سەنبى, 23 اقپان 2019
نە دەيدى؟! 1312 1 پىكىر 9 ءساۋىر, 2018 ساعات 11:36

وتكەن جىلى الماتى وبلىسىندا 26 ادام ورتتەن قازا بولعان

وتكەندە كەمەر گۋبەرنياسىندا بولعان قايعىلى وقيعادان بارلىعىڭىز حابارسىزدار. ءيا، 40 ءسابيدىڭ قىرشىن كەتكەن ءومىرى وڭەشىمىزگە وكسىك قۇيىپ، قابىرعامىزدى قايىستىردى. بارلىعى 64 ادام قازا تاپقان سول وقيعادان كەيىن ىلە-شالا بىزدە دە تەكسەرىس جۇرگىزىلە باستادى. حالىق كوپ جيىلاتىن ساۋدا ويىن-ساۋىق ورتالىقتارىنداعى، كينوتەاترلارداعى قاۋىپسىزدىك تەحنيكالارى قانشالىقتى ءازىر ەكەندىگى ءسوز بولدى. قازاقتا «اۋزى كۇيگەن ۇرلەپ ىشەدى» دەگەن بار.

جاقىندا ءماجىلىس دەپۋتاتى، «اق جول» فراكتسياسىنىڭ جەتەكشىسى ازات پەرۋاشەۆ باستاعان ءبىر توپ جۋرناليست الماتىداعى ءال-فارابي مەن روزىباكيەۆ كوشەلەرىنىڭ قيىلىسىندا ورنالاسقان «مەگا» ساۋدا ورتالىعىندا بولىپ قايتتى.

ساۋدا ورتالىعىنىڭ باسشىلىعى بەرگەن مالىمەتتى جاريا ەتپەكپىز. بىلە ءجۇرىڭىز. ءدال، سول عيماراتتا 560 بەينە باقىلاۋ قۇرىلعاسى بار. ءورت ءسوندىرۋ قىزمەتىنىڭ ورتكە قارسى اۆتوماتتى ءورت دابىلى; حابارلاۋ جانە ەۆاكۋاتسيانى باسقارۋ جۇيەسى; ءورت ءسوندىرۋدىڭ اۆتوماتتى قوندىرعىسى; ءورت ءسوندىرۋدىڭ درەنچەرلى قوندىرعىسى (سۋ شىمىلدىعى); ءورت ءسوندىرۋدىڭ ۇنتاقتى جانە گازدى اۆتوماتتى قوندىرعىسى; جانۋ ونىمدەرىن ء(تۇتىن كەتىرۋدىڭ) جويۋ جانە تاراتپاۋ جۇيەسى; اۋانى قىسۋ جۇيەسى بارلىعى دەرلىك جابدىقتالعان.

ساۋدا كەشەنىنىڭ ەكى بىردەي قويماسىندا 1800 كۋب مەتر سۋ بار ەكەن.  ول شامامەن 200 ءورت ءسوندىرۋ ماشيناسى 3 ساعات بويى ءورت سوندىرۋگە قاۋقارلى دەگەندى بىلدىرەدى. 4 ءورت ءسوندىرۋ ماشيناسى بار. عيماراتتا ورتكە قارسى قورعانىس جۇيەسى، دابىلقاققىش، ءتۇتىندى جويۋ، اۆتوماتتى ءورت ءسوندىرۋ جۇيەسى دە ورنالاستىرىلعان. اي سايىن وقۋ-جاتتىعۋ شارالارى وتكىزىلىپ تۇرادى دەپ سەندىردى ورتالىق باشلىعى.

«ءورت قاۋ­ىپ­سىزدىگىنە قاتىستى مەملەكەت باقىلاۋىنداعى 140 مىڭ نىسان 29 مىڭعا دەيىن قىسقارتىلىپتى. سونىڭ ىشىندە 110 مىڭ عيماراتتىڭ ءورت قاۋىپسىزدىگى مۇلدە تەكسەرىلمەيتىنى ايتىلدى. وتكەندەگى كەمەردە بولعان جاعداي بارىمىزگە ساباق بوۋلى ءتيىس. قورىتىندى شىعارىلۋى كەرەك. وسى رەتتە الماتى قالاسى ىكىمدىگىنىڭ بارلىق ساۋدا ورتالىقتارىندا جاپپاي تەكسەرىس جۇرگىزۋ تۋرالى بەرگەن تاپسىرماسى دۇرىس دەپ ەسەپتەيمىن. قازىر ساۋدا ورتا­لىق­تارى عا­نا ەمەس، كەز كەلگەن بيىك ۇيلەر مەن اكىم­شىلىك عي­ما­رات­تاردىڭ جو­عار­عى قا­باتىنان ءورت ءسوندىرۋ باس­پال­داقت­ا­رىمەن تۇسە المايسىز. ويتكەنى ولاردىڭ بارىنە قۇلىپ سالىنعان نەمە­سە جولدا ءتۇرلى زاتتار ءۇيىلىپ قال­عان. وعان قوسا، 140 مىڭ عيمارات ءورت قاۋىپ­سىز­دىگى تالابىنا تولىق جاۋاپ بەرە المايدى. ماڭىزدىسى، ءورت قاۋىپسىزدىگىن ساقتاۋ ورگاندارىنىڭ تەكسەرىستەرىنىڭ ماقساتى – تىعىرىققا تىرەپ، قورقىتۋ ەمەس، كەلۋشىلەردىڭ قاۋىپسىزدىگىن قامتاماسىز ەتۋ بولۋى قاجەت. جانە دە بۇل جۇمىستار ارادا ءبىر اي وتكەن سوڭ كەلەسى ءبىر قايعىلى وقيعاعا دەيىن ۇمىتىلىپ كەتەتىن ناۋقاندىق شاراعا اينالماۋى ءتيىس»، -دەيدى دەپۋتات ازات تۇرلىبەكۇلى.

 

«مەگا» ساۋدا ورتالىعىنا اي سايىن 1 ميلليون 300 مىڭ ادام كەلەدى ەكەن. الماتى وبلىسىندا ءىرى ساۋدا ورتالىعىنداعى توتەنشە جاعداي كەزىندە ءتيىستى شارالاردى ۋاقىتىمەن جانە بارىنشا مۇقيات ورىنداي ءبىلۋ كەلۋشىلەردىڭ سەنىم ارتتىرا تۇسەدى. تولىعىمەن جابدىقتالعان قۇرىلعىلار، دەر كەزىندە جاسالاتىن قاۋىپسىزدىك شارالارىنىڭ بارىنشا زور جاۋاپكەرشىلىكپەن اتقارىلۋى الداعى ۋاقىتتا ءورت وقيعالارىنا دەگەن كۇدىكتى سەيىلتە تۇسەدى.

ءسوز سوڭىندا مىنا ءبىر دەرەككە نازار اۋدارعاندىج ءون كوردىك. الماتى وبلىسىندا توتەنشە جاعدايلار دەپارتامەنتىنىڭ ءورت قاۋىپسىزدىگى سالاسى باقىلاۋ جانە پروفيلاكتيكالىق قىزمەت باسقارماسىنىڭ بەرگەن مالىمدەمەسى بۇل. 2017 جىلدىڭ تولىق 12 ايىنداعى تىركەلگەن دەرەك بويىنشا، وبلىستا 1 964 ءورت تىركەلگەن. 26 ادام قازا تاپقان. 40 ادام جاراقات العان. جالپى ەسەپ بويىنشا 181 ميلليون 106 مىڭ تەڭگە ماتەريالدىق شىعىن كەلگەن. قورىتىندىنى ءوزىڭىز شىعارا بەرىڭىز...

كوگەرشىن تىلەگەن

Abai.kz

1 پىكىر