ماڭعىستاۋدا 2-3 ايدىڭ ىشىندە قوس اپات ورىن الدى. اۋەلى 2 مامىردا «ماڭعىستاۋ اتوم ەنەرگەتيكالىق كومبيناتىندا» (ماەك) اپات بولىپ، ەكى ەنەرگوبلوك جۇمىسىن توقتاتىپ، قالا تۇرعىندارى الەۋمەتتىك جەلىدە «قازازوت» كاسىپورنى اۋدانىن سارى تۇمان باسىپ كەتكەنىن جازعان ەدى.

اتوم ەنەرەگەتيكا كومپانياسىندا بولعان اپاتتان «قازازوت» زاۋىتىنىڭ جۇمىسى توقتاپ، كاسىپورىندا ءوندىرىستىڭ تەحنولوگيالىق رەجيمى ىستەن شىققان بولاتىن.

3 شىلدە كۇنى اتىراۋداعى مۇناي وڭدەۋ زاۋىتىندا اپات ورىن الىپ، سونىڭ سالدارىنان قالانىڭ ءبىر بولىگى جارىقسىز قالدى. بۇل تۋرالى قازاقستاننىڭ مۇناي جانە گاز كەڭەسى حابارلاما جاساعان-تىن. ءوز كەزەگىندە ەنەرگەتيكا مينيسترلىگى اپاتقا قۇرال-جابدىقتاردىڭ ابدەن توزۋى، كاسىپورىن دۇرىس قارجىلاندىرىلمايتىنى سەبەپ بولعانىن مويىندادى.

14 شىلدە كۇنى ماڭعىستاۋ اتوم ەنەرگەتيكالىق كومبيناتى (ماەك) مەن اتىراۋ مۇناي وڭدەۋ زاۋىتىندا ء(اموز) بولعان اپاتقا بايلانىستى قازاقستان پرەزيدەنتى قاسىم-جومارت توقاەۆ «قازمۇنايگاز» باسشىسى مەن ەنەرگەتيكا ۆيتسە-مينيسترىنە سوگىس جاريالادى.

اتاپ ايتساق، مەملەكەت باسشىسى  ەنەرگەتيكا ۆيتسە-ءمينيسترى جاندوس نۇرماعانبەتوۆكە «باتىس ەنەرگيا تورابىنىڭ قاۋىپسىزدىگىنە ءتيىستى دەڭگەيدە باقىلاۋ جاساماعانى ءۇشىن جانە «قازمۇنايگاز» باسشىسى ماعزۇم مىرزاعاليەۆكە «مۇناي وڭدەۋ زاۋىتىنىڭ قاۋىپسىزدىگى مەن تۇراقتى جۇمىسىن ۋاقتىلى قامتاماسىز ەتە الماعانى» ءۇشىن، سوگىس بەرىپ وتىر.

Abai.kz