Senbi, 21 Şilde 2018
«Soqır» Femida 5517 4 pikir 16 Säuir, 2018 sağat 10:20

Belgili ğalım Qıtay türmesinde qamauda otır

Qıtay qazaqtarınıñ arasınan şıqqan belgili ğalım, Öteyboydaq Tileuğabılwlınıñ "Şipagerlik bayanınıñ" twñğış zertteuşisi, "Altay aymaqtıq qazaq medicina kolledjiniñ joğarı därejeli oqıtuşısı, qazaq şöp därilerin zerttep, qıtayğa tanıtuşı, "Qazaq şipagerlik negizi", ”Jwldızdıq” qatarlı ondağan medicinalıq kitaptar men ğılımi maqalalardıñ avtorı,  Qalibek Qanjarbaywlı 2017 jıldıñ qırküyek ayında türmege jabılğan. Sodan beri, ğalımnıñ hal-jayı turasında eşqanday derek joq.  

Bwl qazaq medicinasın damıtuğa jasalğan qiyanat. Qamauda otırğan ğalım erterekte bergen bir swhbatında:  "Älemde jahandanu ürdisiniñ jüruimen köptegen wlt öz betimen joyılıp baradı, bwl jayında ğalımdar dabıl qağuda. Qazaq halqı Allanıñ qwdıretimen wlt retinde joyıludan aman qwtılıp, qazirgi älem halqınıñ nazarın özine audara bildi. Onıñ ayqın däleli retinde rayonımızdıñ Altay tauındağı jartas suretterin men Qwttıbidegi 10 000 jıldıq tarihı bar jartas sızbalarındağı añ aulağan babalarımızdı, sonımen qatar, adamdardı nauqastan ayıqtırudı beynelegen jartas suretterin aytuğa boladı. Demek ata-babalarımız 10 000 jıl bwrın adam emdeu şaraların jürgizgendigi däleldenip otır. Mwnı aytpağannıñ özinde osıdan  5 000 jıl bwrın Lwhpan hakim halıq arasında emdeu is-şaraların jürgizgen. Tarih qoynauına tereñirek köz jügirtken ğalımdar men arheologtar  2 000 jıl bwrın Üysin ordasında da emşilik şaralardı orda täuibi basqarğannın ayqındaytın dälelder men sipattardı jariyaladı. Jazu mädenieti qalıptasqannan keyingi jağday müldem bölek dünie sanaladı. Sol kezeñniñ özinde, yağni soñğı mıñ jıldıqta älemniñ ekinşi wstazı atanğan Äbu-Nasır Äl-Farabi babamız ğılımnıñ barlıq salasında 200 jüzge tarta trak jazıp, adamzat halqına öşbes baqıt qaldırıp ketti" dep bastap, qazaq medicinasınıñ tarihın on mıñ jıldıqtarğa deyin tereñdetip tastağan bolatın.

Sol jas ğalım Öteyboydaq Tileuğabılwlınıñ jolın jalğap, türli şöp därilermen adam emdeu isin indete zerttegen edi. Sonday, bilikti ğalımnıñ kinäsiz Qıtay türmesinde otırğanı janımızğa batadı. Jalpı, qazir sayasi üyrenu lager'ine qamalğandardıñ deni Qalibek Qanjarbaywlı sındı mıqtı azamattar. Qalibek Qıtay memleketin bılay qoyıp, jalpı adamzatqa paydası tier, talaylardı ajaldan araşalauğa qabiletti azamat. Sondıqtan da, tım qwrısa osınday azamattarımızdı sayasattıñ salqınınan qorğap qala alsaq igi edi.

Erkinbek Nwraqınwlı

Abai.kz

 

4 pikir