Jeksenbi, 24 Mausım 2018
Jañalıqtar 1728 18 pikir 13 Naurız, 2018 sağat 14:57

QDT jaylı aqparat taratqandar qılmıstıq jauapkerşilikke tartıladı

Sonımen qaşqında jürgen Äbläzovtiñ qwrğan wyımı zañsız dep tanıldı. "Qazaqstannıñ demokratiyalıq tañdauı" dep at qoyıp, ayğay salıp, äleumettik jelide jwrtqa nasihat jasap jürgen eks-bankir Mwhtar Äbläzovtiñ bwl qwrğanı endi - ekstremistik wyım tiziminde.

"Bas prokuratura "Qazaqstannıñ demokratiyalıq tañdauı" attı tirkelmegen qozğalıstıñ zañsız qızmetin anıqtadı. Onı Qazaqstanda 20 jılğa bas bostandığınan ayıruğa sottalğan Mwhtar Äblyazov qwrğan. Äblyazov sotpen qılmıstıq qoğamdastıqtı qwrğanı, 7,5 mlrd. AQŞ dolların wrlap, şetelge şığarğanı üşin kinäli bolıp tanılğan. Qılmıstıq tabıstardı zañdastıru faktileri boyınşa birqatar europalıq elderde Äblyazovqa qatıstı tergeu jürgizilude. Wlıbritaniyada London qalasınıñ Joğarğı sotınıñ şeşimimen Äblyazov pen onıñ sıbaylastarınan 4 millirad AQŞ dolları öndirilgen", - dedi bas prokuraturanıñ resmi ökili.

Söytip ekstremistik dep tanılğan wyım jaylı Qazaqstannıñ Aqparat jäne kommunikaciyalar ministri de tüsinikteme berdi.

Ministr Däuren Abaev mırza bwl wyım jaylı aqparat taratqandardıñ qılmıstıq jauapkerşilikke tartıluı mümkin ekenin de ayttı.

"Mağan sottıñ şeşimimen tanısu kerek. Meniñ biluimşe, bwl zañdı küşine birden emes, on künnen keyin enedi. Är jağdayda jeke-dara taldau jürgizgen jön. Eger Qazaqstan azamattarı tıyım salınğan nemese ekstremistik dep tanılğan wyımnıñ qızmeti turalı aqparat taratatın bolsa, onda olar tiisti zañmen qudalanadı", - dedi ministr.

Abaev şetelde qaşıp jürgen oligarhtıñ Qaznettegi qızmetin şekteu jağı qarastırılıp jatqanın ayttı.

"Biz qazir qarastırıp jastırmız. Sot şeşimine säykes qajetti şaralardı qabıldaymız", dedi Däuren Abaev mırza.

Abai.kz

18 pikir