Seysenbi, 17 Qırküyek 2019
1183 2 pikir 21 Tamız, 2019 sağat 11:31

Kömekke mwqtaj jandardıñ mäselesi tikeley efirde şeşimin tabadı

Küzgi telemausımnan bastap «Qazaqstan» Wlttıq arnasınan äleumettik bağıttağı «Niet» jobası efirge şığadı. Eki sağat boyı tikeley efirde ötetin jaña bağdarlamada şınayı kömekke mwqtaj jandardıñ mäselesi şeşimin tabatın boladı,- dep habarlaydı «Qazaqstan» RTRK» AQ Baspasöz qızmeti.

Äleumettik telejoba boyınşa auqımdı sarapşılar pulı qwrıldı. Oğan qwqıq qorğau organdarınıñ, Halıqqa qızmet körsetu ortalığınıñ, qarjı, bilim beru, densaulıq saqtau jäne äleumettik mäseleler boyınşa özge de wyımdardıñ käsibi mamandarı tartıldı.

Bağdarlamada psihologiyalıq kömek türlerinen bastap, qoğam qajettiligi men talqısındağı baspana, kvota, bala asırap alu mäseleleri boyınşa naqtı kömek şaraları qabıldanadı.

«Qazaqstan» arnasında äleumettik bağıttağı jobalar bwğan deyin de boldı. «Niet» äleumettik jobasınıñ erekşeligi - köpşilikti kömekke mwqtaj jandardıñ jağdayınan habardar etip qana qoymay, tikeley efirde kömek qolın sozu. Är habar belgili bir adamnıñ, otbasınıñ mäselesine arnalıp, arnayı sarapşılar tobınıñ aqıl-keñesimen bağdarlamağa berilgen eki sağat işinde şeşimin tabadı», -delingen baspasöz habarlamasında.

Jobanıñ negizgi maqsatı -  türli sebeptermen qiındıqqa tap bolıp, tığırıqtan şığar jol izdegen jandarğa qolwşın sozu.  Bağdarlama tanımal telejürgizuşi Gülnaz Älimgereydiñ jürgizuimen 9 qırküyekten bastap düysenbi-jwma aralığında efirge şığadı.

Kömekke zäru jandardıñ ötiniş-tilekteri bügingi künnen bastap +7 (701) 555 07 51 nömiri boyınşa qabıldanadı.

Ayta keteyik, biılğı küzgi mausımğa «Qazaqstan» Wlttıq arnası 14 jaña joba äzirledi. Tağı 10 bağdarlama jaña formatta körermenge qayta wsınıladı.

Abai.kz

2 pikir