Almatyda Qala kýnine arnalghan auqymdy merekelik sharalar ótude, dep habarlaydy Abay-aqparat Almaty әkimdigining saytyna silteme jasap.

Mereke kýni dәstýrli «Apple Fest» alma festivali úiymdastyrylyp, shara birden birneshe alandarda: QR Túnghysh Preziydentining sayabaghynda, Panfilov kóshesinde, Almaty Arena aldyndaghy alanda, Jibek Joly kóshesinde, Abay jәne Astana alandarynda, Ortalyq mәdeniyet jәne demalys sayabaghynda, «Kóktóbede» ótti.

Megapolis әkimi Bauyrjan Baybek qala túrghyndary men qonaqtaryn aituly merekemen qúttyqtady.

«Elbasynyng tapsyrmasy boyynsha biz Almatyny әlemning ýzdik megapolisterining birine ainaldyru ýshin qala kenistigin jýieli transformasiyalaudy bastadyq.

Osy uaqyt ishinde «Qala adamdar ýshin» jobasy ayasynda tarihy ortalyqtyng 60%-y janardy, jayau jýrginshi joldary ekonomikagha ong yqpal etude, biznesti yntalandyryp, jana júmys oryndary qúryluda.

Almatylyqtargha qalanyng qay jerinde túratyndyghyna qaramastan birdey jaghday jasaluda. Ortalyqtandyru qaghidasy boyynsha barlyq audandar damu ýstinde. Qala túrghyndary jer asty ótpeli joldardyng qauipsizdigi men tazalyghyn joghary baghalauda. Árbir ýshinshi aula, 500-den astam kóshe janardy, parkter men skverler týrlendi, jasyl jelek aumaghy úlghaydy, qalanyng 130 tarihy ghimaraty týnge qaray arhiytekturalyq jaryqpen núrlana týsti.

Qúrmetti almatylyqtar, aldymyzda kóptegen ister sheshimin kýtude, sizdermen birge olardy jýzege asyratynymyzgha men senimdimin, Almatynyng әr adam túlgha retinde qalyptasyp,armany oryndalatyn әsem qalagha ainalatyny aqiqat. Qalagha jәne Sizderge ardaqty almatylyqtar, odan әri gýldenu men órken jaidy shyn jýrekten tileymin!», - dep atap ótti Bauyrjan Baybek.

Saltanatty shara basrysynda «Almaty qalasynyng qúrmetti azamaty» ataghy Qazaqstan tarihyndaghy alghashqy әiel- elshi Aqmaral Arystanbekovagha, halyq artiysi Eskendir Hasanghaliyevke, ghalym- әdebiyetanushy Serik Qirabaevqa berildi.

Qala kýni qúrmetine oray QR Túnghysh Preziydentining sayabaghynda eng úzyn «Qúraq kórpenin» Giynesting rekordtar Kitabyna enuine qatysty túsaukeser ótude. Últtyq kórpening úzyndyghy 10900 metr, sayabaqty týgel alyp jatyr. Eske salsaq, qazaqy kórpeni jasaugha qalanyng jәne ónirlerding sheberleri mol ýles qosty. Qúraq kórpeni tigu Nauryz merekesi kezinde bastalghan edi.

Qala kýni merekesi Almaty Arenadaghy «B-DAY Party» konsertimen jәne «Astana» alanynda týngi saghat 21:00-de bolatyn salutpen ayaqtalady.

Abai.kz