Beysenbi, 17 Qazan 2019
Dep jatır 4291 2 pikir 28 Qırküyek, 2017 sağat 14:04

Qauımdastıq köşti. Ğimaratı kimge qaldı?

Üstimizdegi jıldıñ 23 mausımda Astanada ötken Düniejüzi qazaqtarınıñ  V qwrıltayında Elbası «Qauımdastıq ortalığın Almatıdan Astanağa köşiretin kez keldi. Olar basşılardıñ janında boluı kerek», - degen bolatın.

Prezident tapsırmasına say, Düniejüzi qazaqtarınıñ qauımdastığı Elordağa köşudi bastadı. Al, Qauımdastıqtıñ Almatıdağı köpqabattı üyi «Otandas-El» respublikalıq qoğamdıq birlestigine berildi.

27-qırküyek küni redakciyamızğa «Otandas-El» RQB törağasınıñ orınbasarı Nwrbosın Sqaqwlı telefon şalıp, bwl turalı habarladı.

Birlestik törağasınıñ orınbasarınıñ aytuına qarağanda, Qauımdastıq pen atalğan Qoğamdıq birlestik basşılarınıñ baylanısı marqwm Qaldarbek Naymanbaev kezinen bastalğan eken. «Otandas-Eldiñ»  sol bwrınğı täjiribesin jäne qazirgi tebindi qızmetin, oñ betalısın eskere otırıp,  Qauımdastıqtıñ jaña basşısı Zauıtbek Twrısbekov osı şeşimge kelipti.

Endi Almatıdağı Qauımdastıq üyine «Otandas-El» respublikalıq qoğamdıq birlestiginiñ Keñsesi köşip kirip, öz jwmısın bastaydı.

Aldağı uaqıtta ol üy  Düniejüzi qazaqtarınıñ Almatıdağı mädeni ortalığı bolıp, Qauımdastıqtıñ is-joparı ayasında jäne «Otandas-El» RQB-nıñ öz jarğısına say selbesip jwmıs atqaradı.

Şäriphan Qaysar

Abai.kz

 

 

 

2 pikir