Düysenbi, 21 Qazan 2019
Ädebiet 5891 40 pikir 15 Mausım, 2019 sağat 11:30

Prezident Toqaev Jazuşılar odağına eki kölik sıyladı

Bügin, 15 mausım küni QR Prezidenti Äkimşiligi İşki sayasat böliminiñ meñgeruşisi Aida Balaeva Qazaqstan Jazuşılar odağına qızmettik saparmen keldi.

Kezdesude Aida Balaeva wlttıq ruhani äleuetti ilgeriletu isinde aqın-jazuşılar qauımı mañızdı röl atqaratının ayta kelip, şığarmaşılıq twlğalardıñ el üşin atqarğan jwmıstarın joğarı bağaladı.

Sonımen qatar, Prezident Qasım-Jomart Toqaevtıñ arnayı sälemin jetkizip, Qazaqstan Jazuşılar odağınıñ qwrılğanına 85 jıl toluına oray memleket basşısı sıylağan qos köliktiñ kiltin tabıstadı.

Biıl mamır ayında Qasım-Jomart Toqaev Qazaqstan Jazuşılar odağınıñ törağası Wlıqbek Esdäuletti qabıldağan bolatın. Al bügin Jazuşılar odağına ülken sıy jasap otır. Osınıñ bäri Prezident Toqaevtıñ el ruhaniyatı men mädenietine basa män beretinin körsetedi.

Söz reti kelgen soñ ayta keteyik, Jazuşılar odağı bıltırğı jılı halıqaralıq deñgeyde birneşe is-şara wyımdastırdı. Elordamızğa aldımen aqındar kelip, Älemdik astanalarğa arnalğan dästürli poeziya festivalin ötkizdi. Sodan keyin ile-şala Aziya men Europanıñ qalamgerleri bas qosqan halıqaralıq forum boldı. Almatı men Elordamızğa söytip, sayasatkerler men ekonomister ğana emes, aqın-jazuşılar kele bastadı. Osınıñ bärin Jazuşılar odağı qara jayau jürip jasay aldı. Iä, ras, bir kezde atağı dürildegen odaq narıqtıñ qıspağında tizesi dirildegen şağın wyımğa aynalıp qalıp edi. Odaq basşılarınıñ jayau jürgenderiniñ naqtı sebebi osıdan kep şığadı.

Aytpaqşı, ötken beysenbide Jazuşılar odağına qarağan Şığarmaşılıq üyi qayta jasaqtalıp, Şipajayğa aynaldı. Şipajay köpşilikke jäne qalamgerlerge qızmet körsetedi.

Abai.kz

40 pikir