Senbi, 14 Jeltoqsan 2019
Anıq 2043 21 pikir 15 Şilde, 2019 sağat 17:17

Qasım-Jomart Toqaev: Şeteldikterge jer satılmaydı

Memleket basşısı Qasım-Jomart Toqaev QR Auılşaruaşılığı ministrligine jerdi paydalanu boyınşa monitoring jürgizudi tapsırdı, dep jazadı "Tengrinews.kz". 

"Auıl şaruaşılığı jerlerine jürgizilgen tügendeu kezinde 16,5 million gektar jerdiñ igerilmegeni anıqtadı. Bwl mäseleniñ bir böligi ğana. Ükimetke barlıq auılşaruaşılığı jerlerine audit jürgizudi, jer kadastrınıñ aqparattıq jüyesin cifrlaudı tapsıramın.

Jer - öndiristiñ bastı faktorı. Osı mäselede tiimdilik körmey auıl damıta almaymız. Biz bwl kürdeli jwmıs ekenin tüsinemiz, mwnda auıl şaruaşılığı ministrligi men cifrlıq damu ministrliginiñ üylesimdi özara is-qimılı qajet.

Bwl jwmıstı kelesi jıldıñ soñına deyin ayaqtau mañızdı. YAğni, kelesi jıldıñ soñına deyin tiisti jağdayğa keltirilsin. Barlığın cifrlau. Kim jwmıs istese jer sonıñ ieliginde boluı kerek, - dedi Prezident.

Sonımen qatar, Prezident Jer kodeksine özgerister engizilu mäselesi men 2021 jılğa deyin jariyalanğan moratoriyige qatıstı qoğamdıq pikirdiñ eskeriletinin de ayttı.

"Bwl jwmıstı soñına deyin jetkizu kerek. Jer kodeksi normalarınıñ moratoriyi 2021-de ayaqtaluına baylanıstı biz osı mäsele boyınşa tüpkilikti şeşim qabıldauğa tiispiz. Parlament deputattarı, jwrtşılıq bwl mäsele boyınşa pikir bildiredi dep ümittenemin. Şeteldikterge keletin bolsaq, jer olarğa satılmaydı. Bwl jerde tolıq ayqındıq boluı kerek, - dedi Qasım-Jomart Toqaev.

Abai.kz

21 pikir