بىرنەشە كۇنگە سوزىلعان سوت وتىرىسىنا ءزۋرابيشۆيليدىڭ ءوزى قاتىسپادى. ول فرانتسيا جانە گەرمانيا پرەزيدەنتتەرىمەن كەزدەسۋدى زاڭدى بۇزۋ دەپ ەسەپتەمەيتىنىن جەتكىزگەن. گرۋزيا پرەزيدەنتى تبيليسيگە ەۋرووداققا مۇشەلىككە ۇمىتكەر مارتەبەسىن بەرۋ بويىنشا كەزدەسۋلەر جۇرگىزگەنىن مالىمدەدى.
ەل كونستيتۋتسياسى مەملەكەت باسشىسىنا ۇكىمەتتىڭ رۇقساتىنسىز سىرتقى ساياساتقا ارالاسۋعا تىيىم سالادى. زۋرابيشۆيلي وكىلدەرى شەتەل ليدەرلەرىمەن كەزدەسۋلەر، تەلەفون ارقىلى سويلەسۋلەر، حاتتار سىرتقى ساياساتتى وزگەرتۋگە الىپ كەلمەسە، جول بەرىلەدى دەگەن ارگۋمەنتتەرىن جەتكىزدى.
كونستيتۋتسيالىق سوت شەشىمىنەن كەيىن پرەزيدەنتكە يمپيچمەنت جاريالاۋ بويىنشا زاڭ پارلامەنتتە داۋىسقا قويىلادى. پرەزيدەنتتى قىزمەتىنەن كەتىرۋ ءۇشىن 100 دەپۋتاتتىڭ قولداۋى كەرەك. بۇل ماسەلە ەكى اپتانىڭ ىشىندە داۋىسقا سالىنباقشى.
وپپوزيتسيالىق پارتيالاردىڭ ىشىندە ميحايل سااكاشۆيليدىڭ "بىرىككەن ۇلتتىق قوزعالىسى" يمپيچمەنتكە قارسى داۋىس بەرەتىنىن مالىمدەدى.
Abai.kz
