53 دەپۋتات: «ءماجىلىستى تاراتساڭىز»
ماجىلىستەن ءمان كەتكەنىن دەپۋتاتتار ەندى عانا تۇسىنگەن سىڭايلى. ءاي، بىراق، سال بولا باستاعان ساياسي جۇيەنىڭ مۇرنىن تەسكەن تايلاعىنداي دەپۋتاتتاردى دا كەيدە اياپ كەتەسىڭ...
مىنە، بۇگىن نۇرتاي ءسابيليانوۆ پەن ۆيكتور روگالەۆتىڭ ءماجىلىستى تاراتۋ جونىندە پرەزيدەنتكە جاساعان ءوتىنىشىن 53 دەپۋتات قولدادى. ءسويتىپ، ءتورتىنشى ءماجىلىستىڭ دە تاعدىرى جۋىقتا شەشىلمەك.
دەپۋتاتتار پارلامەنتتىڭ تومەنگى پالاتاسىن تاراتۋ ماسەلەسىن كوتەرۋدىڭ سەبەپتەرى رەتىندە، كەلەسى جىلى ەلىمىز تاۋەلسىزدىكتىڭ جيىرما ءبىرىنشى جىلىن جاڭا ۇكىمەتپەن، ماجىلىسپەن باستاسا; الەمدىك ەكونوميكالىق داعدارىس قىسى-جازى «گۇلدەنىپ» تۇراتىن قازاقستاننىڭ ەكونوميكاسىنا دا كەسىرىن تيگىزۋ مۇمكىن (!), سوندىقتان داعدارىستىڭ الدىن وراپ سايلاۋ وتكىزىپ الۋ كەرەكتىگىن اتاپ، ۋاجدەرىن ايتىپتى.
حوش، مۇنداي سوزدەرگە ەتىمىز ۇيرەنگەن. ءماجىلىستى تاراتۋ جوعارىدان تۇسكەن تاپسىرما ەكەنىن ءبىلۋ ءۇشىن جاۋىرىنشى بولۋدىڭ قاجەتى جوق. بۇل - تۇسىنىكتى.
ماجىلىستەن ءمان كەتكەنىن دەپۋتاتتار ەندى عانا تۇسىنگەن سىڭايلى. ءاي، بىراق، سال بولا باستاعان ساياسي جۇيەنىڭ مۇرنىن تەسكەن تايلاعىنداي دەپۋتاتتاردى دا كەيدە اياپ كەتەسىڭ...
مىنە، بۇگىن نۇرتاي ءسابيليانوۆ پەن ۆيكتور روگالەۆتىڭ ءماجىلىستى تاراتۋ جونىندە پرەزيدەنتكە جاساعان ءوتىنىشىن 53 دەپۋتات قولدادى. ءسويتىپ، ءتورتىنشى ءماجىلىستىڭ دە تاعدىرى جۋىقتا شەشىلمەك.
دەپۋتاتتار پارلامەنتتىڭ تومەنگى پالاتاسىن تاراتۋ ماسەلەسىن كوتەرۋدىڭ سەبەپتەرى رەتىندە، كەلەسى جىلى ەلىمىز تاۋەلسىزدىكتىڭ جيىرما ءبىرىنشى جىلىن جاڭا ۇكىمەتپەن، ماجىلىسپەن باستاسا; الەمدىك ەكونوميكالىق داعدارىس قىسى-جازى «گۇلدەنىپ» تۇراتىن قازاقستاننىڭ ەكونوميكاسىنا دا كەسىرىن تيگىزۋ مۇمكىن (!), سوندىقتان داعدارىستىڭ الدىن وراپ سايلاۋ وتكىزىپ الۋ كەرەكتىگىن اتاپ، ۋاجدەرىن ايتىپتى.
حوش، مۇنداي سوزدەرگە ەتىمىز ۇيرەنگەن. ءماجىلىستى تاراتۋ جوعارىدان تۇسكەن تاپسىرما ەكەنىن ءبىلۋ ءۇشىن جاۋىرىنشى بولۋدىڭ قاجەتى جوق. بۇل - تۇسىنىكتى.
اسىلى، ءماجىلىستىڭ تارقاۋى 53 ءتىڭ قالاۋىن عانا كۇتىپ تۇرماعانى انىق. «انە، تارايدى ءماجىلىس، مىنە، تارايدى ءماجىلىس» دەگەن ءسوز كۇزدەن بەرى كۇبىر-كۇبىر اڭگىمەنىڭ وزەگىنە اينالعان ەدى. ونىڭ ۇستىنە ەۋروپالىق، حالىقارالىق ۇيىمدار تاراپىنان ءوزى ءبىر، ءوزى نۇر پارتيالى قازاقستان پارلامەنتى سىنعا ۇشىراعان بولاتىن. ءسويتىپ، اتا زاڭدا كورسەتىلگەن «دەموكراتيالىق مەملەكەت» دەگەن ۇمىتىلىپ كەتكەن ءسوز ەسىمىزگە ءتۇسىپ، «ويباي-اي، ۇيات بولعان ەكەن» دەپ قىزارعان ەدىك. سوسىن بىرنەشە پارتيالى پارلامەنت جاساقتاۋ كەرەك دەگەن توقتامعا كەلدىك تە، ءبىر-اق كۇندە «نۇر وتاننان» نۇرلانىپ، شابىتتانىپ شىققان پەرۋاشەۆ «اق جولدى» العا سۇيرەيمىن دەپ الاڭعا شىعا كەلدى دە، ەلباسىنىڭ پارتياسىنا باسەكەلەس بولا قالدى. ءبارىنىڭ كوز ىلەستىرمەس جىلدامدىقپەن تەز بولعانى سونداي نە بولىپ كەتكەنىن تۇسىنبەي قالدىق.
ەندى قازىرگى دەپۋتاتتار تاعى دا ماجىلىستەگى جىلى ۇيالارىنا كەلۋى ءۇشىن «اق جول» پەن «نۇر وتانعا» سىرت كوز ءۇشىن بولىنە سالادى، سايلاۋشى ونى شىن كورىپ قالىپ جۇرمەسىن. ءبارى - ويىن عوي. قۇددى «اق تەرەك، كوك تەرەك، بىزدەن سىزگە كىم كەرەك» دەگەن ويىن.
البەتتە، سايلاۋدىڭ بولعانىن سەزىنۋ ءۇشىن سۋ جاڭا دەپۋتاتتاردى دا كورەرمىز. الايدا، 5 ءنشى ماجىلىستە سىزدىقوۆا سىزىلىپ، تاڭىربەرگەن تاڭىرايىپ، نەحوروشەۆ نەعىپ وتىرسا، تۇك تاڭقالماڭىز. دامەلەنبەڭىز. «باياعى جارتاس - سول جارتاس» ونىڭ نەسىن ءسوز قىلامىز.
دەپۋتات مىرزالار، جول بولسىن، قايتا اينالىپ ءبىر سوعىپ كەتەتىن شىعارسىزدار.
ايتپاقشى، بۇعان دەيىنگى ماجىلىستەردى تاراتۋدىڭ باستاماشىسى بولعان تاتيانا كۆياتكوۆسكايا، نۇرباح رۇستەموۆتەردىڭ نە كۇيدە، قايدا جۇرگەنىن جان بالاسى بىلمەيدى. ەندى نۇرتاي ءسابيليانوۆ پەن ۆيكتور روگالەۆتىڭ تاعدىرلارى نە بولادى ەكەن دەسەڭىزشى...
«اباي-اقپارات»
