Beysenbi, 18 Şilde 2019
El işi... 3997 9 pikir 6 Mausım, 2019 sağat 12:26

Elbası Nwrswltan Äbişwlına "Qwrmetti senator" atağın beru - tarihi şeşim!

Qazaqstan Parlamenti Senatınıñ törayımı Dariğa Nwrswltanqızı Elbası Nwrswltan Nazarbaevqa "Qwrmetti senator" kuäligi men tösbelgisin tapsırdı.

"Bügin Senat tarihındağı tağı bir erekşe kün. Senattıñ ötken otırısında deputattar Memleket basşısı Qasım-Jomart Toqaevtıñ bastaması boyınşa Elbası Nwrswltan Äbişwlına "Qwrmetti senator" atağın beru turalı tarihi şeşimdi birauızdan qabıldadı. 

Asa qwrmetti Nwrswltan Äbişwlı, sizge "Qwrmetti senator" atağın beru turalı şeşim - bwl sözsiz memlekettigimizdiñ negizin qalaudağı, älem moyındağan strategiyalıq damu bağıtın ayqındaudağı sizdiñ siñirgen eñbegiñizdiñ bağalanuı. Sizdiñ qos palatalı parlament qwrudağı jasampazdığıñız ben käsibiligiñiz üşin senatorlardıñ osı bir ıqılasın qabıl alıñız" dedi Dariğa Nazarbaev.

Öz kezeginde Nwrswltan Nazarbaev senatorlarğa alğısın aytıp, pikir bildirdi.

"Men öz mandatımdı tapsırıp, qızmetimdi toqtatu turalı şeşimge kelgenimde barlıq şeteldik memleket basşıları mağan habarlasıp, hat joldadı. Däl osınşalıq reakciya bolğanına men özim de tañ qaldım.

Biz barlığıına bilik tranziti mäselesin qalay şeşu kerektiginiñ ülgisin kezekti ret körsettik. Olar däl osığan  reakciya körsetti. YAğni, halıq danalığı ärqaşan orındaladı. 

Men sizderge alğıs aytamın. Senatqa kelip, oy-pikirimdi aytıp twramın. Kerek bolsa, birge aqıldasatın bolamız", dedi Nwrswltan  Nazarbaev.

Esteriñizge sala keteyik, Elbası Nwrswltan Nazarbaevqa "Qwrmetti senator" lauazımın beru turalı bastamanı prezident Qasım-Jomart Toqaev 20 naurızdağı inauguraciya kezinde wsınğan bolatın.

"Qwrmetti senator" lauazımı palata otırıstarına qatısuğa, qanday da bir şeşimderdi şığaruğa aralasuğa, pikir qosuğa mümkindik beredi.

Ayta keteyik, "Qwrmetti senator" atağı Qazaqstan tarihında twñğış ret berilip otır. Sonımen, bwl lauazım iesine qanday qwqıqtar beriledi?

"Qwrmetti senator" lauazımınıñ iegeri:

-Senattıñ barlıq otırıstarına qatısadı,

-Komitetterdiñ otırıstarına qatısadı (sonıñ işinde aşıq otırıstarğa da qatısıp, öziniñ oy-pikirin bildire aladı),

-"Qwrmetti senator" jalaqı almaydı,

-Dauıs beru processine qatıspaydı,

-Jaña märtebe senat törağasınıñ üstinen qarap, bireudiñ atınan şeşim qabıldauğa qwqıq bermeydi.

Tüyin. "Qwrmetti senator" atağı bwl  - qoğamdıq lauazım. Bwl lauazım iesi qoğamdıq jwmıstarğa, zañ şığaruşı jwmıstarğa atsalısıp, pikir-wsınıstar aytuğa qwqılı. Ekinşiden, bwl - Täuelsiz Qazaqstannıñ Twñğış prezidentine degen el-halıqtıñ ıqılası häm qwrmeti! Qazirge uaqta, bizdi qoyıp, bükil älem jwrtşılığı Elbasınıñ sayasi şeşimderi men täjirbielerin moyındadı. Halıqaralıq wyımdar, sonıñ işinde EAEO men Türki keñesi memleketteriniñ basşıları da Elbası Nwrswltan Äbişwlınıñ eleuli eñbegin eskergendikten - "Qwrmetti törağa" etip sayladı.

Elbasınıñ ömirlik täjiribesin sol wyımnıñ jwmısında paydalanu kerek degendi Aleksandr Lukaşenko men Vladimir Putin bastap ayttı. Sondıqtan, Elbası Nwrswltan Äbişwlına "Qwrmetti senator" atağın beru - tarihi şeşim ekeni dausız...

Abai.kz

9 pikir