سەيسەنبى, 10 جەلتوقسان 2019
دەپ جاتىر 4467 2 پىكىر 28 قىركۇيەك, 2017 ساعات 14:04

قاۋىمداستىق كوشتى. عيماراتى كىمگە قالدى؟

ۇستىمىزدەگى جىلدىڭ 23 ماۋسىمدا استانادا وتكەن دۇنيەجۇزى قازاقتارىنىڭ  V قۇرىلتايىندا ەلباسى «قاۋىمداستىق ورتالىعىن الماتىدان استاناعا كوشىرەتىن كەز كەلدى. ولار باسشىلاردىڭ جانىندا بولۋى كەرەك»، - دەگەن بولاتىن.

پرەزيدەنت تاپسىرماسىنا ساي، دۇنيەجۇزى قازاقتارىنىڭ قاۋىمداستىعى ەلورداعا كوشۋدى باستادى. ال، قاۋىمداستىقتىڭ الماتىداعى كوپقاباتتى ءۇيى «وتانداس-ەل» رەسپۋبليكالىق قوعامدىق بىرلەستىگىنە بەرىلدى.

27-قىركۇيەك كۇنى رەداكتسيامىزعا «وتانداس-ەل» رقب توراعاسىنىڭ ورىنباسارى نۇربوسىن سقاقۇلى تەلەفون شالىپ، بۇل تۋرالى حابارلادى.

بىرلەستىك توراعاسىنىڭ ورىنباسارىنىڭ ايتۋىنا قاراعاندا، قاۋىمداستىق پەن اتالعان قوعامدىق بىرلەستىك باسشىلارىنىڭ بايلانىسى مارقۇم قالداربەك نايمانباەۆ كەزىنەن باستالعان ەكەن. «وتانداس-ەلدىڭ»  سول بۇرىنعى تاجىريبەسىن جانە قازىرگى تەبىندى قىزمەتىن، وڭ بەتالىسىن ەسكەرە وتىرىپ،  قاۋىمداستىقتىڭ جاڭا باسشىسى زاۋىتبەك تۇرىسبەكوۆ وسى شەشىمگە كەلىپتى.

ەندى الماتىداعى قاۋىمداستىق ۇيىنە «وتانداس-ەل» رەسپۋبليكالىق قوعامدىق بىرلەستىگىنىڭ كەڭسەسى كوشىپ كىرىپ، ءوز جۇمىسىن باستايدى.

الداعى ۋاقىتتا ول ءۇي  دۇنيەجۇزى قازاقتارىنىڭ الماتىداعى مادەني ورتالىعى بولىپ، قاۋىمداستىقتىڭ ءىس-جوپارى اياسىندا جانە «وتانداس-ەل» رقب-نىڭ ءوز جارعىسىنا ساي سەلبەسىپ جۇمىس اتقارادى.

ءشارىپحان قايسار

Abai.kz

 

 

 

2 پىكىر