ءبىز تاياۋ شىعىستاعى تاسىر-تۇسىرگە الاڭداپ وتىرعاندا، ۋكراينا مايدانىندا دا قىز-قىز قايناعان شايقاستار ءجۇرىپ جاتىر. سول جاققا قاراي ءبىر شولۋ:

دونەتسكى وبلىسى: ۋگلەدار

ناعىز قانقاساپ شايقاس ءدال قازىر دونەتسكى وبلىسىنىڭ ۋگلەدار دەيتىن شاعىن قالاشىعىندا ءجۇرىپ جاتىر. بۇل قالا قازىر ءۇش باعىتتان جاۋ قورشاۋىندا قالدى. سوعىسقا دەيىن 14 مىڭ ادام ءومىر سۇرگەن قالادا قازىر ادام سانى جۇزگە دە جەتپەيدى.

ۋگلەداردى رەسەي 2,5 جىل بويى شابۋىلداۋمەن كەلەدى. بىلتىر رەسەيدىڭ تىنىق مۇحيت فلوتىنا قارايتىن 155-ءشى بريگاداسى ۋگلەدارعا شابۋىلداپ، جەكە قۇرام مەن تەحنيكانىڭ 80 پايىزى تالقاندالعان. سويتكەن، ۋگلەدار رەسەي باقىلاۋىنا ءوتتى. قالانىڭ سولتۇستىك بولىگىندە 300-گە تاياۋ ۋكراينا ساربازى قالۋى مۇمكىن.

دونەتسكى وبلىسىنداعى ۇرىس نۇكتەلەرى: كراسنىي ليمان باعىتىنداعى نەۆسكي مەن ماكەەۆكىدە دە قياقكەسكى شايقاس جالعاسىپ جاتىر.

حاركوۆ وبلىسى: ۆولچانسكى

حاركوۆ وبلىسىندا «ۆولچانسكى اگرەگات زاۋىتى» بار. ءبىر اپتا بۇرىن ۋكراينا زاۋىت اۋماعىن جاۋدان تازارتىپ، تولىق باقىلاۋدى ءوز قولىنا العان. رەسەي اسكەرى وسى زاۋىتقا دا شابۋىل جاساۋدا. بىراق، سونداي ءبىر قۋاتتى شابۋىل ەمەس. بروندى تەحنيكامەن قارۋلانعان رەسەيدىڭ اسكەري توپتارى زاۋىتقا شابۋىلداپ، ۇلكەن شىعىنعا ۇشىرادى. ءتىپتى، رەسەيدىڭ اسكەري كوررەسپوندەنتتەرى دە بۇنى سىناپ جاتىر.

حاركوۆ وبلىسىندا قىزۋ شايقاس ءجۇرىپ جاتقان تاعى ءبىر نۇكتە بار. ول – ۆيشەۆوە اۋىلى. بۇل جاقتا دا رەسەي اسكەرى تويتارىس تاپقان.

كۋرسكى شايقاستارى

بۇل باعىتتا قازىر ايتارلىقتاي وزگەرىس بايقالمايدى. ۋكراينا ءوز پوزيتسيالارىن ۇستاپ وتىر. كەرىسىنشە، ۋكراينا بۇل باعىتتا جاڭا بريگادالار جاساقتاپ، جاۋ پوزيتسيالارىنا دۇركىن-دۇركىن سوققىلار ۇيىمداستىرۋدا. جانە جاڭا ەلدىمەكەندەرگە قاراي جىلجۋعا ارەكەت ەتۋدە. كۋرسكىدەگى نەگىزگى شايقاستار گلۋشكوۆسكى جانە سۋدجا اۋداندارىنىڭ تەرريتوريالارىندا جالعاسۋدا.

گلۋشكوۆسكى اۋدانىندا نوۆىي پۋت اۋىلى ءۇشىن كەسكىلەسكەن ۇرىس ءجۇرىپ جاتىر. ناتيجەسى – يتجىعىس.

سۋدجا اۋدانىندا رەسەي پلەحوۆو اۋىلىن قايتارىپ الۋعا تىرىسۋدا. بىراق بۇل تىرىسۋلارى ءساتسىز اياقتالىپ جاتىر.

كورەنەۆو باعىتىندا نەگىزگى ۇرىستار ورمان ىشىندە جالعاسۋدا. ۋكراينا بۇرىننان ورماندا شايقاسۋدىڭ شەبەرلەرى عوي. كەي جەرلەردە جاۋدى الداپ، ورمانعا كىرگىزىپ الىپ، توبەلەرىنەن تەرميت توگىپ، تىرىدەي وت قۇرساۋىندا قالدىرىپ جاتقانىن وسىعان دەيىن جازعانبىز.

بەلگورود وبلىسى

ايتپاقشى، رەسەيدىڭ بەلگورود وبلىسىندا ۋكراينادان سوققى جەپ جاتقان شەبەكينو دەگەن جەر بار. كەشەلى-بۇگىن ۋكراينا شەبەكينونى اياپ جاتقان جوق. بۇگىن وسى شەبەكينونىڭ نوۆايا تاۆولجاسى سوققى جەدى. ال بەلگورود وبلىسىنىڭ شەكارالىق كراسنويارۋجسكى اۋدانىنداعى ۆيازوۆوە اۋىلى دا تاياق جەدى بۇگىن.

نۇرگەلدى ابدىعانيدىڭ جەلىدەگى جازباسى

Abai.kz