Сенбі, 23 Қыркүйек 2017
Мәңгілік ел 719 17 пікір 14 Қыркүйек, 2017 сағат 12:07

Латынға көшсек – сырттағы 5 миллион қазақпен жақындасамыз

Еліміздегі бірқатар үкіметтік емес ұйым өкілдері латын қарпіне көшуді қолдайтынын айтып, мәлімдеме жасады. Халықаралық «Жанашыр» қорының президенті Жаңыл Әпетова латын жазуына көшу бізді әлемнің әр түкпіріндегі 5 миллионға жуық қазақтармен жақындастыра түседі деген пікір білдірді.

Қор басшысының айтуынша, бүгінгі таңда кирилл жазуын әлемнің 12 мемлекеті ғана пайдаланады. Ал қалғандарының көпшілігі латын әліпбиін қолданады. Демек, бұл кең таралған жазу. «Қазір әлемнің түкпір-түкпірінде 5 миллионға жуық қазақ тұрады. Олардың 80 пайызы латын әліпбиін пайдаланады. Яғни, біз болашақта латын әліпбиіне көшсек, сол қандастарымызбен жақындаса түсеміз. Бұл – сырттағы ағайынның көптен күткен арманы. Біз, қазақстандықтар көпшілік болып латын қарпіне  көшуге дайын екенімізді көрсетіп, осындай маңызды қадамға баруға ауызбіршілік танытқанымыз жөн болады»,- дейді ол.

Сонымен қатар, «Жанашыр» қорының президенті латын әліпбиіне көшуге қатысты халыққа жүргізілген сауалнама қорытындыларын да жария етті. Дін істері және азаматтық қоғам министрлігінің қолдауымен «Азаматтық бастамаларды қолдау орталығы» коммерциялық емес мекемесінің гранттық бағдарламасы аясында «Халықтың ұлттық мәдени-бірлігін сақтаудағы зиялылардың рөлі» деп аталатын жоба бойынша конференциялар мен дөңгелек үстелдер, мектеп және колледж оқушыларымен кездесулер өткізілген. Осы басқосуларда латын қарпіне көшу туралы сауалнама жүргізілген. Сайып келгенде, сұрау салынғандардың 80-90 пайызы латын жазуына көшуді бірауыздан қолдайтындарын айтыпты.

Елбасының бастамасын ауған соғысы ардагерлері ұйымдарының «Қазақстан ардагерлері» қауымдастығы да толығымен қолдайтынын мәлімдеді. Қауымдастық төрағасы Бақытбек Смағұлдың айтуынша, латын қарпі арқылы еліміз қазіргі заманғы технологиялық ортаға, коммуникацияға, сондай-ақ, ғылыми және білім беру үдерісіне тереңірек кіріге түседі.

«Мемлекет бұл іске барынша байыптылықпен, дәйектілікпен және дайындықпен кірісуде. Қазақтың жаңа жазуының сыншысы да, тілекшісі де, төрешісі де халық болмақ. Демек, әліпбидің соңғы нұсқасының қандай болатыны да барша қазақстандықтарға болуға тиіс. Бұл бастама бөлініп-жарылуға емес, ескіден арылуға, сананың жаңғыруына, мемлекеттік тілдің жаңаша дамуына бастайды. Тәуелсіз Қазақ елінің азаматтарына әлденені сырттан таңуға ешкімнің хақысы жоқ. Бұл – біздің, тәуелсіз Қазақстанның өркениеттік таңдауы. Бұл таңдауда да барша қазақстандықтардың кезекті рет ырыс пен ізгілікке ұштасар бірауыздылық танытарына сенім білдіреміз»,- дейді Бақытбек Смағұл.

Abai.kz

 

17 пікір
Динара 2017-09-19 16:02:31
Латынға көшудің жақсы жақтарына қанша ғалымдар дәлел келтіріп жатыр. Меніңше, мәселе дәлелде емес. Қазақстанның болашағы үшін қаншалықты маңызды екенінде. Осы нәрсені түсінсек, қолдаған артықтық етпейді.
Мирамгүл 2017-09-19 14:55:31
Әлемнің 12 мемлекеті ғана пайдаланатын кириллицаны пайдаланып жүргенімізден, әлемдік бәсекелестікке қабілеттілігімізді арттырып латынға көшкеніміздің пайдасы болмаса зиянын көріп отырғаным жоқ. Шеттегі қандастарымызбен жақындасудың да жаңа мүмкіндігі
Пакиза 2017-09-19 12:47:20
Жаңалықтан қорықпау керек. Жаңалықты қабылдау керек. Бұл болашақ үшін, ұрпақ игілігі үшін жасалып жатырған деп түсінемін өз басым
Бақан 2017-09-18 19:32:57
Қазақстанның орыс тілді билігі 26 жылда мелекеттік тілге өте алмады. Енді олар бір емес, он латынға өтсек те олар мемтілді үйренбейді. Себебін ойлап көріңіздер.
калбит 2017-09-14 22:59:25
казахтын жауы казах деп не зря сказали умныи наши предки поэтому пусть шеттеги казахтар чем дальше тем лучше
калбит 2017-09-14 22:56:00
на хрена нужен нам шеттеги казахтар оларды бизди коргап козимизди ашкан жок кала салып бизди адам еткен русскии народ русскии язык гои без русского народа без русского языка казахстан существовать не реально казахстан это не казахская страна казахстан это русскии мир русскии народ русскии язык обьедняет всех не развитых народов .сегодня кто кормит казахов не Назарбаев это точно кормит русскии язык это факт кто построили казахстан русскии народ кто обеспечивает безопасность Россия это факт
Жалғас 2017-09-14 16:44:23
Серік ағасы тым болашақты болжап жіберді, бәлкім жемқорлардың да атын айтып қаларсыз?
Сұлушаш 2017-09-14 16:43:06
Қиындықсыз болмайды, дұрыс әліпбиді бекітеміз, үйренеміз деп ойлаймын. Еш қорқыныш жоқ.
Серік 2017-09-14 16:42:59
Латынға өту өте қиындықпен келеді бізге. Басында өтпелі кезең түрінде жүргізілетін сияқты.Халық баршамыз түгел бірден өтсек деп отыр, жоғарыдағы тежеуші топ кириллицадан айрылғылары жоқ. Бір енгізіліп алса халық өзі біраз жерге жеткізеді, бөлінген қаржының біразы жемқорлардан қолды болатын шығар. Көрші елдерден масқара боп, кешіктіріліп біраз қызметкерлер сотталып, 2030 жылдарға созылып көш соңына қарай толық енгізілуі мүмкін.
Гульназ 2017-09-14 16:42:19
Бұған дейін де ол қазақтармен жақындасып жүрміз, графикада тұрған ештеме жоқ былай қарағанда. Латынды заман талабы деп қана қарау керек.
f,p 2017-09-14 16:41:05
Ең бастысы дұрыс көшсек, әйтпесе ұсынылған әріптер адамды жаңылдырады
Azat Qonysbek 2017-09-14 15:01:28
Латын жазуынан шошитын орысқұл, мәңгүрт қазақтар ғана. Олар жанын салып бөгет жасауы мүмкін.
Айдана 2017-09-14 13:41:24
Қазақ елі үшін жаңа тарихымыздың жаңа беті ашылуда. Қолдаймыз!
Алмат 2017-09-14 13:38:29
Шетелдегі қандастарымыз біз үшін қуанып жатқан болар. Тек латын қаріпінде оқитындар көп.
Сундет 2017-09-14 13:35:48
Расында да латын қаріпіне көшкеніміздің жақсы тұстары көп
Қорабек 2017-09-14 12:28:47
Осы сыртта БЕС млн қазақ бар деген ертегіні қашан тоқтатамыз???!!! Сыртта соншама қазақ жоқ !
Жорабек 2017-09-14 12:22:22
Сырттағы қазақтар бізбен жақындасқысы келсе - біздің әріптерімізді үйренсін. Неге біз олар үшін әріптерімізді былықтырып, шыж-быж болып, шашылуымыз керек?

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 5879
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 12385