Сәрсенбі, 17 Тамыз 2022
Арылу 936 4 пікір 3 Тамыз, 2022 сағат 13:22

Солтүстік Қазақстан: Ресейшіл бүлікшілер сотталды

Солтүстік Қазақстанды Ресейге қосуға үндеген ерлі-зайыптыға сот үкімі шықты. Петропавл қаласында әлеуметтік желі арқылы ерлі-зайыпты адамдар Солтүстік Қазақстанды Ресей құрамына кіргізуді насихаттаған.

Олардың үстінен қылмыстық іс ашылып, бес жылға сотталды.

Сот отбасыға Қазақстанның қылмыстық кодексінің 180 бабы 2 тармағы «Телекоммуникация желілерін пайдалана отырып, ҚР бірлігі мен тұтастығын, оның аумағына қол сұғылмаушылық пен бөлінбеушілікті және мемлекеттің ыдырауын насихаттау» бойынша үкім шығарған.

Істің мән-жайына қарағанда, айыпталушы отбасы «Солтүстік Қазақстанның Ресейге тиесілі екені» жайында сөз таластырған және «Солтүстік Қазақстанды Ресейге қосуға үндеген».

Айыпталушылар мәлімдемелерін бүкіл әлем қолданатын танымал қосымша «Чат рулетка» әлеуметтік желісінде жариялаған. Олар сотта өз кінәсін мойындамаған.

«Ерлі-зайыптыларға тағылған кінә іс материалдарымен расталады. Сотталушылар кінәсін қанша мойындамағанымен, ерлі-зайыптылардың кінәсі дәлелденді. Іске қылмыстық құқық бұзушылықтың жасалу барысы жазылған және кешенді сот-психологиялық-филологиялық сараптамасы жүргізілген бейнежазба тіркелді», - делінген Солтүстік Қазақстан облысы сотының баспасөз қызметі таратқан мәліметте.

Ерлі-зайыпты жазасын қылмыстық-атқару жүйесінің қауіпсіздігі орташа мекемесінде өтейді.

Айта кетейік, Қазақстанның қылмыс заңнамасына сәйкес сепаратистік әрекетке 5-10 жыл түрмеге жабу қарастырылған.

Abai.kz

4 пікір

Үздік материалдар

Алашорда

Алаш-арман

Бейбіт Қойшыбаев  2581
Білгенге маржан

Хилда Хукхэм және Ұлы қолбасшылар

Бейсенғазы Ұлықбек 2103
Әдебиет

Түс

Ерғали Бақаш 1774
Әне, көрдің бе?

Архимед кімді қорғаштайды?

Жайберген Болатов 2866