وتكەن اپتادا، دالiرەك ايتساق، 24 ءساۋiر كۇنi رەسەي پرەزيدەنتi دميتري مەدۆەدەۆ مەملەكەتتiك كەڭەستiڭ كەڭەيتiلگەن ماجiلiسiندە ءسوز سويلەپ، الىپ ەلدiڭ ەكi تiزگiن، بiر شىلبىرىن ءوزi ۇستاعان ءتورت جىلدا اتقارىلعان iستەردi قورىتىندىلاي وتىرىپ، العا قويىلعان باستى ماقساتتار مەن مiندەتتەر جونiندە ويىن ورتاعا سالدى. ۇلكەن كرەمل زالىندا وتكەن سالتاناتتى جيىنعا رەسەيدiڭ بارلىق ايماقتارىنىڭ باسشىلىعى، بiرقاتار پارتيالاردىڭ بەلسەندi وكiلدەرi مەن پارلامەنت مۇشەلەرi, ۇكiمەت جانە قۇرىلۋىنا مەدۆەدەۆتiڭ ءوزi مۇرىندىق بولىپ جۇرگەن اشىق ۇكiمەتتiڭ مۇشەلەرi قاتىستى.

وتكەن اپتادا، دالiرەك ايتساق، 24 ءساۋiر كۇنi رەسەي پرەزيدەنتi دميتري مەدۆەدەۆ مەملەكەتتiك كەڭەستiڭ كەڭەيتiلگەن ماجiلiسiندە ءسوز سويلەپ، الىپ ەلدiڭ ەكi تiزگiن، بiر شىلبىرىن ءوزi ۇستاعان ءتورت جىلدا اتقارىلعان iستەردi قورىتىندىلاي وتىرىپ، العا قويىلعان باستى ماقساتتار مەن مiندەتتەر جونiندە ويىن ورتاعا سالدى. ۇلكەن كرەمل زالىندا وتكەن سالتاناتتى جيىنعا رەسەيدiڭ بارلىق ايماقتارىنىڭ باسشىلىعى، بiرقاتار پارتيالاردىڭ بەلسەندi وكiلدەرi مەن پارلامەنت مۇشەلەرi, ۇكiمەت جانە قۇرىلۋىنا مەدۆەدەۆتiڭ ءوزi مۇرىندىق بولىپ جۇرگەن اشىق ۇكiمەتتiڭ مۇشەلەرi قاتىستى.

Pبك daily گازەتىنىڭ پىكىرىنشە، بۇل بيىك مىنبەر مەدۆەدەۆ ءۇشىن جىل باسىندا ورىندارىن اۋىستىرعان تاندەمنىڭ الداعى ستراتەگيالىق جوسپارلارىنان مۇلدەم بەيحابار سايلاۋشىلار جانە رەسەيدىڭ ساياسي ەليتاسىمەن بەتپە-بەت ءتۇسىنىسۋدىڭ سوڭعى مۇمكىندىگى بولاتىن. ەجەلگى گرەكتەردىڭ نانىمى بويىنشا، قۇدايلار ماڭگى جاز بولىپ تۇراتىن وليمپ تاۋىن مەكەندەيتىنى اركىمگە بەلگىلى. وليمپكە ءبىر جەتكەن قاراپايىم پەندە وندا ماڭگىگە تۇراقتاپ قالۋعا ءتيىس. بەينەلى تىلمەن كرەملدى دە گرەك قۇدايلارى مەكەندەيتىن وليمپكە تەڭەگەنمەن، وندا ماڭگى جاز بولمايتىنى بەلگىلى. سويتكەندەي از ۋاقىت بولسا دا بيلىكتىڭ ءتاتتى ءدامىن تاتقان ادامعا كرەملمەن قوشتاسۋ وڭاي ەمەس. سوندىقتان دا ساياساتكەرلەر، كوپتەگەن ساراپشىلار مەن بىلىكتى زەرتتەۋشىلەر، اسىرەسە ءالى كۇنگە ىشكى الاۋىزدىقتاردى جەڭە الماي وتىرعان رەسەي قوعامىنىڭ سانالى وكىلدەرى ۇلكەن ءۇمىت ارتقان ءارى اسا قىزىعۋشىلىق تانىتقان وسى سالتاناتتى جيىنداعى قوشتاسۋ ءسوزى رەسەي پرەزيدەنتىنە ەشقانداي دا ۇپاي اكەلمەگەن سىڭايلى. بۇگىنگى رەسەيدە قالىپتاسقان ساياسي جاعدايدىڭ باس­تى ەرەكشەلىگى سول، ەندى بەس كۇننەن كەيىن مەدۆەدەۆ پرەمەر-ءمينيستردىڭ شەكپەنىن كيۋگە دايىندالۋدا ءارى مەملەكەتتىك دۋما ونىڭ كانديداتۋراسىن 8 مامىردا تالقىعا سالۋعا ءتيىس. ال كۇننەن كۇنگە كۇش الا باستاعان وپپوزيتسيا وعان قارسى داۋىس بەرۋى ىقتيمال. كوپشىلىكتىڭ پىكىرىنشە، بۇل جيىن ونىڭ بەدەلىن اسقاقتاتقان دا جوق، تومەندەتپەدى دە. دميتري مەدۆەدەۆ بيىك مىنبەردەن پالسافاعا بوي الدىردى، جالپىلاما سوزدەر مەن بارشاعا بەلگىلى تۇجىرىمداردىڭ تيەگىن اعىتتى، «جاۋلار» تۋرالى ويىن ورتاعا سالدى. سويتە تۇرا، بىرقاتار بىلىكتى ساراپشىلاردىڭ پايىمداۋىنشا، بۇرىنعى پرەزيدەنتتىڭ فيلوسوفيالىق تۇجىرىمدارى مەن اراگىدىك ايتىلعان اششى سوزدەرىنىڭ نەگىزگى نىساناسى ۆلاديمير پۋتين بولسا كەرەك. بولاشاق پرەزيدەنتكە قاراتا ايتىلعانعا ۇقسايدى. دميتري مەدۆەدەۆتىڭ: «بولاشاققا ءجىتى قاراۋىمىز كەرەك، ءبىزدىڭ ەشقايسىمىز دا ماڭگى قىزمەت ىستەمەيمىز»، - دەۋى دە سوندىقتان شىعار. ارينە، ماڭگىلىك تۋرالى اركىمنىڭ پىكىرى ءار الۋان. ءتىپتى ماڭگىلىكتىڭ ءوزى سالىستىرمالى ۇعىم! سوندىقتان ۇلكەن كرەمل زالىندا مىق شەگەدەي بولىپ وتىرعان ۆلاديمير پۋتين مىرزا بۇعان ونشا بىلق ەتە قويعان جوق. جۇزىندە جىلى شىراي، تولقىنىس تابى بايقالماعان. مىسالى مىزباقپادى. ويتەتىن رەتى دە بار. كوپتەگەن ساراپشىلاردىڭ ورتاق پىكىرىنشە، ۆ.پۋتين الداعى سەگىز جىلدا دا كرەملدىڭ التىن كىلتىن ءوز قالتاسىندا ساقتايتىنىنا داۋ جوق.
وسى ورايدا كۆن-ءنىڭ (كوڭىلدى تاپقىرلار كلۋبى) ءساۋىر ايىنىڭ باس كەزىندەگى كەزەكتى ويىنى ويعا ورالادى. ايتپاقشى، پرەزيدەنت سايلاۋى قارساڭىندا ۆ.پۋتين جاستاردىڭ ءداپ وسىنداي ويىندارى مەن جيىندارىنا ءجيى قاتىسىپ، كورەرمەندەردىڭ قالىڭ ورتاسىندا ۇنەمى كۇلىمسىرەپ وتىرۋشى ەدى، ال سوڭعى ۋاقىتتا، ياكي كرەمل قاقپاسى وزىنە تاعى دا ايقارا اشىلعان سوڭ كورىنبەيتىن بولدى. ءسىرا، تۇيەلى كەرۋەنى تار كوپىردەن وتكەن سوڭ «كوڭىلدىلەردىڭ» دە، كوڭىلدى ەمەستەردىڭ دە ونشا كەرەگى بولماي قالعان سياقتى. «ءىس ءبىتتى، قۋ كەتتى» دەگەن وسى شىعار، ءسىرا؟!
ءجا، اڭگىمەمىزگە قايتا ورالايىق. سونىمەن الگى كۆن-دە كوماندا مۇشەلەرىنىڭ ءبىرى: «رەسەيدە ماڭگىلىك ماشينا ويلاپ تابىلدى!» دەپ سالتاناتتى تۇردە جار سالدى. «قالايشا؟!» «اق-قارا ءتۇستى كينو بىزگە قايتا ورالدى، ەسكى جاڭا پرەزيدەنت قايتادان تاققا وتىردى! ءبارى دە باياعىداي». ءيا، الىپ رەسەيدە بۇدان بىلاي دا ءبارى باياعىشا قالا بەرمەك. مۇنى دميتري مەدۆەدەۆتىڭ ءوزى دە مويىندادى. ءوز ءسوزىن بوستاندىق تۋرالى وي-تولعامدارىمەن باستاعان رەسەي پرەزيدەنتى دە الىپ ەلدە ايتارلىقتاي وزگەرىستەردىڭ بولاتىنىنا سەنبەيتىن سياقتى.
وسىدان ءتورت جىل بۇرىن پرەزيدەنت سايلاۋى قارساڭىندا «تاۋمەندىلىكتەن بوستاندىق ارتىق» دەپ تۇجىرىمداعان ويىن سوڭعى كەزدەرى ءجيى ەسكە سالىپ جۇرگەن رەسەي باسشىسى: «تۇلدىر كەدەيلىك، ەكونوميكالىق ارتتا قالۋ، ءومىر ءسۇرۋدىڭ قىسقالىعى مەن سىبايلاس جەمقورلىق - ءبىزدىڭ بوستاندىعىمىزدىڭ باستى جاۋلارى»، - دەپ وي تۇيىندەدى. ولاي بولسا، رەسەي وسىعان دەيىنگى سانداعان عاسىرلار بويى ارىلا الماعان بارشا قاسىرەت پەن جاماندىقتاردان ءالى كۇنگە تولىق ارىلا الماي وتىر. سويتە تۇرا رف پرەزيدەنتى قازىرگى داعدارىس جىلدارىندا «حالىقتىڭ جاپپاي كەدەيلەنۋىنە جول بەرمەگەن» ەل ۇكىمەتىنىڭ اتىنا جىلى لەبىز ءبىلدىرۋدى ۇمىتقان جوق. البەتتە، كوپتەگەن ساراپشىلار بۇل تۇجىرىمعا قيسىندى كۇمان كەلتىرۋدە. ويتكەنى ەكونوميكاسى ارتتا قالعان، وندىرگىش كۇشتەرى مەشەۋ دامىعان جانە جاڭا، زاماناۋي تەحنولوگيالار ءوندىرىس پەن كۇندەلىكتى تۇرمىسقا دەندەپ ەنبەگەن، ونىڭ ۇستىنە تابيعي شيكىزاتتاردىڭ باي قورىنىڭ ارقاسىندا كۇن كەشەتىن كەنجەلەپ دامۋشى ەلدەرگە ەشقانداي الەمدىك داعدارىستىڭ سالقىنى ونشا اسەر ەتە قويمايتىنى ەكونوميكالىق زاڭدىلىق. ماسەلەن حح عاسىردىڭ 20-30 جىلدارىندا باتىس ەلدەرىن اياماي بۋىندىرعان ۇلى داعدارىستىڭ بولعانىن الەمنىڭ وزگە تۇكپىرلەرىندەگى تالاي ەلدەر بىلمەي دە قالعان-دى. قازىر دە افريكانىڭ الىس قيانداعى تۇكپىرلەرىندە الەمدە اسا اۋىر داعدارىستىڭ سوڭعى بەس-التى جىل بويى ءجۇرىپ جاتقانىنان مۇلدەم بەيحابارلار جەتىپ ارتىلادى. پوستكەڭەستىك ەلدەردىڭ دە بارلىعى دەرلىك جاھاندىق داعدارىستىڭ اۋىر دەمىن، ناعىز سالقىنىن باستان كەشە قويعان جوق دەۋگە بولادى. ويتكەنى ادەتتە ەكونوميكالىق داعدارىس كەزەڭدەرىندە بايلار عانا جيعان-تەرگەن بايلىعىنان ايرىلادى، ال كەدەيلەر بۇرىنعى كەدەي قالپىندا قالا بەرەدى. سوندىقتان مەشەۋ ەلدەردىڭ داعدارىسقا بوي بەرمەدىك، جەڭدىك دەپ ماقتانۋى كۇلكى شاقىراتىن قيسىنسىزدىق. ەسەسىنە، وسىدان ءتورت جىل بۇرىن پرەزيدەنت تاعىنا وتىرارداعى دميتري مەدۆەدەۆتىڭ: «ازاماتتىق جانە ەكونوميكالىق بوستاندىقتى دامىتۋ ءوزىمنىڭ اسا ماڭىزدى مىندەتىم دەپ سانايمىن ءارى اربىرەۋگە نەعۇرلىم كوبىرەك بوستاندىق بەرۋ - بۇل مەنىڭ ەڭ باستى ماقساتىم بولىپ قالا بەرەدى»، - دەگەن سوزىنە يلانبايتىندار قاتارى بۇگىندە قارا-قۇرىم. بوستاندىق تۋرالى قايتا-قايتا ايتقان جان سول بوستاندىقتى قوعام ومىرىندە تەرەڭدەپ ءسىڭىرۋ جولىندا تاباندى، قايتپاس كۇرەسكەر دە بولا ءبىلۋى كەرەك. ال ءوزىنىڭ مويىنداۋىنشا، رەسەيدە گۋبەرناتورلار سايلاۋدى توقتاتۋ جونىندەگى يدەيانىڭ اۆتورى مەدۆەدەۆتىڭ ناق ءوزى ەكەن. ونىڭ ۇستىنە وتكەن جىلدىڭ 24 قىركۇيەگىندە رەسەي پرەزيدەنتى ءوزىنىڭ شىنايى جاقتاستارىنىڭ سەنىمى مەن ءۇمىتىن اقتاماي، پرەزيدەنتتىككە باستى ۇمىتكەر رەتىندە ۆلاديمير پۋتينگە ءوز ەركىمەن جول بەرۋى ونىڭ بوستاندىق يدەالدارىنا ادالدىعىنا ەلەۋلى كولەڭكە ءتۇسىردى. بۇل - ەشكىمگە تۇسىنىكسىز كومپروميسستىڭ سوراقى كورىنىسى بولاتىن. ارينە، ۇزاق جىلداردان بەرى ۆلاديمير پۋتين اۆتوريتارلىق بيلىك ءتۇرىنىڭ بىرەگەي وكىلى بولىپ سانالىپ كەلسە، مەدۆەدەۆ وعان قاراما-قارسى ليبەرالدىق باعىتتىڭ قولداۋشىسى ءارى دەم بەرۋشىسى رەتىندە قاراستىرىلاتىن. بيلىكتى ۋىستان شىعارماۋ جولىندا ورتاق كەلىسىم، مامىلەگە كەلۋ، قانداي قيىن بولعانمەن قيتۇرقى جولدارمەن بولسا دا كومپراميسسكە قول جەتكىزۋگە دەگەن ۇمتىلىس كرەمل بيلىگىنىڭ ەڭ قاتەرلى كەمشىلىگىنە اينالعان سياقتى. سوندىقتان دا رەسەي قوعامى ءالى كۇنگە «مەدۆەدەۆ كىم؟» دەگەن ساۋالعا بىرجاقتى جاۋاپ تابا الار ەمەس. الەم دە ءارى-ءسارى. ويتكەنى دميتري مەدۆەدەۆ كرەمل تاعىنا مىنگەن 2008 جىلى بەيبىت گرۋزيامەن ارادا سوعىس ءورتى لاپ ەتىپ تۇتانىپ، «بەيبىتشىلىككە كۇشتەپ كوندىرۋ» وپەراتسياسىنىڭ ناتيجەسىندە تاۋەلسىز تاۋ ەلىنىڭ ەگەمەندىگى مەن تەرريتوريالىق تۇتاستىعىنا قول سۇعىلدى. رەسەيدە، اسىرەسە ماسكەۋدە گرۋزين حالقىنىڭ وكىلدەرىنە قارسى جۇگەنسىز ساياسي، الەۋمەتتىك قىسىم جاسالدى. ءوز وتانىنىڭ باسىنا قيىن-قىستاۋ كۇن تۋعاندا ازاتتىق سۇيگىش گرۋزين حالقىنىڭ ۇلتجاندى ازاماتتارى - ۆاحتانگ كيكابيدزە مەن ءانشى ۆالەري مەلادزە رەسەيدىڭ رەسمي ماراپاتتارى - بيىك دارەجەلى وردەندەرىنەن باس تارتىپ، ولمەس داڭققا بولەندى. باسقىنشىلاردىڭ التىن جالاتقان سىلدىرماقتارىنان ءوز وتانىنىڭ بوستاندىعىن بيىك ساناعانى ءتانتى ەتكەن، بارشا پوستكەڭەستىك ەلدەردىڭ ادامدارىنا ۇلگى بولسا عوي دەگىزگەن. ءاي، قايدام؟! كرەمل سول سوعىستا ايقىن جەڭىسكە جەتكەن سياقتى كورىنگەن. بىراق بۇل ۋاقىتشا ماسقارا جەڭىستىڭ تاساسىندا ۆ.ۆ. پۋتين تۇرعانى ايدان انىق ەدى. وسىدان كەيىن ۆ.پۋتين «ورىس جەرلەرىن قايتا جيناۋشى» دەگەن كۇماندى اتاققا يە بولدى. ەسەسىنە دميتري مەدۆەدەۆ مىرزا ءالى كۇنگە اۋىر «گرۋزين سيندرومىنان» ارىلا الماي جۇرگەن سياقتى.
26 ءساۋىر كۇنى رەسەي بۇقارالىق اقپارات قۇرالدارىنا بەرگەن سۇحباتىندا رەسەي پرەزيدەنتى بولاشاقتا ميحايل­ سااكاشۆيلي بيلىكتەن كەتكەن سوڭ، ماسكەۋ گرۋزيامەن قارىم-قاتىناستى جاڭاشا قالىپتاستىرۋعا دايىن ەكەنىن مالىمدەدى. ەڭ سوراقىسى سول، مەدۆەدەۆ گرۋزين پرەزيدەنتىن «بوس ورىن جانە ءنول» دەپ اتاعان ەدى. ءوزىن مادەنيەتتى، زيالى جان دەپ سانايتىن، وزىق ويلى عالىم دەپ ەسەپتەيتىن د.مەدۆەدەۆتىڭ تاۋەلسىز ەلدىڭ باسشىسى تۋرالى وسىلاي بەيپىل اۋىزدانعانى رەسەيدىڭ بولاشاق پرەمەر-ءمينيسترىنىڭ دە ورەسى قاي دەڭگەيدە ەكەنىن كورسەتسە كەرەك. ورىس پاتشالارىنىڭ مەنمەندىگى، توڭمويىندىعى، ورىنسىز اسقاقتىعى مەن تايازدىعى ليبەرال دميتري مەدۆەدەۆكە دە جۇققان سەكىلدى. حالىقارالىق قارىم-قاتىناستاعى داۋ تۋدىرعان ماسەلەلەردى شەشۋ جولىندا بازارداعى ۇرىس-كەرىس دەڭگەيىنە دەيىن تومەندەيتىن كرەمل باسشىلارىنىڭ باياعى ادەتىنەن ول دا ارىلا الماعانداي. ءسىرا، «سىنىقتان باسقانىڭ ءبارى جۇعادى» دەگەن ءداپ وسى بولسا كەرەك. ىلە-شالا گرۋزيا سىرتقى ىستەر ءمينيسترىنىڭ ءبىرىنشى ورىنباسارى نيكولوز ۆاشاكيدزە: «بۇل ادام (رەسەي پرەزيدەنتى - ج.ش.) بىرنەشە جىلدان بەرى بەيپىل اۋىزدىقتى حالىقارالىق لەكسيكا مەن ريتوريكانىڭ دەڭگەيىنە ءسىڭىرىپ كەلەدى. بۇل جايت حالىقارالىق جاعدايعا كەرى اسەرىن تيگىزەدى دەپ ويلايمىن»، - دەپ مالىمدەدى. حوش، «نە ەكسەڭ، سونى وراسىڭ» دەگەن عوي. الايدا وسى سالتاناتتى جيىندا مەدۆەدەۆ ەكونوميكا سالاسىنا مەملەكەتتىڭ ارالاسۋىن ازايتۋعا شاقىردى. باسەكەلەستىك جارىستا اكىمشىلىك رەسۋرستاردى پايدالانۋدى توقتاتىپ، قۇقىق قورعاۋ ورگاندارى بيزنەستىڭ بارلىق تۇرىنە بىردەي قاراۋى كەرەك ەكەنىن مالىمدەدى. سونداي-اق، مەملەكەت باسشىسى ەكونوميكالىق قىلمىستارعا قاتىستى جازانى جەڭىلدەتۋدى ۇسىنۋدا.
«تەرگەۋ كەزىندە تۇتقىنعا الۋ شارالارىن ازايتىپ، بوستاندىقتان ايىرۋدى بالامالى جازا تۇرىنە اۋىستىرۋ تاجىريبەسىن كەڭەيتۋدى قولدايمىن»، - دەدى. ءسوز ساداعىنىڭ قايدا اتىلعانى، ءسوز - جەبەنىڭ قاي نىسانانى كوزدەگەنى ايتپاسا دا تۇسىنىكتى. كەزىندە پۋتينگە جاقپاي قالعان، ورتاق ءتىل تابىسا الماعان ءبىراز وليگارحتاردىڭ اياۋسىز قۋدالاۋعا تۇسكەنى بەلگىلى. ۇزاق جىلداردان بەرى ورىس تۇرمەسىنىڭ قاتقان قارا نانىن جەپ كەلە جاتقان ميحايل حودوركوۆسكيدىڭ تاعدىرى تالاي جىلدان بەرى رەسمي ماسكەۋدىڭ باس اۋرۋى بولىپ وتىر. باتىس ەلدەرى ارقاشان «حودوركوۆسكي كارتاسىن» ويناۋدان جالىعار ەمەس جانە رەسەيگە ءتيىمدى سانداعان كەلىسىمدەر وسى جايتقا بايلانىستى جۇزەگە اسپاي قالعانى راس. بايدى باي قورعايدى! باتىس ەلدەرىنىڭ شىلقىعان بايلارى حودوركوۆسكي تاعدىرىنا الاڭداۋشىلىق ءبىلدىرۋى تەگىن ەمەس. ولاردىڭ باستى تالابى - رەسەيدە بيزنەسكە مەملەكەت ىقپالىن ازايتۋ. نارىقتى ەكونوميكانىڭ زاڭدىلىقتارىنا ەشكىمنىڭ ورىنسىز قول سۇقپاۋى. سوندىقتان دا الداعى تاياۋ ايلاردا رەسەيدە اسا ءىرى مەملەكەتتىك كومپانيالاردىڭ ۇكىمەت قاراماعىندا قالۋىنىڭ تيىمدىلىگى جونىندە قوعامدىق تالقىلاۋ باستالماقشى. ءبىر سوزبەن ايتقاندا، ۇكىمەت ءوز اكتيۆتەرىن تاعى دا ءبىر رەت ەلەكتەن وتكىزىپ، ءتيىمسىز دەپ تابىلعان كومپانيالاردى جەكەشەلەندىرۋگە كەڭ جول اشپاق. بۇل تۇرعىدان كەلگەندە، دميتري مەدۆەدەۆ سىبايلاس جەمقورلىقپەن كۇرەستە ءبىر ادىم دا شەگىنبەۋگە ءسوز بەردى. «وسىناۋ اۋقىمدى تۇيتكىلدى شەشۋ ءۇشىن ۋاقىت، كۇش جانە اسا زور ەرىك-جىگەر كەرەك; بۇل جەردە ۇگىت جانە پيارمەن ەشتەڭە شەشە المايتىنىمىزدى تۇسىنگەنمىن جانە تۇسىنەمىن» دەگەن رەسەي پرەزيدەنتى بۇل تۇرعىدان مەملەكەتكە «جاقسى دايىندالعان جاۋلار» قارسى تۇرعانىن اتاپ ءوتتى. سونداي-اق ول جۇيەلى سىبايلاس جەمقورلىققا قارسى «ەكونوميكانى جاڭعىرتۋ، اشىقتىق پەن بيلىكتىڭ جاۋاپكەرشىلىگى» كومەكتەسەتىنىن قاداپ ايتقان.
دميتري مەدۆەدەۆ سوڭعى ءتورت جىلدا تۋعان ۇيىندەي بولىپ كەتكەن كرەملمەن قوشتاسۋ ۇستىندە. ول قانداي بيلەۋشى بولدى؟ وعان بىرجاقتى قورىتىندى شىعارۋ بولاشاق تاريحتىڭ ەنشىسىندە. بىراق كەيبىر زەرتتەۋشىلەردىڭ ايتۋىنشا، ليبەرال دميتري مەدۆەدەۆ جاڭا رەسەيدىڭ تاريحىنداعى ەڭ ءالسىز پرەزيدەنت بولعانعا ۇقسايدى. ونىڭ بيلىگى تۇسىندا رەسەيدە تابيعي، تەحنوگەندىك اپاتتار ءجيى ورىن الىپ، ماسكەۋ ماڭىنداعى ورماندار وت-جالىنعا ورانعان. رەسەيدىڭ باسقا ايماقتارىنداعى ورماندار دا اياۋسىز ءورتتىڭ قۇربانىنا اينالعان. رەسەي ۇشاقتارى ءجيى اپاتتارعا ۇشىراپ، تالاي ادام كوز جۇمدى. ءياروسلاۆلدىڭ اتاقتى حوككەي كومانداسىنىڭ اپاتقا ۇشىراۋى دا رەسەيدى قالىڭ قايعىعا باتىرعان. ۆولگا بويىندا بالالار مىنگەن تەپلوحودتىڭ سۋعا باتۋى دا مەدۆەدەۆكە جاقسى ات اپەرە قويعان جوق.
قالاي دەسەك تە، دميتري مەدۆەدەۆ ەندى پرەزيدەنت تاعىمەن شىنداپ قوشتاستى. ونىڭ بولاشاق تاعدىرى ءوز قولىندا. ال كارى كرەمل تاياۋ كۇندەردە ءوز تابالدىرىعىنان اتتاپ كىرەتىن ەسكى دە جاڭا پرەزيدەنتتى تاعاتسىزدانا كۇتۋدە. ول پرەزيدەنت - ۆلاديمير پۋتين!

جاڭابەك شاعاتاي

«تۇركىستان» گازەتى