جاڭا قازاقستاندا اۋىل تىرشىلىگىن جاڭا قىرىنان جانداندىرۋ قاجەت نەمەسە     
     كولدەگى بالىققا ۇڭىلگەننەن نە كۇي بولادى دەيسىڭ؟!

قىزىلوردا وبلىسى، ارال اۋدانىنىڭ اكىمى

امانجول ساقىپۇلى نازارىنا!

قىزىلوردا وبلىسىنىڭ اۋىلدارىنىڭ ىشىندە ەڭ الدىمەن ناعي ءىلياسوۆ اۋىلىنىڭ ماقتانىشپەن اۋىزعا الىناتىنى بار. بۇل اۋىلدىڭ دا سوناۋ ءبىر كەزدەرى كەتەۋى كەتىڭكىرەپ تۇرعان كەزىندە وسى اۋىلدىڭ تۋماسى، قوعامىمىزعا بەلگىلى ازامات ءارى كاسىپكەر، كەزىندە پارلامەنتتە دەپۋتات بولعان ابزال ەراليەۆ ءوزى باس بولىپ، اۋىلىن جانداندىرۋعا اتسالىسقان. قازىر ناعي ءىلياسوۆ اۋىلىن رەسپۋبليكالىق دەڭگەيدە وزگەلەرگە ۇلگى رەتىندە كورسەتىپ ءجۇرمىز. سوندىقتان قارەتەرەڭ اۋىلىن دا وزگە قىرىنان تۇلەتۋگە بولاتىندىعى كۇمان تۋدىرمايتىن اقيقات ەكەنى ءمالىم.

ماعان كەلىپ جەتكەن مالىمەت بويىنشا، جۇمىسسىزدىقتان كۇن كورىس ءۇشىن بالىق اۋلايتىن جەرلەستەرىمنىڭ سوڭعى كەزدەرى جاعدايى اسا ءماز ەمەس سەكىلدى. سەبەبى سول سۋداعى بالىق تاپشى جانە ەكىنشىدەن بالىق اۋلاۋعا قاتىستى تالاپتار تىم قاتال. ونىڭ وزىندە بەلگىلى مەرزىمدە عانا بەلگىلى مولشەردەگى بالىقتى اۋلاۋعا بولاتىن كورىنەدى. جانە ءبارىنىڭ بىردەي بالىق اۋلاۋعا ەبى بار دەۋگە دە كەلمەس. ەبى بارىنىڭ وزىنە سۋدا بالىق ءاردايىم بولا بەرمەيدى. «جىعىلعانعا جۇدىرىق الا جۇگىرۋ سىقپىتى سەكىلدى» ءبىر وتباسىنداعى ەكى بىردەي جۇمىسسىز وتىرعۆن ەرلى-زايىپتىلار مۇڭىن كىم تىڭدايدى سوندا؟!

اۋىلدا ءونىم وندىرەتىن ءوندىرىس اتاۋلىنىڭ جوقتىڭ قاسى. ءتىپتى جوق دەسەك تە بولادى. وسىنداعى مەكتەپ پەن دارىگەرلىك امبۋلاتوريا جانە مەن بىلەتىن شەكتەۋلى شتاتى بار «ارال-سارىبۇلاق» ورىنى، سونداي-اق «بارساكەلمەس قورىعى» اۋىلداستاردىڭ ءبارىن جۇمىسپەن قامتي المايتىنى ايدان دا اقيقات نارسە.

سوندىقتان كولدەگى بالىققا ءۇڭىلىپ قاراعاننىڭ ءجايى نە سەبەپتى بولمايتىنىن جوعارىدا اتاپ وتتىك. ەندەشە، ۋاقىت وزدىرماي، ءبىزدىڭ اۋىلدان دا اۋىلشارۋاشىلىعى ونىمدەرىن وندىرەتىن (ماكارون ءوندىرىسىن نەمەسە باسقاسىن) ءوندىرىستى اشۋدى جەدەلدەتىپ قولعا الۋ قاجەت. سەبەبى، عاجايىپتان كولگە التىن بالىق توپ ەتپەيتىنى، جالپى بالىق اتاۋلىنىڭ ەشكىمنىڭ دە تىلەگىن ورىندامايتىنى ءمالىم..

سوناۋ ءبىر جىلدارى اۋىلىمىزدا اياعى اۋىر كەلىنشەكتەردىڭ بوساناتىن ورىنى بولىپ ەدى. ەندى ءبىرازدان بەرى ءسابيلى بولعىسى كەلەتىندەر اۋدان ورتالىعىنا بارىپ، الەك بولىپ ءجۇر. ال كەزىندە اۋىلىمىزداعى قالماش اپانىڭ ءوزى انالاردى امان-ەسەن بوساندىرىپ الىپ ەدى.  قازىرگى كەزدە اپامىز زەينەتكەر. وسى رەتتە ايتپاعىم، سوناۋ كەزدەرى اۋىلىمىزدا بولعان اۋرۋحانانى جاڭا قازاقستاندا قايتا ورنىنا كەلتىرۋگە بولاتىندىعى ابدەن تۇسىنىكتى ءجايت. بۇل رەتتە اۋىلداستاردىڭ ايتۋى بويىنشا، بۇرىنعى اۋرۋحانا ەسكىرگەن جانە ول پوچتاعا اينالىپ كەتكەن كورىنەدى.

جاڭا جەدەل جاردەم كولىگىنىڭ ءوزىڭ اۋىلىمىزعا اۋپىرىمدەپ ارەڭ دەگەندە العىزدىق.  قوزعاي، قوزعاي ابدەن جاۋىر بولعان جول ازابىنا بايلانىستى بىرنەشە مارتە ماسەلە كوتەرىلگەننەن كەيىن عانا سەڭ قوزعالىپ، ءىس باستالدى. وسى جولدىڭ «جاڭاقۇرىلىس-قاراتەرەڭ» ارالىعىنا قاتىستى بولىگىن ەندى ءوز مەرزىمىندە بىتىرسە قۇبا-قۇپ بولار ەدى...

ءامىرحان الماعانبەتوۆ،

جۋرناليست

Abai.kz