ەلشىلىك اقش-تا شەكارا قاۋىپسىزدىگىن نىعايتىپ، زاڭسىز كوشى-قوندى ازايتۋعا باعىتتالعان كوشى-قون ساياساتىن قاتاڭداتۋعا نازار اۋدارىلعانىن اتاپ وتەدى، دەپ حابارلايدى Ulysmedia.kz.

امەريكا بيلىگى قابىلداعان شارالار ەلگە زاڭسىز كەلگەن اقش-تاعى شەتەلدىكتەر مەن ميگرانتتارعا قاتىستى بولىپ وتىر.

قاماۋعا الۋ جانە اقش-قا قايتا كىرۋگە شەكتەۋ قويىلعان ەلدەن شىعارۋ سياقتى ماجبۇرلەۋ شارالارىمەن قاتار الەۋمەتتىك تولەمدەر، جۇمىسقا رۇقسات بەرۋ قۇجاتتارى جانە باسقا دا جەڭىلدىكتەر جويىلادى، - دەلىنگەن حابارلامادا.

اقش بيلىگى ەلدە بولۋ ءۇشىن زاڭدى نەگىزدەرى جوق شەتەلدىك ازاماتتارعا اقش اۋماعىنان ءوز ەركىمەن كەتۋگە مۇمكىندىك بەرەدى.

ۇلى دەپورتاتسيا

ترامپ اكىمشىلىگى كۇن سايىن اسكەري ۇشاقتارمەن ەلدەن زاڭسىز يمميگرانتتاردى شىعارۋدى جوسپارلاپ وتىرعانى بۇعان دەيىن حابارلانعان ەدى. بۇل تۋرالى اقش شەكارالىق قاۋىپسىزدىك باسقارماسىنىڭ باسشىسى توماس حومان مالىمدەگەن. بۇل «امەريكا قۇراما شتاتتارىنىڭ تاريحىنداعى ەڭ ۇلكەن دەپورتاتسيا وپەراتسياسى» بولماق.

Abai.kz