Seysenbi, 17 Qırküyek 2019
1201 0 pikir 21 Tamız, 2019 sağat 11:45

Qızılordada bilim salasında jañaşıldıq bar

Biıl Qızılorda oblısındağı 293 mektepke 164 500 oquşı keledi dep josparlanuda. Oquşılar sanı ötken jılmen salıstırğanda 10 mıñğa köbeygen,- dep habarlaydı Abay-aqparat.

Bwl jöninde oblıstıq bilim basqarmasınıñ basşısı Mayra Meldebekova ayttı.

Onıñ sözinşe, 1-sınıpqa 21553 oquşı qabıldanadı dep josparlanuda. Oquşılar sanınıñ ösui negizinen Qızılorda qalasında bayqalğan.

– Oblısta qazirgi tañda balabaqşalar sanı 667-ge jetip, onda 61 mıñ bala tärbielenude. Balabaqşalardıñ 72% jeke sektorda. Aral, Qazalı audandarınan 85 orınğa arnalğan 2 jeke balabaqşa, Qızılorda qalasınan 140 orınğa arnalğan 1 memlekettik balabaqşa aşıldı,- dedi basqarma basşısı.

Baspasöz brifingi barısında bilim salasındağı jañalıqtar da söz boldı.

– 1-qırküyekten bastap 4, 9, 10 sınıptar jañartılğan bilim beru mazmwnı boyınşa bilim aladı. Bwl rette atalğan sınıp oquşılarına oqulıqtar men oqu ädistemelik keşender satıp alu üşin jergilikti byujdetten 1,7 mlrd teñge bölinip, 15 baspamen kelisimşarttar jasalğan. Jañartılğan bilim beru mazmwnına säykes 10-sınıp oquşıları «Grafika jäne jobalau», «Käsipkerlik jäne biznes negizderi» sındı jaña pän oqidı. Bügingi tañda bwl maqsatta naqtı jwmıstar atqarıldı, - dep atap ötti Mayra Meldebekova.

Sonday-aq, ol biılğı jıldan bastap mektepterde ıstıq tamaq wsınu, lager'ge joldama beru, 1-sınıpqa oquğa qabıldau, mwğalimderdi jwmısqa qabıldau tärtibi avtomattandırılğanın jetkizdi. Naqtıraq aytqanda, kez kelgen ata-ana mektep.sitcen.kz aqparattıq jüyesin qoldanu arqılı oquşınıñ qajetti qwjatın üydi otırıp-aq elektrondı nwsqada ötkize aladı.

Abai.kz

0 pikir