«اق جول» دەپۋتاتتارى كوروناۆيرۋس جۇقتىرعان دارىگەرلەرگە تولەمدەردى جالعاستىرۋدى تالاپ ەتتى. بۇگىن پارتيا توراعاسى ازات پەرۋاشەۆ ۇكىمەتكە ءتيىستى دەپۋتاتتىق ساۋال جولدادى.

قازاقستان رەسپۋبليكاسى پرەمەر-ءمينيسترى
ا.ۇ.مامينگە

قۇرمەتتى اسقار ۇزاقبايۇلى!

اعىمداعى جىلدىڭ 21 قازانىندا قر دەنساۋلىق ساقتاۋ مينيسترلىگى COVID-19 اۋرۋىنا شالدىققان مەديتسينا قىزمەتكەرلەرىنە تولەنەتىن تولەمدەردىڭ توقتاتىلاتىنى جونىندە مالىمدەدى.

ۆيتسە-مينيستر مارات شورانوۆ مالىمدەگەندەي «بۇل ساقتاندىرۋ جاعدايى ەمەس، بۇل تج مەن كارانتين كەزەڭىندە قاۋىپتى تاۋەكەل ءۇشىن بىرجولعى تولەمدەر بولاتىن. قازىر اۋرۋحانالار شامادان تىس جۇكتەلمەيدى، دارىگەرلەر اراسىندا ءولىم قاۋىپى نولگە دەيىن تومەندەدى» - دەدى.

دەنساۋلىق ساقتاۋ مينيسترلىگى دارىگەرلەر مەن مەدبيكەلەردىڭ ينفەكتسيانى جۇقتىرۋى ورىن العان جاعدايدا، ولاردى كاسىپوداقتار مەن جەرگىلىكتى اتقارۋشى ورگاندار ەسەبىنەن قولداۋ شارالارىن قاراستىرۋدى ۇسىنادى.

سونىمەن بىرگە، دەنساۋلىق ساقتاۋ مينيسترلىگىنىڭ وسى شەشىمىنەن تۋرا ەكى اپتا بۇرىن پرەزيدەنت ق.توقاەۆ كوروناۆيرۋستىق پاندەميانىڭ ەكىنشى تولقىنىنا دايىندىق جونىندەگى كەڭەستە «دارىگەرلەر - ءبىزدىڭ باستى بايلىعىمىز جانە ولار ءوز اقشالارىن سۇراماۋى ءتيىس» دەپ، ولارعا «ساندارمەن ويناماي» جانە بيۋروكراتيالىق بوگەتتەر تۋعىزباي، دەرەۋ ۇستەماقى تولەۋدى تاپسىرعان بولاتىن.

بىرنەشە كۇن بۇرىن، «نۇر وتان» فراكتسياسى دەپۋتاتتارىنىڭ كەڭەيتىلگەن وتىرىسىندا ءبىزدىڭ ارىپتەستەرىمىز دە شەنەۋنىكتەردىڭ بيۋروكراتياسى سالدارىنان مەديتسينا قىزمەتكەرلەرىنە ءتيىستى تولەماقىلاردىڭ ورىندالماۋى تۋرالى كوپتەگەن فاكتىلەردى قاتاڭ سىنعا الدى.

بىزگە دە، «اق جول» فراكتسياسىنىڭ دەپۋتاتتارىنا ءارتۇرلى وڭىرلەردەن دارىگەرلەردىڭ قيىن كەزەڭدە ءوز وتباسىلارىن بىرنەشە اي بويى كورمەي، باسقا ادامداردىڭ ءومىرى ءۇشىن

كۇرەسىپ جانە وسى كۇرەستە زارداپ شەككەن اق حالاتتاعى جانداردى كابينەتتەرگە جۇگىرتىپ، اۋرە-سارساڭعا سالۋى تۋرالى كوپتەگەن شاعىمدارى كەلىپ تۇسۋدە.

ەندى مىنە، دەنساۋلىق ساقتاۋ مينيسترلىگىنىڭ پرەزيدەنت تاپسىرمالارىنا جانە قوعامنىڭ نارازىلىعىنا بەرگەن «جاۋابى» وسىنداي. بۇكىل الەمدە پاندەميانىڭ ەكىنشى تولقىنى جايلاعان كەزدە، كەيبىر ەۋروپا ەلدەرىندە كۇنىنە 40 مىڭ ادامنان اساتىن جاعدايلار تىركەلىپ، كورشى رەسەيدە كۇن سايىن شامامەن 17-18 مىڭ ادام جۇقتىرىپ، 300-دەن استام ادام قايتىس بولادى. قازاقستاندا جاعداي ارينە جاقسى، بىراق ينفەكتسيانىڭ ءوسۋ تەندەنتسياسى دا ايقىن.

وسىعان بايلانىستى، كەرىسىنشە، كورونوۆيرۋسپەن الدىڭعى شەپتە كۇرەسىپ جاتقان دارىگەرلەرگە مەملەكەتتىڭ قامقورلىعى مەن قولداۋىن كورسەتۋ ماڭىزدى بولار ەدى. بىراق ءبىزدىڭ شەنەۋنىكتەر، كەرىسىنشە، وسىناۋ ادال جانداردىڭ تۋ سىرتىنان سوققى جاساپ، ولار وسىنداي مەملەكەتكە وزدەرىنىڭ قۇربان بولۋى، ەرلىگى مەن ناۋقاستارعا دەگەن مەيىرىمدىلىگى قاجەت پە دەپ ويلانۋدا. ىندەت جۇقتىرعان ساتتە ولاردىڭ وزدەرىنە كىم مەيىرىمدىلىك تانىتادى؟

ۆيتسە-مينيستر كۇشىن جويعان تولەمدەر ءۇشىن جاۋاپكەرشىلىكتى جەرگىلىكتى بيۋدجەتتەر مەن مەديتسينا قىزمەتكەرلەرىنىڭ كاسىپوداقتارىنا اۋدارعاندىقتان، ءبىز وسى ينستانتسيالاردىڭ مۇمكىندىكتەرىن انىقتاۋعا تىرىستىق. ەستەرىڭىزگە سالا كەتەيىك، بۇعان دەيىن جۇمىس ورنىندا ناۋقاستانعان دارىگەرلەرگە 2 ميلليون تەڭگە، قايتىس بولعان كەزدە ولاردىڭ وتباسىلارىنا 10 ميلليون تەڭگە تولەنگەن بولاتىن.

ەندى ءبىزدىڭ سۇراقتارىمىزعا جاۋاپ الىندى، بۇل جاعدايدا كاسىپوداقتار ساۋىقتىرۋ جاردەماقىسى رەتىندە 3 ايلىق جالاقىدان ارتىق تولەي المايدى. بۇكىل وتباسىن ۇزاق ۋاقىت ەمدەۋ جاعدايىندا (جۇقتىرۋ سولاي جۇرەدى), بۇل اقشا ءتىپتى ءدارى-دارمەكتەر مەن ازىق-تۇلىككە دە جەتپەۋى مۇمكىن.

ال جەرگىلىكتى بيۋدجەتتەردە شىعىستار بويىنشا مۇنداي باپتار مۇلدەم جوق، سوندىقتان تولەمدەر قاراستىرىلماعان.

«اق جول» دەپۋتاتتارىنىڭ فراكتسياسى ءبىزدىڭ دارىگەرلەرىمىزدىڭ جانقيارلىق ەرلىگىنە دەگەن وسىنداي كوزقاراسقا، سونداي-اق شەنەۋنىكتەردىڭ ءوز شەشىمدەرىنە ەركىن قاراۋىنا نارازىلىقتارىن بىلدىرەدى.ياعني، دەنساۋلىق ساقتاۋ مينيسترلىگى ءوز ءسوزىنىڭ قوجايىنى: قاجەت بولعاندا – ءسوز بەرەدى، قاجەت بولماعاندا ءسوزىن قايتىپ الادى ەكەن.

بىراق ەگەر ۆيتسە-مينيستر ايتقانداي جۇقتىرۋ قاۋپى «نولگە دەيىن ازايسا»، بيۋدجەت شىعىندارىنان قورقاتىن ەشتەڭە جوق. مۇنداي شەشىمنەن تەك مەملەكەت بەدەلىنىڭ شىعىندارى الدەقايدا قىمباتقا تۇسەدى.

ءبىز ۇكىمەتتەن وسى ماسەلەنى قايتا قاراۋدى جانە كورسەتىلگەن تولەمدەردى ساقتاۋدى سۇرايمىز.

ولاي بولماعان جاعدايدا، قاجەتتى، قيىن كەزدە ءبىزدىڭ ازاماتتاردى قۇتقاراتىن ەشكىم قالمايدى.

دارىگەرلەر مەن مەديتسينا قىزمەتكەرلەرىنىڭ جەتىسپەۋشىلىگى ماۋسىم-شىلدە ايلارى كەزىندە كۇندىز-ءتۇنى ەكى مەدبيكە توسەك اراسىندا جۇگىرىپ، ونداعان ناۋقاستارعا ەكپە مەن وتتەگى اپپاراتتارىن سالعان جاعدايلار بولدى.

ءبىز ستۋدەنتتەر مەن ەرىكتىلەردىڭ قالعان دارىگەرلەرگە كومەكتەسۋ ءۇشىن ۇرىس شەبىنە قالاي تاستاعانىمىزدى تەز ۇمىتىپ كەتتىك.

جەلتوقسان-قاڭتار ايىندا پاندەميانىڭ ءورشۋى كۇتىلگەن كەزدە شىنتاعىمىزدى تىستەپ قالمايىق.

ءوز ادامدارىمىزدىڭ ەڭبەگىن دەر كەزىندە باعالايىق.

قۇرمەتپەن،

«اق جول» قدپ فراكتسياسىنىڭ دەپۋتاتتارى

ا. پەرۋاشەۆ
م. قازبەكوۆا
ە. بارلىباەۆ
ە. نيكيتينسكايا
ك. ابساتيروۆ
ب. دۇيسەمبينوۆ
د. ەسپاەۆا

Abai.kz