Düysenbi, 25 Mausım 2018
1004 0 pikir 14 Mausım, 2018 sağat 12:12

Makedoniya prezidenti eldiñ atauın özgertu jönindegi kelisimge qol qoymadı

Makedoniya prezidenti Gerge Ivanov eldiñ atauın özgertu jöninde Greciyamen kelisimge qol qoymaymın dep mälimdedi. Onıñ pikirinşe, bwl el Konstituciyasına qayşı.

Ivanov öziniñ bwl wstanımı üzildi-kesildi ekenin mälimdedi. Ol eşqanday qısımğa, bopsalauğa ne qoqan-loqığa tüsip qalmaytının aytadı. "Men mwnday qiratuşı kelisimdi qoldamaymın da, qol qoymaymın da", – dedi prezident. Ol NATO-ğa ne Europalıq odaqqa kiru üşin memlekettiñ atauın özgertu saudanıñ bastı talabı emes dep atap ötti.

Osığan deyin Makedoniya men Grekiya bwrınğı yugoslaviyalıq respublikanıñ atauına qatıstı 27 jılğa sozılğan dauda kelisimge kelgeni aytılğan. Makedoniya prem'er-ministri Zoran Zaev 12 mausımda Afina men Skop'e Soltüstik Makedoniya degen atauğa kelisti degen. "Endi artqa jol joq", – dep mälimdegen Grekiya prem'er-ministri Aleksis Cipras baspasöz mäslihatı kezinde.

Zaev bwl kelisim makedoniyalıqtardıñ etnikalıq jäne mädeni identifikaciyasın saqtap qaladı degen. Al Grekiya prem'er-ministri Makedoniya memleketiniñ jaña atauı wlttıq jäne halıqaralıq qwjattarda körinis tabadı degen bolatın.

Abai.kz

0 pikir