Парсы шығанағы аймағында қарулы қақтығыс басталғаннан бері Ормуз бұғазы арқылы өтетін мұнай танкерлерінің саны 90% азайды. Бұл туралы Бахрейн Сыртқы істер министрі Абдель Латиф бен Рашед әз-Заяни мәлімдеді. 

— Биылғы жылдың 28 ақпанынан бастап Ормуз бұғазы арқылы танкерлер тасымалы 90%-дан астамға қысқарды, — деді министр.

Оның айтуынша, Ормуз бұғазындағы жағдай халықаралық құқық пен жаһандық азық-түлік қауіпсіздігіне қауіп төндіреді.

— Ормуз бұғазындағы дағдарысты шешуде уақыт өте маңызды және оны шешу халықаралық қауымдастықтың шұғыл әрекетін талап етеді, — деді әз-Заяни.

Иран басшылығы АҚШ, Израиль және операцияны қолдаған басқа елдердің кемелері үшін Ормуз бұғазын жабу туралы шешім қабылдады. Қақтығыс кезінде бірнеше танкер Тегеранның рұқсатынсыз бұғаздан өтпек болған кезде шабуылға ұшырады.

Еске сала кетейік, 28 ақпанда АҚШ пен Израиль Иранға қарсы әскери операция бастады. Иранның ірі қалалары, соның ішінде Тегеран да соққыға жығылды. Сонымен бірге АҚШ Иран халқын өз үкіметіне қарсы көтеріліп, билікті басып алуға ашық түрде шақырды. Соққылардан Иранның рухани көсемі аятолла Әли Хаменеи мен Ислам республикасы басшылығындағы тағы бірнеше маңызды тұлғалар қаза тапты. Иран Бахрейн, Иордания, Катар, Кувейт, БАӘ және Сауд Арабиясындағы Израиль мен АҚШ нысандарына қарсы жауап операцияларын бастады.

Abai.kz