«Býgin tonazytqyshty ashsam, ishinde syra túr, kýieuim «basyndy jaz», - dep qoyypty...», - dedi Dinara atty bir qyz. Ózi mәz, onysyna. Men bolsam an-tang boldym әlgige. Ári qaray keshe tabighatta kýieuimen jәne onyng dostarymen dem alyp ishkenderin maqtanyp aityp jatyr, sodan mine әri qaray bastaryn jazyp alkogolidik susyndardy kezektesip, birlesip ishkenin bir kýshti zat jasap otyrghanday jariyalap jazyp otyr.

Qazirgi qazaq otbasylaryna ne bolghan? Otaghasy nege búghan jol berip otyr? Sol әdetti balalary kórip, erteng olar da ony ýlgi tútady emes pe?!  Bayaghyday inabatty, baysaldy, dana analarymyzdyng qasiyeti bizding zaman әielderine darymaghan ba?! Erine baghynbaytyn әiel, kesepatty qyz, kesirli kelin. Áyel adam  qoghamdaghy óz ornyn jazbay tanyp, әieldikten danalyqqa, otbasy, oshaq qasy tirliginen ruly elding qamyn jeytin El anasy dengeyine kóterile bilgen. Qarqabat, Abaq, Shashty, Úlpan jәne biz bilmeytin taghy qanshama analarymyz sonyng aiqyn dәleli.

Ári qaray basqalary әli sózdi ilip әketti. «Men bolsam iship jýrgenime bir júma boldy», - dep qarq-qarq kýledi biri. Syrttan qarasang әp-әdemi qyzdar, kiyimderi týzu. Biraq is-әreketterin kórip, aitqan sózderin estiseng kónilin týsip ketedi. Dalada syra iship otyra beredi, eshkimnen seskenbeydi, qasyndaghy adamnan úyat-au, alkogolidik susynnyng jaghymsyz iysi anqyp túr ghoy  degen oy mýlde oilaryna kirip shyqpaydy.

Qazirgi zaman qyz balalaryna alkogolidik susyndardy ishu degen esh bir jaghymsyz әreketke jatpaytyn, bir ýirenshikti nәrsege ainalyp ornyqqan әbden. Biraq ony әiel zatyna ar jaghy qanday qater tughyzatynyng oilasang jýreging auyrady... Alkogoli – es auystyratyn zat degen maghyna beredi, eng aldymen midyng qyzmetin búzady. Aghzasy alkogolimen ulanghan qazaq әielining әri qaray taghdyry qanday bolmaq?

Qymbat Kereybay

Abai.kz