ورتالىق سايلاۋ كوميسسياسى اجس قۇرىلىسى جونىندە رەفەرەندۋم وتكىزۋگە 15,5 ملرد تەڭگە جۇمساۋدى جوسپارلاپ وتىر. بۇل تۋرالى قر وسك مۇشەلەرى بۇگىنگى ءباسپاسوز جيىنىندا مالىمدەدى. 

وسك حابارلاعانداي، رەفەرەندۋم ناۋقانى 25 كۇنگە سوزىلادى. ساناۋ مەملەكەت باسشىسى جارلىققا قول قويعان كەشەگى كۇننەن باستالادى.

5 قازان ۇگىت-ناسيحاتقا تىيىم سالىناتىن، تىنىشتىق كۇنى دەپ بەلگىلەندى.

6 قازاندا رەفەرەندۋم، داۋىس بەرۋ تاڭعى ساعات 7:00-دە باستالىپ، كەشكى 20:00-گە دەيىن سوزىلادى.

قازاقستان ازاماتتارى ۇزىن-سانى 10 327 سايلاۋ ۋچاسكەسىندە داۋىس بەرە الادى. ونىڭ ىشىندە 68 ەلدە 78 سايلاۋ ۋچاسكەسى جۇمىس ىستەيدى.

بۇدان كەيىن وسك 7 تاۋلىك شىندە رەفەرەندۋم ناتيجەسىن قورىتىندىلاپ، باق-تا جاريالايدى.

Abai.kz