دۇيسەنبى, 25 ماۋسىم 2018
افريكالىقتىڭ ارمانى... 3332 11 پىكىر 12 ماۋسىم, 2018 ساعات 17:09

ساعاديەۆ ءھام بىرتانوۆتارمەن قوشتاسار كەز تاياعان سياقتى

ۇكىمەت باسشىسى باقىتجان ساعىنتاەۆ بولىنگەن قاراجاتتى يگەرە الماي جاتقان مينيسترلەرگە قاتاڭ ەسكەرتۋ جاسادى، - دەپ حابارلايدى اbai.kz اقپاراتتىق پورتالى. كەيبىر ساراپشىلاردىڭ بولجامىنشا، بۇل ەسكەرتۋدىڭ سوڭى الداعى كۇندەرى بىرنەشە ءمينيستردىڭ تاعىنان تۇسۋىمەن ءتامامدالۋى مۇمكىن.

بۇگىنگى  ۇكىمەت وتىرىسىندا بىرقاتار مينيسترلەر  2018 جىلدىڭ 5 ايىنىڭ قورىتىندىسى بويىنشا رەسپۋبليكالىق بيۋدجەتتىڭ ورىندالۋى تۋرالى بايانداما جاسادى.

سول باياندامالارعا كوڭىلى تولماعان ۇكىمەتباسى باقىتجان ساعىنتاەۆ ەگەر دە شىن مانىندە قارجى يگەرىلمەسە، التى ايدىڭ قورىتىندىسىمەن اقشانىڭ ءبارىن كەرى قايتارىپ الاتىنىن قاتاڭ ەسكەرتتى.

«بوستان-بوس ۇستاپ وتىرعاننان گورى، باسقا مينيسترلىكتەردىڭ تاراپىنان سۇرانىستار ءتۇسىپ جاتىر. ءوزىنىڭ جولىمەن شىعىپ، اقشانى ۋاقىتىندا ءتيىمدى يگەرۋ قاجەت. جولدارعا ۇلكەن تاپسىرمالار بولدى، جەڭىس ماحمۇدۇلى. قاۋىپ بار. مادەنيەت جانە سپورت مينيسترلىگى ۆيزيت-ورتالىقتارىن سوعىپ بىتەم دەگەنشە تۋريستىك ماۋسىم ءوتىپ كەتەدى. ءالى كونكۋرس وتپەگەن. جسق-سى جوق. وندا اقشانى نەگە سۇرادى؟ اۋىل شارۋاشىلىعى، قارجى مينيسترلىگى دە... قوسىمشا مىنە، قارجى سۇراپ وتىرسىزدار. 42 ملرد دەگەن دايىن تۇر، مىنە. الۋ كەرەك تە - باسقا سالاعا سالۋ كەرەك. ءبارىبىر ودان پايدا جوق»، - دەدى ول.

ءسوز سوڭىندا ۇكىمەت باسشىسى: «ەلباسىنىڭ تاپسىرماسى بويىنشا ۇكىمەت قارجىنى ءبولدى. پارلامەنت قولدادى. بيۋدجەت قابىلداندى. بىراق، قارجى يگەرىلمەيدى. قاشانعى كۇتىپ وتىرامىز؟ نە ەكونوميكادا ءوسىم جوق، نە حالىقتىڭ الدىندا ايتاتىن ءسوز جوق. ەسەپ بەرىلگەن كەزدە ءبارىن دە قاتىرىپ جاتىرمىز دەپ ايتامىز. ودان كەيىن ءبارى ۇمىت قالادى. ايتپادى دەمەڭىزدەر، قۇرمەتتى ارىپتەستەر! سوڭعى ءسوز - جارتى جىلدىڭ قورىتىندىسىنان كەيىن بولىنگەن، الايدا يگەرىلمەگەن قارجى باسقا سالاعا جۇمسالاتىن بولادى. ارى قاراي وزدەرىڭىز بىلەسىزدەر. حالىق پەن ەلباسىنىڭ الدىندا وزدەرىڭىز جاۋاپ بەرەسىزدەر»، - دەدى.

ۇكىمەت باسىنىڭ ءبۇيتىپ باسا سويلەۋى ءبىر تىقىردىڭ تاياپ كەلە جاتقانىنىڭ بەلگىسى. بيۋدجەتتى دۇرىس يگەرمەي، سوڭعى كەزدە كوپ سىننىڭ استىندا قالعان بىرنەشە مينيستر ورىندارىنان كەتۋگە قامدانا بەرسە بولادى.

اقوردا جاقتان سوققان جەلدىڭ سىبدىرى ول تىزىمدە ءبىلىم جانە عىلىم ءمينيسترى ەرلان ساعاديەۆ پەن جۇقپالى دەرت كەلگەندە قول قۋسىرىپ قاراپ قالعان دەنساۋلىق ساقتاۋ ءمينسيترى ەلجان ءبىرتانوۆ بار ەكەن-ءمىس دەيدi.

كەمەل تۇتقىشەۆ

Abai.kz

 

11 پىكىر