Алматы облысынан ғұн дәуіріне жататын 44 оба табылды. ҚР Ұлттық музейінің «Халық қазынасы» зерттеу институты және Ә. Марғұлан атындағы Археологиялық институтындағы филиалының қызметкерлері Кеген өзенінің аңғарын зерттеп, аңғар маңынан ғұндардың жерленген қорымдарын тапты. Бұл туралы Baq.kz жазды.

 Қазіргі уақытта 44 моланың 41-і зерттелді, ғалымдар атап өткеніндей, жерлеу рәсімі ғұндық болып табылады. Бас жағын солтүстікке қаратып, арқасымен созылған күйінде аса терең қазылмаған орға жерленген. Жерлеу орындарында бас киімдерінің алтын әшекейлері, алтын түйіндіктері және т.б. табылған. Табылған әшекей бұйымдары сақтардың стилінде жасалған.

Экспедиция жетекшілерінің бірі Ақан Оңғар табылған 44 адам да бір уақытта жерлеу қорымы бір уақытта салынғандықтан, әскер болуы мүмкін деп атап өтті.
Ғалымдарды 44 ғұн адамдарының «сақ басшысының» айналасына жерленуі таңғалдырып отыр. Ғұндардың сақтарға өздерінің ата-бабалары сияқты табынғаны және «сақ басшысының» жерленген орны қасиетті орын деп санағаны белгілі болып отыр. Қазылған қорғандардың негізгі бөлігі тоналғандығын атап өту керек.
Тағы бір ерекшелігі — басты «патшалық» қорғанының айналасына метрден артық болатын биіктіктегі тас шығыршық қойылған, бұл сақтардың өзге әлемнің барлығына сенгендігімен байланыстырады. Табылған жасандылар ары қарайғы сараптамаға Америка мен Ресейге жөнелтілді.
Ғалым Ақан Оңғар ғұндар кезеңінің көптеген ескерткіштері Монғолияда орналасқандығын айтады. Сол уақытта сақтар бастапқы кездері Қазақстан территориясында мекендегенімен, ғұндар Монғолиядан келгендіктен, Қазақстанда осы тайпаның жерленген орындары сирек кездеседі.
ХХ ғасырдың 80-жылдары Кеген өзенінің аңғарындағы Жалауин аулында сақтардың заттары бар қойма табылғаны белгілі. Жергілікті қорғандардың біріндегі қойманың заттары ұрлануы мүмкін деп есептейді. Келер жылы ғалымдар басты қорғанды қазуды көздеп отыр. Бұл Қазақстанның тарихы туралы жаңа деректерді беретін қызықты археологиялық олжаға алып келуі де, тіпті тағы бір «алтын адам» табылып та қалуы мүмкін дейді ғалымдар.

Абай-ақпарат