangha merekelik sheruge alyp kelip, oqtan qaza tapqan jas múghalim Atabergen Hasanov t.b. 

Taghy qaytalap aitayyn, men polisiya otbasyna bólinetin qarajatty kópsinip otyrghanym joq, marqúmdardyng jaqyn, tuys, aghayyndarynyng qayghysy bәrimizge de ortaq, olargha qanday soma bólinse de, qazanyng orny tolmasy anyq. Men basqa da Qazaqstan azamattaryna sonday jaghday jasaluy qajet dep bilemin. Búny Janaózendik aghayyn aita almasy anyq, olar osy kezge deyin onday mәseleni el aldynda kótergen de joq. Óitkeni, olar ar-úyaty bar, namysty jandar. Al, onday adamdar óz densaulyghy men aghayyndarynyng ólimi ýshin «memleket nege mardymdy qarjy bólmeydi» - dep qalaysha aita alsyn? Sondyqtan, búl sózdi Janaózendik jәbirlengenderding advokaty retinde, mening aituyma tura kelip túr, ynghaysyzdau kezde, ynghaysyzdau salystyru arqyly bolsa da...

Abzal Qúspan

Abai.kz