Särsenbi, 21 Tamız 2019
Ne deydi?! 1641 1 pikir 9 Säuir, 2018 sağat 11:36

Ötken jılı Almatı oblısında 26 adam örtten qaza bolğan

Ötkende Kemer guberniyasında bolğan qayğılı oqiğadan barlığıñız habarsızdar. Iä, 40 säbidiñ qırşın ketken ömiri öñeşimizge öksik qwyıp, qabırğamızdı qayıstırdı. Barlığı 64 adam qaza tapqan sol oqiğadan keyin ile-şala bizde de tekseris jürgizile bastadı. Halıq köp jiılatın sauda oyın-sauıq ortalıqtarındağı, kinoteatrlardağı qauipsizdik tehnikaları qanşalıqtı äzir ekendigi söz boldı. Qazaqta «Auzı küygen ürlep işedi» degen bar.

Jaqında Mäjilis deputatı, «Aq jol» frakciyasınıñ jetekşisi Azat Peruaşev bastağan bir top jurnalist Almatıdağı äl-Farabi men Rozıbakiev köşeleriniñ qiılısında ornalasqan «Mega» sauda ortalığında bolıp qayttı.

Sauda ortalığınıñ basşılığı bergen mälimetti jariya etpekpiz. Bile jüriñiz. Däl, sol ğimaratta 560 beyne baqılau qwrılğası bar. Ört söndiru qızmetiniñ örtke qarsı avtomattı ört dabılı; habarlau jäne evakuaciyanı basqaru jüyesi; ört söndirudiñ avtomattı qondırğısı; ört söndirudiñ drençerli qondırğısı (su şımıldığı); ört söndirudiñ wntaqtı jäne gazdı avtomattı qondırğısı; janu önimderin (tütin ketirudiñ) joyu jäne taratpau jüyesi; auanı qısu jüyesi barlığı derlik jabdıqtalğan.

Sauda keşeniniñ eki birdey qoymasında 1800 kub metr su bar eken.  Ol şamamen 200 ört söndiru maşinası 3 sağat boyı ört söndiruge qauqarlı degendi bildiredi. 4 ört söndiru maşinası bar. Ğimaratta örtke qarsı qorğanıs jüyesi, dabılqaqqış, tütindi joyu, avtomattı ört söndiru jüyesi de ornalastırılğan. Ay sayın oqu-jattığu şaraları ötkizilip twradı dep sendirdi ortalıq başlığı.

«Ört qau­ip­sizdigine qatıstı memleket baqılauındağı 140 mıñ nısan 29 mıñğa deyin qısqartılıptı. Sonıñ işinde 110 mıñ ğimarattıñ ört qauipsizdigi mülde tekserilmeytini aytıldı. Ötkendegi Kemerde bolğan jağday bärimizge sabaq boulı tiis. Qorıtındı şığarıluı kerek. Osı rette Almatı qalası ikimdiginiñ barlıq sauda ortalıqtarında jappay tekseris jürgizu turalı bergen tapsırması dwrıs dep esepteymin. Qazir sauda orta­lıq­tarı ğa­na emes, kez kelgen biik üyler men äkim­şilik ği­ma­rat­tardıñ jo­ğar­ğı qa­batınan ört söndiru bas­pal­daqt­a­rımen tüse almaysız. Öytkeni olardıñ bärine qwlıp salınğan neme­se jolda türli zattar üyilip qal­ğan. Oğan qosa, 140 mıñ ğimarat ört qauip­siz­digi talabına tolıq jauap bere almaydı. Mañızdısı, ört qauipsizdigin saqtau organdarınıñ tekseristeriniñ maqsatı – tığırıqqa tirep, qorqıtu emes, keluşilerdiñ qauipsizdigin qamtamasız etu boluı qajet. Jäne de bwl jwmıstar arada bir ay ötken soñ kelesi bir qayğılı oqiğağa deyin wmıtılıp ketetin nauqandıq şarağa aynalmauı tiis», -deydi deputat Azat Twrlıbekwlı.

 

«Mega» sauda ortalığına ay sayın 1 million 300 mıñ adam keledi eken. Almatı oblısında iri sauda ortalığındağı tötenşe jağday kezinde tiisti şaralardı uaqıtımen jäne barınşa mwqiyat orınday bilu keluşilerdiñ senim arttıra tüsedi. Tolığımen jabdıqtalğan qwrılğılar, der kezinde jasalatın qauipsizdik şaralarınıñ barınşa zor jauapkerşilikpen atqarıluı aldağı uaqıtta ört oqiğalarına degen küdikti seyilte tüsedi.

Söz soñında mına bir derekke nazar audarğandıj ön kördik. Almatı oblısında Tötenşe jağdaylar departamentiniñ ört qauipsizdigi salası baqılau jäne profilaktikalıq qızmet basqarmasınıñ bergen mälimdemesi bwl. 2017 jıldıñ tolıq 12 ayındağı tirkelgen derek boyınşa, oblısta 1 964 ört tirkelgen. 26 adam qaza tapqan. 40 adam jaraqat alğan. Jalpı esep boyınşa 181 million 106 mıñ teñge materialdıq şığın kelgen. Qorıtındını öziñiz şığara beriñiz...

Kögerşin Tilegen

Abai.kz

1 pikir