Düysenbi, 25 Mausım 2018
4409 7 pikir 11 Mausım, 2018 sağat 10:56

Elbası Qazaqstannıñ memlekettik qarızı köp deytinderge jauap berdi

Qazaqstannıñ memlekettik qarızı älem boyınşa eñ tömen. Bwl turalı bügin Qıtayğa memlekettik saparın qorıtındılap, qazaqstandıq BAQ ökilderine swhbat bergen QR Prezidenti Nwrswltan Nazarbaev ayttı, dep habarlaydı QazAqparat tilşisi.

«Bükil älem boyınşa bizdiñ memlekettik qarızımız eñ tömen. Amerikalıqtardıñ qarızı 14 trln dollarğa teñ. Bwl işki jalpı önimnen de joğarı. Germaniya qarızı jalpı işki önimniñ 90, Italiyada – 120, Ispaniyada 100 payızdı qwraydı. Al bizdiñ qarızımız ne bäri 13 mlrd dollar ğana. YAğni, jalpı işki önimniñ 10 payızınan da tömen», – dedi Nwrswltan Nazarbaev.

Osı orayda Memleket basşısı elimizdiñ memlekettik qarızı wlğayıp ketpeuin ünemi jiti qadağalap otıratındığın ayttı.

«Al bwlar (qıtaylıq kompaniyalarmen birlesken jobalar) meniñ uağdalastığımnıñ, jaqsı qarım-qatınasımnıñ arqasında orın alıp jatır. Biznesmenderge jaqsı jol aşıp berip otırmın. Olarğa senedi, öytkeni memleketke senim artadı. Bwl jobalardıñ barlığı da kommerciyalıq, biznes toptardıñ arasında jüzege asırıladı», – dedi Elbası.

Nwrswltan Nazarbaev Astanada jeñil rel'sti tramvay jobasına ğana alınatın qarız memlekettiki ekendigin aşıq ayttı. «Bwl jer üstindegi metro desek te boladı. Mwnı salu memlekettiñ mindettemesi. Öytkeni, infraqwrılımın salıp, tenikasın eşkim satıp ala almaydı. Infraqwrılımdı memleket saluı tiis», – dedi QR Prezidenti.

Abai.kz

7 pikir