ءال-فارابي اتىنداعى قازاق ۇلتتىق ۋنيۆەرسيتەتى – قازاقستاننىڭ جوعارى ءبىلىم بەرۋ جۇيەسىنىڭ كوشباسشىسى، سونداي-اق جاھاندىق ءبىلىم كەڭىستىگىندە مويىندالعان بەدەلدى وقۋ ورنى. ۋنيۆەرسيتەتتىڭ تاريحى 1934 جىلى باستالدى، ال بۇگىندە ول ورتالىق ازيانىڭ ەڭ ءىرى عىلىمي جانە ءبىلىم بەرۋ ورتالىعى بولىپ سانالادى. قازۇۋ الەمدىك ستاندارتتارعا ساي ءبىلىم بەرۋ مەن عىلىمدى دامىتۋ ارقىلى حالىقارالىق دەڭگەيدە تانىلعان. 

قازۇۋ-دىڭ الەمدىك ءبىلىم بەرۋ جۇيەسىندەگى ورنىن ونىڭ QS World University Rankings رەيتينگىندەگى جوعارى كورسەتكىشتەرى دالەلدەيدى. ۋنيۆەرسيتەت قازاقستاننىڭ ەڭ ۇزدىك جوعارى وقۋ ورىندارىنىڭ كوشىن باستاپ، الەمنىڭ ۇزدىك ۋنيۆەرسيتەتتەرىنىڭ قاتارىنا ەندى. بۇل جەتىستىكتەر قازۇۋ-دىڭ ساپالى ءبىلىم بەرۋ، عىلىم مەن يننوۆاتسيانى دامىتۋ سالاسىنداعى جۇيەلى جۇمىسىنىڭ ناتيجەسى دەسەكتە بولادى.

حالىقارالىق دەڭگەيدەگى جەتىستىكتەرگە جەتۋ ءۇشىن ۋنيۆەرسيتەت الەمنىڭ 400-دەن استام جەتەكشى ۋنيۆەرسيتەتتەرىمەن جانە عىلىمي-زەرتتەۋ ورتالىقتارىمەن سەرىكتەستىك ورناتقان. بۇل بايلانىستار ءبىلىم الۋشىلار مەن وقىتۋشىلار قۇرامىنا اكادەميالىق ۇتقىرلىق باعدارلامالارىنا قاتىسۋ، بىرلەسكەن زەرتتەۋلەر جۇرگىزۋ جانە شەتەلدە تاجىريبە جيناقتاۋ مۇمكىندىگىن بەرەدى. قازۇۋ-دىڭ ءبىلىم بەرۋ باعدارلامالارى حالىقارالىق اككرەديتاتسيادان ءوتىپ، جاھاندىق ەڭبەك نارىعىندا جوعارى بىلىكتى ماماندار دايارلاۋعا باعىتتالعان.

قازۇۋ-دىڭ زاڭ فاكۋلتەتى – ۋنيۆەرسيتەتتىڭ ەڭ بەدەلدى قۇرىلىمدارىنىڭ ءبىرى. فاكۋلتەت قۇقىقتىق ءبىلىم بەرۋ سالاسىندا ساپالى جانە تەرەڭ ءبىلىم بەرىپ، حالىقارالىق ستاندارتتارعا ساي ماماندار دايارلايدى. فاكۋلتەتتىڭ تۇلەكتەرى قازاقستاننىڭ سوت، پروكۋراتۋرا، مەملەكەتتىك باسقارۋ جانە جەكە سەكتورلارىندا سۇرانىسقا يە زاڭگەرلەرگە اينالعان. قۇقىق سالاسىنداعى ءبىلىم بەرۋ تەك تەوريامەن شەكتەلمەي، ستۋدەنتتەردى پراكتيكالىق تۇرعىدان دايىنداۋعا باسىمدىق بەرەدى. قازۇۋ-دىڭ زاڭ فاكۋلتەتى حالىقارالىق جانە قازاقستاندىق زاڭنامالاردى ينتەگراتسيالاۋ ارقىلى قۇقىقتىق ساۋاتتىلىق پەن ادىلەتتىلىكتى دامىتۋدا ماڭىزدى ءرول اتقارۋدا.

زاڭ فاكۋلتەتىنىڭ پروفەسسورلىق-وقىتۋشىلىق قۇرامى قۇقىق سالاسىنداعى تاجىريبەلى ماماندار مەن جەتەكشى عالىمداردان تۇرادى. ولار ستۋدەنتتەرگە تەك ءبىلىم بەرىپ قانا قويماي، قۇقىقتىق ماسەلەلەردى شەشۋگە قاجەتتى اناليتيكالىق ويلاۋ قابىلەتتەرىن قالىپتاستىرادى. سونىمەن قاتار، فاكۋلتەت ستۋدەنتتەرگە سوت زالدارىنا، پروكۋراتۋرالارعا جانە زاڭ كەڭەسشىلەرىنىڭ جۇمىستارىمەن تانىسۋعا مۇمكىندىك بەرەتىن پراكتيكالىق ساباقتاردى ۇيىمداستىرادى.

ءال-فارابي اتىنداعى قازۇۋ – بۇل تەك ءبىلىم بەرۋ ورنى عانا ەمەس، عىلىم، مادەنيەت جانە جاھاندىق يدەيالاردىڭ ورتالىعى. ۋنيۆەرسيتەت ستۋدەنتتەرى مەن تۇلەكتەرى ەلىمىزدىڭ جانە الەمنىڭ بولاشاعىن قالىپتاستىرۋدا شەشۋشى ءرول اتقاراتىن تۇلعالارعا اينالۋدا. جاھاندىق ءبىلىم كەڭىستىگىندەگى قازۇۋ-دىڭ ورنى ونىڭ زاماناۋي ءبىلىم مەن عىلىمعا نەگىزدەلگەن تۇراقتى دامۋىن ايقىندايدى.

ءال-فارابي اتىنداعى قازۇۋ، زاڭ فاكۋلتەتىنىڭ قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ Phd دوكتورى، دوتسەنت س.ب. دۇزباەۆا.

ءال-فارابي اتىنداعى قازۇۋ، زاڭ فاكۋلتەتىنىڭ قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ اعا وقىتۋشىسى ا.ج. جاقىش.

ءال-فارابي اتىنداعى قازۇۋ، زاڭ فاكۋلتەتىنىڭ قىلمىستىق قۇقىق، قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىسى ر.ب. تۇرىسبەك.

Abai.kz