Jwma, 28 Aqpan 2020
Anıq 7674 45 pikir 7 Qazan, 2017 sağat 15:56

Baqıtbek Smağwlov: Ağayın alañ bolmasın!

 

Bizge bügin Mäjilis deputatı Baqıtbek Smağwlov mırza habarlastı. Deputat neşe künnen beri Abai.kz aqparattıq portalınıñ bas taqırıbınan tüspey twrğan 251 jannıñ tağdırına qatıstı maqalanı oqıp, oqıp qana qoymay, mäselege barınşa män berip, tiisti orındarğa qoñırau soğıp jatqan körinedi. Atalğan maqala şıqqan küni ol İşki ister ministrliginiñ Köşi-qon policiyası komitetine habarlasıp: «251 otbasın keri qaytarıp qoyıp qarap otıramız ba?» dep saual tastaptı. Komitettegi jauaptı twlğalar deputattıñ saualına: «Biz Abai.kz saytında şıqqan maqalanı oqıdıq. Qandastarımızğa jalğan qwjat jasap bergender wstalıp, qazir jauapqa tartılıp jatır. İstiñ barısı tolıq anıqtalğanşa ündemey otırmız. Bwl ispen ötken aqpan ayınan beri WQK qızmetkerleri de aynalısuda. Aldağı künderdiñ birinde bärine köz jetkizetin bolamız, sosın kesimdi sözimizdi aytamız. Al, alıstan köşip kelgen ağayınnıñ bir de birin keri qaytarmaymız. Olar qaytkende Atajwrtı Qazaqstanda qaladı», - dep jauap beripti. Nar twlğalı, baluan jotalı, batır deputatımızdan älgindey jılı lepesti estip «Bärekelde!» destik. Sodan keyin dünie jüzindegi qazaqtıñ joğın joqtap, barın tügendep otıruğa tiis qauımdastıqqa, qauımdastıqtıñ jwmısına birden bir jauaptı adam Zauıtbek Twrısbek mırzağa «Astananıñ qay quısına tığılıp qaldıñız?» dep izdeu salğan edik. Zäukeñdi Däukeñniñ – Däuren Quattıñ saytı izdep jatqanın köre qalğan deputat Smağwlov bwl jolı da äbjildik tanıtıp, Twrısbekke tura qoñırau şalıptı.  Qoñırau şalıp, mäseleniñ män-jayın ayta bastağan eken, Zauıtbek Twrısbek te sözge kelmesten: «Qauımdastıq 251 qandastıñ hal-jayına qattı alañdap, qarap otır. Qolınan jetelep keltirmesek, kelgen qazağımızdı keri iteretin el biz emespiz. 251 me, odan köp pe, ıqtiyar hattıñ äuire sarsañına tüsip qalğan qazaq balasın jautañdatpaymız. Mäsele oñ şeşemin tabadı», - degendi aytıptı. Bwğanda «Bärekelde!» deymiz. Osınday köñil toğaytatın jılı sözderdi jetkizgen deputat Baqıtbek Smağwlov: «Abai.kz portalı arqılı ağayınğa alañ bolmasın aytamın. Qosüreylenip, qorqudıñ qajeti şamalı. Sonday-aq bwdan ülken mäsele tudırudıñ da keregi az. Zañsızdıq bolğan eken, endi şeşimin tabadı. Elim, jerim dep kelgen qaraköz qandasımızdıñ bir de birin jat qolına bermeymiz. Olardıñ jağdayı jaqsı boladı. Atajwrtında ösip, örkendeydi, tamırın tereñge siñiredi. Qısqası, ağayın alañ bolmasın!» - dedi.

Bizge de keregi – osı. Abai.kz aqparattıq portalı arzan sensaciya quıp, arzımaytın ataqtıñ soñınan ergen emes. 250-diñ mäselesi dwrıs şeşemin taba ma? Endeşe, biz sol dwrıs şeşimdi aldımen süyinşileymiz. Dwrıs şeşimin tappay ma, onda tağı da bwl jayttı kün tärtibine qoyamız. Biraq, señ qozğalğan siyaqtı. Ilayım solay bolğay!

Abai.kz  

45 pikir