Seysenbi, 31 Naurız 2020
Jañalıqtar 3653 0 pikir 2 Tamız, 2017 sağat 12:00

8-qabattan qwlap qaytıs bolğan qız turalı mälimdeme

Almatı qalalıq İİD-niñ resmi ökili Saltanat Äzirbek 8-qabattan qwlap qaytıs bolğan Tileugül Quanıştı bir top jigit alıp qaşqan degen aqparattı joqqa şığardı.

Eske salayıq, qayğılı oqiğa 31 şildege qarağan tüni "Alğabas" şağın audanında orın alğan bolatın. 19 jastağı Tileugül Quanış aldımen anasına özin alıp qaşıp bara jatqanın jazsa, birneşe sağattan keyin jeñgesine qoştasu mätinin jazıp, SMS-habarlama jibergen.

"Qızdı birneşe adam alıp qaşqan degen aqparat şındıqqa janaspaydı. Beynebaqılau kameralarınıñ tüsirilimderin zerttedik, onda qız ben bir ğana jigittiñ köpqabattı üyge kirip kele jatqanı anıq körinedi. Qazir "özin özi öltiruge itermeleu" deregi boyınşa qılmıstıq is qozğalıp, sotqa deyingi tergeu amaldarı jürgizilip jatır, sot-medicinalıq saraptama tağayındalğan", - dedi S.Äzirbek.

Al, qızben birge bolğan jigitti policeyler qazir tergeu üstinde. Tergeu mälimetteri qwpiya bolğandıqtan, istiñ anıq-qanığı äzirge aytılmadı. Eger qızdıñ ölimine birge bolğan jigittiñ qatısı bar ekeni anıqtalsa, ol sot şeşimimen qamauğa alınuı mümkin.

 Abay-aqparat

0 pikir