Jwma, 16 Qaraşa 2018
Afrikalıqtıñ armanı... 4163 11 pikir 12 Mausım, 2018 sağat 17:09

Sağadiev häm Birtanovtarmen qoştasar kez tayağan siyaqtı

Ükimet basşısı Baqıtjan Sağıntaev bölingen qarajattı igere almay jatqan ministrlerge qatañ eskertu jasadı, - dep habarlaydı Abai.kz aqparattıq portalı. Keybir sarapşılardıñ boljamınşa, bwl eskertudiñ soñı aldağı künderi birneşe ministrdiñ tağınan tüsuimen tämamdaluı mümkin.

Bügingi  Ükimet otırısında birqatar ministrler  2018 jıldıñ 5 ayınıñ qorıtındısı boyınşa respublikalıq byudjettiñ orındaluı turalı bayandama jasadı.

Sol bayandamalarğa köñili tolmağan Ükimetbası Baqıtjan Sağıntaev eger de şın mäninde qarjı igerilmese, altı aydıñ qorıtındısımen aqşanıñ bärin keri qaytarıp alatının qatañ eskertti.

«Bostan-bos wstap otırğannan göri, basqa ministrlikterdiñ tarapınan swranıstar tüsip jatır. Öziniñ jolımen şığıp, aqşanı uaqıtında tiimdi igeru qajet. Joldarğa ülken tapsırmalar boldı, Jeñis Mahmwdwlı. Qauip bar. Mädeniet jäne sport ministrligi vizit-ortalıqtarın soğıp bitem degenşe turistik mausım ötip ketedi. Äli konkurs ötpegen. JSQ-sı joq. Onda aqşanı nege swradı? Auıl şaruaşılığı, Qarjı ministrligi de... Qosımşa mine, qarjı swrap otırsızdar. 42 mlrd degen dayın twr, mine. Alu kerek te - basqa salağa salu kerek. Bäribir odan payda joq», - dedi ol.

Söz soñında Ükimet basşısı: «Elbasınıñ tapsırması boyınşa Ükimet qarjını böldi. Parlament qoldadı. Byudjet qabıldandı. Biraq, qarjı igerilmeydi. Qaşanğı kütip otıramız? Ne ekonomikada ösim joq, ne halıqtıñ aldında aytatın söz joq. Esep berilgen kezde bärin de qatırıp jatırmız dep aytamız. Odan keyin bäri wmıt qaladı. Aytpadı demeñizder, qwrmetti äriptester! Soñğı söz - jartı jıldıñ qorıtındısınan keyin bölingen, alayda igerilmegen qarjı basqa salağa jwmsalatın boladı. Arı qaray özderiñiz bilesizder. Halıq pen Elbasınıñ aldında özderiñiz jauap beresizder», - dedi.

Ükimet basınıñ büytip basa söyleui bir tıqırdıñ tayap kele jatqanınıñ belgisi. Byudjetti dwrıs igermey, soñğı kezde köp sınnıñ astında qalğan birneşe ministr orındarınan ketuge qamdana berse boladı.

Aqorda jaqtan soqqan jeldiñ sıbdırı ol tizimde Bilim jäne ğılım ministri Erlan Sağadiev pen jwqpalı dert kelgende qol qusırıp qarap qalğan Densaulıq saqtau minsitri Eljan Birtanov bar eken-mis deydi.

Kemel Twtqışev

Abai.kz

 

11 pikir