جەكسەنبى, 25 تامىز 2019
انىق 1328 21 پىكىر 15 شىلدە, 2019 ساعات 17:17

قاسىم-جومارت توقاەۆ: شەتەلدىكتەرگە جەر ساتىلمايدى

مەملەكەت باسشىسى قاسىم-جومارت توقاەۆ قر اۋىلشارۋاشىلىعى مينيسترلىگىنە جەردى پايدالانۋ بويىنشا مونيتورينگ جۇرگىزۋدى تاپسىردى، دەپ جازادى "Tengrinews.kz". 

"اۋىل شارۋاشىلىعى جەرلەرىنە جۇرگىزىلگەن تۇگەندەۋ كەزىندە 16,5 ميلليون گەكتار جەردىڭ يگەرىلمەگەنى انىقتادى. بۇل ماسەلەنىڭ ءبىر بولىگى عانا. ۇكىمەتكە بارلىق اۋىلشارۋاشىلىعى جەرلەرىنە اۋديت جۇرگىزۋدى، جەر كاداسترىنىڭ اقپاراتتىق جۇيەسىن تسيفرلاۋدى تاپسىرامىن.

جەر - ءوندىرىستىڭ باستى فاكتورى. وسى ماسەلەدە تيىمدىلىك كورمەي اۋىل دامىتا المايمىز. ءبىز بۇل كۇردەلى جۇمىس ەكەنىن تۇسىنەمىز، مۇندا اۋىل شارۋاشىلىعى مينيسترلىگى مەن تسيفرلىق دامۋ مينيسترلىگىنىڭ ۇيلەسىمدى ءوزارا ءىس-قيمىلى قاجەت.

بۇل جۇمىستى كەلەسى جىلدىڭ سوڭىنا دەيىن اياقتاۋ ماڭىزدى. ياعني، كەلەسى جىلدىڭ سوڭىنا دەيىن ءتيىستى جاعدايعا كەلتىرىلسىن. بارلىعىن تسيفرلاۋ. كىم جۇمىس ىستەسە جەر سونىڭ يەلىگىندە بولۋى كەرەك، - دەدى پرەزيدەنت.

سونىمەن قاتار، پرەزيدەنت جەر كودەكسىنە وزگەرىستەر ەنگىزىلۋ ماسەلەسى مەن 2021 جىلعا دەيىن جاريالانعان موراتوريىگە قاتىستى قوعامدىق پىكىردىڭ ەسكەرىلەتىنىن دە ايتتى.

"بۇل جۇمىستى سوڭىنا دەيىن جەتكىزۋ كەرەك. جەر كودەكسى نورمالارىنىڭ ءموراتوريى 2021-دە اياقتالۋىنا بايلانىستى ءبىز وسى ماسەلە بويىنشا تۇپكىلىكتى شەشىم قابىلداۋعا ءتيىسپىز. پارلامەنت دەپۋتاتتارى، جۇرتشىلىق بۇل ماسەلە بويىنشا پىكىر بىلدىرەدى دەپ ۇمىتتەنەمىن. شەتەلدىكتەرگە كەلەتىن بولساق، جەر ولارعا ساتىلمايدى. بۇل جەردە تولىق ايقىندىق بولۋى كەرەك، - دەدى قاسىم-جومارت توقاەۆ.

Abai.kz

21 پىكىر