سولتۇستىك قازاقستاندى رەسەيگە قوسۋعا ۇندەگەن ەرلى-زايىپتىعا سوت ۇكىمى شىقتى. پەتروپاۆل قالاسىندا الەۋمەتتىك جەلى ارقىلى ەرلى-زايىپتى ادامدار سولتۇستىك قازاقستاندى رەسەي قۇرامىنا كىرگىزۋدى ناسيحاتتاعان.

ولاردىڭ ۇستىنەن قىلمىستىق ءىس اشىلىپ، بەس جىلعا سوتتالدى.

سوت وتباسىعا قازاقستاننىڭ قىلمىستىق كودەكسىنىڭ 180 بابى 2 تارماعى «تەلەكوممۋنيكاتسيا جەلىلەرىن پايدالانا وتىرىپ، قر بىرلىگى مەن تۇتاستىعىن، ونىڭ اۋماعىنا قول سۇعىلماۋشىلىق پەن بولىنبەۋشىلىكتى جانە مەملەكەتتىڭ ىدىراۋىن ناسيحاتتاۋ» بويىنشا ۇكىم شىعارعان.

ءىستىڭ ءمان-جايىنا قاراعاندا، ايىپتالۋشى وتباسى «سولتۇستىك قازاقستاننىڭ رەسەيگە تيەسىلى ەكەنى» جايىندا ءسوز تالاستىرعان جانە «سولتۇستىك قازاقستاندى رەسەيگە قوسۋعا ۇندەگەن».

ايىپتالۋشىلار مالىمدەمەلەرىن بۇكىل الەم قولداناتىن تانىمال قوسىمشا «چات رۋلەتكا» الەۋمەتتىك جەلىسىندە جاريالاعان. ولار سوتتا ءوز كىناسىن مويىنداماعان.

«ەرلى-زايىپتىلارعا تاعىلعان كىنا ءىس ماتەريالدارىمەن راستالادى. سوتتالۋشىلار كىناسىن قانشا مويىنداماعانىمەن، ەرلى-زايىپتىلاردىڭ كىناسى دالەلدەندى. ىسكە قىلمىستىق قۇقىق بۇزۋشىلىقتىڭ جاسالۋ بارىسى جازىلعان جانە كەشەندى سوت-پسيحولوگيالىق-فيلولوگيالىق ساراپتاماسى جۇرگىزىلگەن بەينەجازبا تىركەلدى»، - دەلىنگەن سولتۇستىك قازاقستان وبلىسى سوتىنىڭ ءباسپاسوز قىزمەتى تاراتقان مالىمەتتە.

ەرلى-زايىپتى جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيدى.

ايتا كەتەيىك، قازاقستاننىڭ قىلمىس زاڭناماسىنا سايكەس سەپاراتيستىك ارەكەتكە 5-10 جىل تۇرمەگە جابۋ قاراستىرىلعان.

Abai.kz