سونىمەن قاشقىندا جۇرگەن ءابلازوۆتىڭ قۇرعان ۇيىمى زاڭسىز دەپ تانىلدى. "قازاقستاننىڭ دەموكراتيالىق تاڭداۋى" دەپ ات قويىپ، ايعاي سالىپ، الەۋمەتتىك جەلىدە جۇرتقا ناسيحات جاساپ جۇرگەن ەكس-بانكير مۇحتار ءابلازوۆتىڭ بۇل قۇرعانى ەندى - ەكسترەميستىك ۇيىم تىزىمىندە.

"باس پروكۋراتۋرا "قازاقستاننىڭ دەموكراتيالىق تاڭداۋى" اتتى تىركەلمەگەن قوزعالىستىڭ زاڭسىز قىزمەتىن انىقتادى. ونى قازاقستاندا 20 جىلعا باس بوستاندىعىنان ايىرۋعا سوتتالعان مۇحتار ءابليازوۆ قۇرعان. ءابليازوۆ سوتپەن قىلمىستىق قوعامداستىقتى قۇرعانى، 7,5 ملرد. اقش دوللارىن ۇرلاپ، شەتەلگە شىعارعانى ءۇشىن كىنالى بولىپ تانىلعان. قىلمىستىق تابىستاردى زاڭداستىرۋ فاكتىلەرى بويىنشا بىرقاتار ەۋروپالىق ەلدەردە ابليازوۆقا قاتىستى تەرگەۋ جۇرگىزىلۋدە. ۇلىبريتانيادا لوندون قالاسىنىڭ جوعارعى سوتىنىڭ شەشىمىمەن ءابليازوۆ پەن ونىڭ سىبايلاستارىنان 4 ميلليراد اقش دوللارى وندىرىلگەن", - دەدى باس پروكۋراتۋرانىڭ رەسمي وكىلى.

ءسويتىپ ەكسترەميستىك دەپ تانىلعان ۇيىم جايلى قازاقستاننىڭ اقپارات جانە كوممۋنيكاتسيالار ءمينيسترى دە تۇسىنىكتەمە بەردى.

مينيستر داۋرەن اباەۆ مىرزا بۇل ۇيىم جايلى اقپارات تاراتقانداردىڭ قىلمىستىق جاۋاپكەرشىلىككە تارتىلۋى مۇمكىن ەكەنىن دە ايتتى.

"ماعان سوتتىڭ شەشىمىمەن تانىسۋ كەرەك. مەنىڭ بىلۋىمشە، بۇل زاڭدى كۇشىنە بىردەن ەمەس، ون كۇننەن كەيىن ەنەدى. ءار جاعدايدا جەكە-دارا تالداۋ جۇرگىزگەن ءجون. ەگەر قازاقستان ازاماتتارى تىيىم سالىنعان نەمەسە ەكسترەميستىك دەپ تانىلعان ۇيىمنىڭ قىزمەتى تۋرالى اقپارات تاراتاتىن بولسا، وندا ولار ءتيىستى زاڭمەن قۋدالانادى", - دەدى مينيستر.

اباەۆ شەتەلدە قاشىپ جۇرگەن وليگارحتىڭ قازنەتتەگى قىزمەتىن شەكتەۋ جاعى قاراستىرىلىپ جاتقانىن ايتتى.

ء"بىز قازىر قاراستىرىپ جاستىرمىز. سوت شەشىمىنە سايكەس قاجەتتى شارالاردى قابىلدايمىز", دەدى داۋرەن اباەۆ مىرزا.

Abai.kz