Särsenbi, 16 Qazan 2019
«Soqır» Femida 2952 0 pikir 10 Qaraşa, 2016 sağat 11:39

WBT TALAPTARI ÖZGERDİ... TÜLEKTER ORIS TİLİNEN EMTIHAN TAPSIRADI

2017 jıldan bastap Wlttıq birıñğay testileudiñ formatı özgeretin boldı. Bwl turalı Ortalıq kommunikaciyalar qızmetinde ötken baspasöz mäslihatında bilim salasınıñ mamandarı ayttı, - dep habarlaydı BNews.kz.

Bilim jäne ğılım ministrliginiñ baqılau komiteti törağasınıñ orınbasarı Nwrbek Orşubekovtıñ aytuınşa, endi 11 sınıptıñ oquşıları mektep attestatın alu üşin 5 pän boyınşa emtihan tapsıradı.

«Elimizde WBT 13 jıl boyı oquşılardıñ bilimin saralaytın mehaniz retinde jwmıs jasap keldi. Osı jıldar işinde testileuge 1 jarım million tülek qatıstı. Ras, ata-analar tarapınan WBT teris pikirler aytılıp, bwqara halıq "test swraqtarın oquşılar jattap aladı, oğan tülekter öz bilimine senip emes, bağınıñ janğanın tilep baradı" degen sekildi oyların aytatın. Biıl bizdiñ ministrlik WBT jaña formatın jasap şığardı. Endi mektep bitiruşiler attestat alu üşin bilim oşaqtarında arnayı emtihannan ötedi, sonan keyin joğarı oqu orınan tüsu üşin test tapsıradı», – dedi Nwrbek Orşubekov.

Baspasöz mäslihatında atalğan ministrliktiñ mektepke deyingi jäne orta bilim departamentiniñ direktorı Jañıl Jontaeva mektepte ötetin emtihannıñ erejesin egjey-tegjey bayandap berdi. Onıñ aytuınşa, bitiruşi tülek eñ aldımen qazaq tili men ädebietinen erkin taqırıpta esse jazsa, ekinşi pän Qazaqstan tarihınan swraqtarğa jauap beredi.

«Tarih päni boyınşa bwl jerde oquşığa teroriyalıq jäne şığarmaşılıq bağıttağı swraqtar qoyıladı. YAğni, bala üşinşi swrağında kartamen jwmıs jasaydı. Al üşinşi pände oquşı algebradan jazbaşa emtihan tapsıradı. Mwnan soñ olarğa qazaq nemese orıs tilinen (orıs mektepteri qazaq tilinen, qazaq mektebindegiler orıs tilinen) test swraqtarı beriledi. Eñ soñğı emtihan oquşılardıñ özderi tañdağan päninen boladı. Osı jerde ayta keteyin, bwl emtihandar kelesi jıldıñ 1-15 mausım aralığında ötedi. Mwnan keyin tülekter joğarı oqu orınan tüsu üşin WBT tapsıradı. Ol 20 mausım men 1 şilde aralığında boladı», – dedi departament direktorı.

Bilim salasınıñ mamandarı, sonday-aq, testileu bwrınğıday 125 swraqtan 120-ğa qısqarğanın ayttı. Eñ bastı erekşeligi bitiruşi tülektiñ bilimin saralaytın bäseke 5 pännen, onıñ 3-i mindetti jäne 2-i özi tañdağan pännen boladı. Sonımen qatar, testileu uaqıtı bwrınğıday 3 sağat 30 minut. Elimiz boyınşa WBT 165 orında ötedi.

Ayta keteyik, kelesi jılı boljam boyınşa testileuge 137 715 bitiruşiniñ 96 400 qatısadı.

Abay-aqparat

 

0 pikir