Жұма, 19 Шілде 2024
Анық-қанығы 1685 20 пікір 19 Маусым, 2024 сағат 15:45

Киевтегі қастандық: Садықовты кім атты? Президент пікір білдірді...

Коллаж суреттері Азаттық, Ақорда және Егемен сайттарынан алынды

Кеше Украина астанасы Киевте қазақстандық оппозициялық журналист, «БАСЕ» каналының негізін қалаушы Айдос Садықовқа қастандық жасалды. Бұл туралы оның әйелі, журналист Наталья Садықова Facebook-тегі парақшасында хабарлады.

Украиналық БАҚ-тың дерегінше, оқиға Киевтегі Шевченко ауданында болған. Киев прокуратурасы Садықовқа жасалған қастандыққа қатысты «Қасақана адам өлтіруге оқталу» фактісі бойынша сотқа дейінгі тергеуді бастаған. Прокуратураның хабарлауынша, Садықов қазір ауруханада жатыр, жағдайы ауыр.

Аталған оқиғаға қатысты Қазақстан президенті Қасым-Жомарт Тоқаев пікір білдірді.

«Елімізде Заң үстемдігін нығайтып жатырмыз, яғни барлық салада, ең алдымен, Заң үстемдігін қамтамасыз ету – басты міндет. Бұл мәселе бойынша менің көзқарасым – айқын. Мұны өздеріңіз де жақсы білесіздер. Қазақстанда Заң мен тәртіп бәрінен биік тұруға тиіс. Сондықтан қоғамдағы барлық қарама-қайшылықтар мен келіспеушіліктерді тек қана құқықтық тұрғыдан, яғни тиісті Заңнамаға және негізгі халықаралық нормаларға сәйкес шешу қажет.

Кеше Қазақстан азаматы Айдос Садықовқа қатысты Киевте болған қылмысқа да дәл осы ұстаным тұрғысынан қараған жөн. Мен дипломатиялық арналар мен құқық қорғау органдары арқылы осы оқыс оқиға бойынша Украина тарапына ресми сұратулар жіберу туралы нақты тапсырма бердім.

Сондай-ақ қажет болған жағдайда Қазақстанның ресми органдары істің ақиқатына жетуге жәрдем беру үшін тергеу жұмысына қатысуға дайын екенін айтқым келеді», – деді Қасым-Жомарт Тоқаев.

Қазақстандық журналист Айдос Садықовқа жасалған қастандықтан кейін Қазақстан билігі Украинаға ресми нота жолдады. Бұл туралы Қазақстанның Украинадағы елшісі Дархан Қалетаев «Азаттыққа» мәлімдеді.

«Біз Украина Сыртқы істер министрлігіне осы жағдайға байланысты түсініктеме алу үшін ресми нота жолдадық. Әлі жауап келмеді. Украина тарабынан бізге ешкім хабарласқан жоқ», - деді елші Қалетаев.

Abai.kz

20 пікір

Үздік материалдар

Абай мұрасы

Абай іліміндегі өмір мақсаты не?

Досым Омаров 1292
Ой түрткі

Әлмерек абыздың оралуы - Елге діннің оралуы

Бақтыбай Айнабеков 2027
Көршінің көлеңкесі

Ресей тілдік һәм саяси экспансияны қалай жүргізді?

Бейсенғазы Ұлықбек 2075